السلام عليكم و رحمة الله وبركاته
اخواني بغيت اقولكم كلمتين ابغيكم اتووصلونها لكل هامور او اجنبي يبغي يطلع صغار المستثمرين ( الكتاكيت ) من السوق بالقوة …
انا باقي في السوق حتى لو وصل اعمار الى درهم واحد فقط … لسبب واحد فقط … تعرفون شو هو .؟؟!!
ان حاكم الدولة الشيخ خليفة بن زايد آل نهيان
و ان حاكم دبي الشيخ محمد بن راشد آل مكتوم
و اعلموا مثل ما يالسين تسمعون في الراديو و تقرون في الجرايد المبادرات الخيرية اللي تنطلق من امارات الخير …..
ما اعتقد بل اجزم ان الفرج قريب و ارجو من الجميع الصبر … ان الله مع الصابرين و مهما حصل السوق سوقنا
و البلاد بلادنا اذا تركنا السوق ينهار يعني لو باجر نزل السوق العقاري الكل راح يبيع و يشرد ؟؟!!!
هذي بلادنا و محد يعرف مصلحتها الا احنا ….
شدوا الاحزمه مثل ما شديتوا كل هذه الشهور …. و شغلوا Airbag و ان شاء الله قبل نهاية السنة اتشوفون المؤشر فوق 6000 نقطة …..
شباب اقتصادنا اقوى من 4000 نقطة … سوقنا اقوى من هذه الارقام التافه …. استثمروا للمستقبل القريب و ان شاء الله اتشوفون اعمار ارقام ثلاثية ….و السوق اقوى من السوق الامريكي المنهار
و الدليل انكم سمعتوا الخبر مال قبل كم من يوم مال ترليون دولار لانقاذ السوق الامريكي من وين ياي هاي البيزات ؟؟؟
اول ما ينقذون السوق الامريكي راح ترتفع ان شاء الله الاسهم عندنا و ان شاء الله بتشوفون .
لان لا تنسون انه معظم شركات الاماراتية و البنوك لها استثمارات في امريكا فاذا ما انقذنا ممتلكانتا اللي في امريكا منو راح يداري حلالنا اكثر منا ؟؟؟
البنوك خسايرها كبيره بانهيار الاسواق الامريكية و بالتالي لازم يكون في تحرك من الشركات و ان شاء الله سوقنا شوي شوي يتعدل وضعه بس المهم يا شباب اتقوا الله في انفسكم في هذا الشهر الكريم و لا تهلكوا انفسكم امام الشاشات و متابعة التحاليل .. مادام عندك السهم فلا اتخاف ان شاء الله شيوخنا ما راح يخلون شركاتنا تنهار مثل ما تنهار شركات اللي برع …
خلي املكم في الله كبير … و ان غدا لناظره قريب … بل قريب جدا جدا .
اخى الافلاس خطة
والانقاذ خطة لسحب اموال الخليج التى استحصلوها من ارتفاع اسعار النفط
ولو الخليجيون ضخوا اموال فى بنوك امريكا لانقاذها فهم يعتبرون من الغباء بمكان
خل امريكا وبنوكها بقريح
ويجب ان نحافظ على قرارنا واموالنا ونغير اتجاه خططنا الاستثمارية
تفآلوا بالخير تجدوه
الحمد لله انا طلعت من السوق الشهر الماضي
و ما عندي غير أسهم منحة فقط
الحمد لله بعت بسعر أحسن من سعر الانهيار الحالي و أنا راضي…
عفوا أخوي hamedmohd حكومتنا ما تقولك أخسر فلوسك لازم تشغل مخك.
ان شاء الله فهمت قصدي