سلام الله عليكم
صباح الخير و النور و السرور
مثل ما قريتوا في العنوان
منو سهران مثلي ؟!!
سجلوا حضوركم
انا من الساعه 11 عالسرير اتقلب يمين و يسار و لا شي فايده كلها تفكير في هالأسهم اللي خسرتنا و مسؤوليات الدوام و أم العيال و البعد عنهم .. كلها تكالبت علي ولسان حالي يقول مخاطبا اياها ( جيتكم واحد و جيتوني جماعه .. ترى كلكم علي مب شجاعه ) لووووووووول
سجلو حضوركم يا خفافيش الليل *_^
انا اسمينيه مقطعه الرقاد تقطيع<<<مايحتاي
والله من اقعد ع الشبريه..يبدأ المسلسل اليومي..الا وهو
متى بسكن في بيتنا اليديد؟
شو بسوي؟
باخذ سيراميك ولا رخام؟
ولا بفرش حصير في اول الايام وبقعد اثث واصبغ شهريا غرفه غرفه
ومتى بفنش من الدوام وبقعد عند عيالي اربيهم وجوفهم الصبح يوم نشون ويوم يتريوقون ويوم يتغدون؟
وليش وقفت الا بنجرت هالكورس؟
ولو ما وقفت كنت احينه مخلصه كمن مساق
ومتى بيطلعونيه ساعتين تفرغ عسبت ادرس فيهن..وها ايلس احسب كمن ساعه خلصت..وكمن ساعه لازم اخصهن في الكورس..ولو خذت صيفي وضغط ع روحي شوي…………………………الخ
والحين بشتغل في الحاتاه….
ليش حشيت في فلانه اليوم؟
ليش رديت ع فلانه جذي؟
ليش زعلت فلانه؟
والحين الوازع الديني…
وآخر شي اسأل روحي…..ياربي باجر انا بعيش ولا بيكون آخر يوم في حياتي؟
وبعد كل هالتفكير..يمكن انام مع شوية صداع^^
والحمدالله والشكر ع كل شي
ليش السهر … مهما نكون مشغولين ….إذا كان لنا عاده و نظام للنوم خصبا عنا راح ننام
أنا عن نفسي لي نظام معين أتبعه…. سواء كنت في إجازه أو أداوم… أكون في الفراش 9:30 و بلكثير 10 ….
شو ما يصير ما أغير نظامي …. الى إذا حضرت مناسبات مثل عزايم أو أعراس …بس لي طبع إذا اخترب علي النظام لظروف قاهره مثل حضور عرس خلال الاسبوع …أرد أعوض نفسي بأني أرقد الفتره الي سهرتها في أيام ثانيه ..أو أعتذر لاي مناسبه الثانيه يديده خلال نفس الاسبوع…..
أنا خربت نظامي في الراقد يوم الاثنين بأني سرت عرس في رأس الخيمه … يوم الثلاثاء البارحه رقدت من وقت الساعه 8 تعويضا للساعات الي سهرتها….
النظام ثم النظام
وايد أتضايق لما أشوف مواضيع و مشاركات منزله ساعات متأخره من الليل أو الفجر …لاجسامنا علينا حق … حتى الواحد الي ما يروم يرقد من التفكير …في طرق
ثانيه يقدر يتبعه
مثل الاستغفار أو قراءة جزء من القرآن أو قراءة كتاب مفيد
أما الانترنت و المنتدى راح يخليك تسهر زياده…و راح تتعود على هالطبع….
خخخخخخخخخخخخخخخخخخخخخخخخخخ
وانا من امس سهران لين اليوم
الله يقوينا عالدوام و المسؤوليه
و يعطيكم العافيه