من فضلكم الطريق برا من دبي الى المدينة المنورة

22 thoughts on “من فضلكم الطريق برا من دبي الى المدينة المنورة”

1. أخي العزيز ‘نت تقصد طريق الخرج وهذا الشارع حاليا ماينفع كله حفر وبعدين هذا الشارع ساير جاي

   يعني سيد رونسيد ولا ينصح به وبعدين الجي بي إس ما عليه إعتماد بالسعوديه خير شر

   خلك ع الخريطه ومن توصل الرياض بتلقى طريق صلبوخ هذا بنكون نازل من على الجسر إتبعه بس هذا

   إذا سرت مكه أول أما المدينه بتلقى لوحات وإتبعها

   وبالتوفيق لك

   أخوي أنا الويكند اللي قبل الماضي رحت العمرة وأستخدمت الشارع وتقريباً معظم المشاكل السابقة غير موجودة وما فيه حفر..

   وهذا طبعاً أقصر بكثير من الطريق المذكور في الخريطة..
   وبخصوص الجارمن ينفع للخروج من المدن، لأنه اللي يسير أول مرة ويصيع هناك بيضيع الكثير من وقته..
   

2. اول شي اخويه تسير وتردلنا بالسلامه واهم شي تدعيلنا بخصوص السفره ماعليك الامور طيبه بس اهم شي تريح قبلها بيوم وتنش من الفجر وتطلع وبخصوص الجي بي اس كان عندي نفسك لو هو جارمن سير عند البدر للرحلات وعطه اياه بيسولك تحديث خريطه للخليج العربي اخر الشوارع والمحلات وغيره بترتاح صدقني وبتحصل كل الي تباه بالتوفييج

3. ان شاء الله عمرة مقبولة وترد بالسلامة وتحدثنا عن تجربتك واذا تشجعنا نروح بالبر

4. أخوي هذه الخريطة قديمة، الحين يوم نروح العمرة ما نمر على الهفوف..

   أخوي instant link بعد منفذ البطحاء ومقابل محطة البترول الثانية (محطة الجبيل) فيه فتحة دوران u-turn ترجع على منفذ البطحاء، اول ما تلف اللفة بتحصل على يمينك شارع يسمى بطريق الثمامة، تطلع عليه وبيوصلك إلى الرياض بدون ما تمر لا على سلوى ولا الهفوف..

   +إذا كانت أول مرة أنصحك تأخذ لك جهاز ملاحة gps مركب فيه برنامج جارمن garmin وحدد على المدينة المنورة وأختر shorter distance مب fastest time وهذا عن تجربة آخرها كان الأسبوع الماضي.
   
   تروح وترد بالسلامة..
   
   تحياتي

   أخي العزيز ‘نت تقصد طريق الخرج وهذا الشارع حاليا ماينفع كله حفر وبعدين هذا الشارع ساير جاي

   يعني سيد رونسيد ولا ينصح به وبعدين الجي بي إس ما عليه إعتماد بالسعوديه خير شر

   خلك ع الخريطه ومن توصل الرياض بتلقى طريق صلبوخ هذا بنكون نازل من على الجسر إتبعه بس هذا

   إذا سرت مكه أول أما المدينه بتلقى لوحات وإتبعها

   وبالتوفيق لك
   

5. تروح وترد باالف سلامة اخوي وخد بالك من نفسك
   ودعواتك معانا عند الكعبة

Comments are closed.