سلام الله عليكم
صباح الخير و النور و السرور
مثل ما قريتوا في العنوان
منو سهران مثلي ؟!!
سجلوا حضوركم
انا من الساعه 11 عالسرير اتقلب يمين و يسار و لا شي فايده كلها تفكير في هالأسهم اللي خسرتنا و مسؤوليات الدوام و أم العيال و البعد عنهم .. كلها تكالبت علي ولسان حالي يقول مخاطبا اياها ( جيتكم واحد و جيتوني جماعه .. ترى كلكم علي مب شجاعه ) لووووووووول
سجلو حضوركم يا خفافيش الليل *_^
عليج بالقرآن والاستغفار وقت النوم. والشيطان ما يبا هالشي وبعدها شوفي ان ماياج الارقاد.
اللهم اجعل القرآن العظيم ربيع قلوبنا ونور صدورنا وجلأء همومنا.
أخوي مضارب مغامر أنا معاك في أشخاص برع البلاد و في فرق الوقت بينا … بس أعرف أعضاء متواجدين في البلاد … أشوف لهم ردود و مشاركات ليليه و فجريه بعد….
بخصوص تقسيم النوم صعب بالنسبه لي …. لان أوصل البيت الساعه 4 … أصلي العصر أو أتغدى … بعده اقعد مع الاهل …نادرا ما أحصل وقت للقيلوله …قيلولتي هو الاسترخاء فترة العصر ….
صباح الخير حبوبه…
منو قال أني أرقد أكثر من 9 ساعات …
أنا بس معوده نفسي أكون في الفراش 10 … أتهيئ للنوم … أن أطبق المثل الي ينقال نام بكير تصحى بكير ….
أنا متبعه النظام هذا لطبيعة عملي …. أداوم 8ساعات و نصف … و تخصصي ينفذ كل طاقاتي … و حتى وأنا على الفراش أفكر في أمور الشغل و كيف بحل المشاكل…
أنا أنام 6 أو 7 ساعات …. أوتوماتيكليا أنش بعدها…وراي صلاة الفجر و أتزهب للعمل ..دوامي 7 صباحا…أما الويكند و الاجازات أقعد من النوم من وقت عشان أستمتع بريوقي مع الاهل…
بالعكس أختي أنا مستمتعه بحياتي ..موش مهمله نفسي … على فكره مضغوطه و مشغوله في أمور كثيره مثل العمل و المراكض مع المقاوليين و تشطيبات بيتنا و بيت أخوي … مع ذلك أوازن الامور و أعطي نفسي الحق في النوم و الراحه….. بعد أتابع برامج تلفزيونيه أحبها مثل برنامج الخطوه و البراحه و برنامج الاستاذ ابراهيم الخليفي على قناة الشارقه….
محد يروم يخربني …. صديقاتي ولا أهلي ما رامو علي … أنا وحده أمشي على خطط و نظام أي شئ يجي بالعرض أعتذر …. لازم أن أكون حطه الشئ في خططي الاسبوعيه أو اليوميه
على فكره حبيبتي …لاني موب ناسيه نفسي …قاعده أخطط بأني أستمتع بوقتي و اريح نفسي فقررت الذهاب لفجيره وحجز منتجع موب هالويكند الي بعده .. شو رايج تين معاي عشان تعرفين كيف مستمتعه بحياتي هالويكند عندي عرس في الفجيره بعد سايره…..
هو طبعا لا إفراط ولا تفريط ..
.. لكني بعد ما ارقد العصر …
واذا بنطبقها صح فالقيلوله هي قبل الظهر .. لكن مشاغل الحياة والعمل فصار صعب الواحد ينامها قبل الظهر .. حتى الظهر الناس الحين على دوماتهم ما يقدرون ينامون قبل العصر .. ولو اني حتى لو فاضي ما احب ارقد الظهر .. شخصيا .. أستمتع بنوم العصر وما يحلى الرقاد الا قبل اذان العصر بشوي .. ابليس