…السلاو عليكم اخواني واخواتي الاعضاء …
من يومين قريت موضووع عنوانه (اعفاء ارقام بوظبي عن سالك ) … و اليوم و انا ساير دبي قلت فخاطريه ما بحط رصيد في سالك … بس قلت ليش المغامره .. باتصل على الرقم المجاني لسالك و اتأكد … و هذا اللي صار .. اتصلت و استفسرت عن الموضووع و قالي موظف البداله لسالك انه هذي المعلومه غير صحيحه بل و ليس لها اساس من الصحه .. و اي سياره تعبر عبر بوابة التعرفه سالك يجب ان تدفع التعرفه المروريه المقرره … بغض النظر عن مصدر اللوحه ..
. عاده تخيلوا ما حطيت الرصيد و مشيت .. يا انه المخلافات بتتجمع ع اظهري ..
اخواني الكرام .. انا اللي ابغي اقوله انكم تتأكدوون من صحة المعلومات اللي تحوطونها في مواضيعكم .. لانه فالنهايه نحن المتضررين ..سواء اعضاء المنتدى او الزوار ….
و السموحه على الإطاله .. ربي يحفظكم
ارقام قطر والسعوديه وعمان معفايه من سالك
No Comment ..
انا إلي فهمته ان سالك مايطلع على الكمبيوتر الإتحادي وبالأخص ابوظبي
وسألت وطلع صحيح
بس في حال إن حجزت السياره في دبي ماتطلع السياره إلا بعد دفع جميع المخالفات ومن ضمنهم سالك
توقع كمبيوتر سالك يدمجونه في اي وقت وبعدين ماينفع اوي
اشكرك على الموضوع والتنبيه اخويه
السلام عليكم
.. وتقدر بعد ان تراجع الموضوع وتشوف ردود الشباب .. 
..يعني لو مادفعوني مابرد اقولكم عن تقولون فلان قال وفلان سوو
شحالك اخويه . انا صاحب الموضوع اللي ذكرته .. وانا قايل ان سمعته وما اعتقد لو تشوف موضوعي
اني قلت لفلان ولا علان عقوا بطاقه السالك .. ولا امشوا بدونها .. وتقدر تراجع الموضوع وتشوف
وثاني شي .. اللي اكد كلامي وكلام اللي قالي .. ان في بعض الشباب جددوا سياراتهم
بدون لايدفعون مخالفات السالك ؟!
على العموم يا اخويه .. انا بجدد سيارتيه اخر شهر 4 .. والسياره ماعليها لا سالك ولاهم يحزنون
وكم مره رحت فيها دبي وخطفت من بوابات سالك .. وروحي بتاكد بنفسي ان كان ادفع المخالفات ولالا
وانا حبيت اخبر الشباب فقط لا غير ..
كلامك صحيح الصحيح ,,
يعطيك العافية