مرحبا

حبيت أسألكم …

كيف طريقة القهوه الصفره .. هل فيها اشياء أضافية ام نوع غير القهوة البنية

ومن وين بحصلها

لأني دورت كل مكان يعطوني البنيه ما احصل هالصفره موووووووول ..

لأني جربتها كااااااااانت روووووعة طعمها لذيذ وريحتها خنينه تفج الرأس

9 thoughts on “من وين بحصل القهوة الصفره … او كيف خلطتها .. ( قهوة عربية )”

  2. السلام عليكم ورحمة الله وبركاتة ،،،،،

    اخوي ولد البلاد 2000 ،،،،

    اول شي لازم تشتري القهوة حب يعني طازة افضل انواع القهوة ( خولاني ، بري ، هرري ) بعدين تخلي الوالدة الله يحفظها لك تحمسها يعني تحطها في صاج او مقلاة على النار حتى يصير لونها بني فاتح ( شقراء ) يعني لا تخليها تحترق تصير سوداء او غامقة بعدين خلها على جنب لين تبرد ثم اطحنها :

    الطريقة حسب طريقتي الخاصة هي :

    1- تضع ابريق القهوة حجم متوسط تعبية موية ثلاثة ارباع الابريق.
    2- بعدين تضع فنجال من البن المطحون سابقاً وتخليها على النار تطبخ لين تقطع يعني يوقف غليان.
    3- ثم تأتي بالدلة وتضع مقدار ملعقة صغيرة هيل في قاعة الدلة مع شوية زعفران وقليل جداً مسمار (عويدي) بعض الناس يحط معاها ( كوفي ميت ) لتفتيحها.
    4- تزل ( تصب ) القهوة المغلية في الدلة ثم تجعلها قليلاُ على النار لين تفور بعدين بالهناء والشفاء تشربها مع اجود انواع التمور ( الخلاص ، السكري ) رطب كان او تمر .

    لولا شرابه يا عرب وين أروحـــي
    وأكويه بالجمرة ويكوي جروحــي
    أقصر بصبتها على كيف روحـــي
    الجادل اللي عند أهلها طموحي
    فكاك بالضيقات راعي اللدوحــي
    عيد لربعه بالزمان اللحوحـــــــي
    يضوي ولو صكت عليه انبوحـــي
    ضباط مال وحافظين السروحــي
    يا معذربين التتن لـــولاه لـــــــــــــولاه
    والله لولا العظم يوم اني أمــــــــــــلاه
    مع دلة صفرا على النار مــــــــــــركاه
    فنجالها كنه خضاب الخــــــــــــــونداه
    عده لمن يثني خلاف المـــــــــــخلاه
    وعده على اللي تدفق السمن يمناه
    وعده لغمر ما توني مــــــــــــــــطاياه
    وباقي الرجال افحول نــــسوان ورعاه

    وسلامتكم ،،
    اخوكم / مشعل

  3. هاي يسمونها القهوه البيضا
    تنباع فالكويت والسعوديه
    يكون لونها اشقر جي فااتح
    اشتهيت القهوه ونحن صيام راسي مسندر

  4. ياما حلا ياعيد في وقت الأسحـار
    جــــر الــفــراش وشــــب ضــــو الـمـنــاره
    مــع دلـــةٍ تـجــذا عـلــى صـالــي الـنــار
    ونــــجــــرٍ لــــيــــا حـــــــــرّك تــــزايـــــد عــــبـــــاره
    الــنـــجـــر دق وجـــــــــاذب كـــــــــل مـــــــــرار
    مــــا لــفــه الـمـلـفـوف مـــــن دون جـــــاره
    في ربعةٍ ماهي تحجب عن الجار
    لامــــن ولــــد الــــلاش مـــــا شـــــب نـــــاره
    وأخـــيـــر مــنــهــا ركـعــتــيــنٍ بــالأســحـــار
    لا طـــاب نـــوم الـلــي حـيـاتـه خــســاره

    اظن انك ماتحمس القهوه وايد

    وفي القهوه السعوديه الصفرا او الشقرا هي انتاج اليمن بس يسمونها السعوديه اظن

    نحن ناخذ السلانيه والسعوديه انمكسهن رباعه وتطلع فنانه

  5. مادري بس شكلهم مايقلونها وايد

    هيه صدق مره شربت قهوه يسمونها الشقرا

    محطين فيها شي يخلي لونها فاتح ماعرف شو !!

    ان شالله اللي يعرفون بيخبرونك طويل العمر

Comments are closed.