السلام عليكم ورحمة الله وبركاته

هلا اخواتي واخواني الاعزاء
الطلب واضح من العنوان ابا اتعلم كيف اشتري ووابيع الاسهم عن طريق النت وانا يالسه باليبت يعني شو الاوراق وشو الخطوات من الالف الى الياء منو اللي له بارض ويمكن حتى مستقبلا اصير شاطرة واسوي له
ادري السوق نازل وما منه فايده بس الواحد يتعلم

9 thoughts on “من يعلمني كيف ابيع واشتري الاسهم عن طريق النت”

  2. انا من بوظبي
    ابغي بطاقه مستثمر أطلعينها من سوق دبي المالي

    لازم اروح السوق نفسة او في مكان ثاني اقدر اطلعها

    انا من بوظبي

  3. ووووووووووووووووااااااااااااااااااااااااااوووووووو وووو اخوي الطيار يزاك الله خير وابشر باجر بقدم في الانصاري وبشوف وبمشي خطوة خطوة

  4. ماشاءالله عليك يا اخوي الطيار انا من كم سنه في الاسهم والشي الزين اللي اعرفه اسمع من ربيعتي روحي بيعي ابيع اشتري اشتري للاسف ماعندي حد يخاف على مصلحتي مع اني ادش النت بس للاسف ما اعرف والحين من قلت لي عن بنك دبي الوطني سويت خير فيني لانه حسابي عندهم شكلي بروح لهم وبفتح حساب عندهم احس من الشركه اللي اتعامل معاها…

    سؤال مهم واااايد

    اذا في حد شاري اسهم وما ظفتهم في حسابي هل الوسيط يقدر يسوي هالخدمه والا لازم اروح السوق واظيفها

    الشكر موصول لك يا اخوي وربي يوفقنا للخير ان شاءالله

  5. مرحبا ..

    أختـي بالعكس السوق الحين وقت الشراء فيه .. كل شي نازل يعني اذا بينزل مابينزل زياده .. والارتداد قادم ان شاء الله ..

    طبعاً أول شي يبالج بطاقه مستثمر أطلعينها من سوق دبي المالي أو سوق ابوظبي المالي اذا كنتي فوق 21 تودين صوره جوازج وبيطلعون لج اياها في يومين ..

    عقب ماطلعين بطاقة مستثمر اتروحين أحدى البنوك أو احد الوسطاء اللي عندهم التعامل عن طريق النت ..

    مثل بنك دبي الوطني .. الأنصاري أعتقد والـخ ..
    تفتحين عندهم حساب وتعطينهم رقم المستثمر ويربطون لج حسابج باسوق ..وويعطونج بطاقه بنكيه

    ويعطونج رقم سري واسم سري .. واتدشين الموقع شي عربي وانجليزي .. اختار اي واحد وخلاف تحطين أوامر الشراء مثلاً أو أوامر البيع .. وتقدرين من هناك اتشوفين كم في حسابج وهكذاَ .. والحلو فيه ان مثلاً اذا كان عندك 50 ألف درهم وشريت فيها اسمهم وربحت مثلاً 6000 درهم يعني صارو 56000 ألف تقدر تسحب منهم بدون ماتروح البنك عن طريق البطاقه يعني يستون في حسابج ..

    عمليه سهله واحلى بوايد من الوسيط .. ولـكن حذاري من الهـكر ترا هنيه يستغلونها ..

    اذا استفدتي اول ربح حقي ..

    والسموحه منج دمتي بود ..

Comments are closed.