السلام عليكم اخواني حبيت اخصص هالموضوع (للمواطنيين فقط)* لانه يخصنا بالدرجه الاولى من غييرنا ومن حقنا نفتخر في حب وطنا وشيوخنا …. تعالو نسمع كلمات الشيخ محمد بن زايد الله يطول بعمره الكلمات الحماسيه والمفخره لكل مواطن ومواطنه …..
امـــــــــــــــاراتي وأفتخر
السلام عليكم ورحمة الله وبركاته
رفعت راسي وسط مهدي معاكم … معكم كبرت وبينكم رافع الراس
ضباط وجنود افتخر في لحاكم … يا عزوتي يافخر نفسي مع الناس
انتوا علم يعتز فيكم حماكم … انتوا على سبع الامارات حراس
يعتز في مسعى خطاكم ثراكم … لا من مشيتوا قال ياحي للماس
بعروقكم تجري فصايل دماكم … اصفى واوفى ما خلق رب لجناس
ضباط وجنود الوطن في ذراكم … يا عيال زايد تربية راعي الباس
انتوا بياض الوجه للي وراكم … نرجم بعزم افعالكم كل خناس
بايمانكم تصلا ذخاير عداكم … ينقلبون ابها شرى بن محماس
كرام اللحى عز وكرامة مداكم … وافعالكم لكرام لشناب مقياس
يا مرخص الدنيا ومكبر غلاكم … لي مثلكم غالي وقدره على الراس
كلمات سمو الشيخ / محمد بن زايد آل نهيان
اللهم احفظ هذا الوطن آمناً مطمئناً شامخاً قوياً عظيماً وعز شيوخه واهله يارب العالميين اللهم اميين ..
صح لسان بو خالد
انا شرااااتك بالضبط
صح إلسانك يابو خالد قصيده في قمة الروعه
حبيبي لاتحاول تاخذ الموضوع لمنحى اخر انا قلت هالموضوع يخص المواطن بدرجة الاولى ومحد نكر انه في وافديين يحبون هالوطن ولكن حبيت يكون شي خاص بالمواطنيين بس ولاتحاول تحول الموضوع اللي ضاربه اتمنى ترقي شويه فنقاشك وماتحاول تخلق حساسييت واعتقد من حقنا ك مواطنين يكون شي خاص فينا ولا حرام بعد؟؟
مرحبا اختي لا من حقه يدخل ويشووف واكييد وايديين دخلو بس انا حبيت يكون الموضوع للمواطنيين لانه يخصنا بالدرجه الاولى ومن حقنا اعتقد!؟!!؟ اتمنى ماتاخذوون الموضوع لمنحى اخر ومشكورييين على المرووووووووووووووووور الجميييع