السلام عليكم..
مواطن..شهادات عليا..يدور أي وظيفة حتى لو (دريول) سايق في العين!!!
الموضوع صدقي و جد.. و الي يعرف عن ناس محترمين عندهم أي وظيفة حتى لو يدورون دريول مواطن اتمنى انهم يتواصلون معاي على الخاص..
الي يبا يسأل أي سؤال على الخاص برد علية على الخاص..
والي يبا يسأل أي سؤال على العام برد علية في العام..
أتمنى الجدية في الموضوع
شكرا..
أخوكم الصغير
مستغرب
مبروك على الوظيفه صراحه اسعدتني
والله يوفقك يا اخوي
السلام عليكم..
الحمد لله رب العلمين.. ربنا و لك الحمد و الشكر على النعمة..
حبيت ابشركم.. الحمد لله الله رزقني بوظيفة أحسن من الي كانت عندي..
تبون تعرفون كيف…
كل ليلة أدعي انة الله إيسرلي أمري و يسهل علي و يعيني..و الخميس كنت راجع من ابوظبي كالعادة و لقيت سيارة متعطلة في الطريج و فيها عائلة..المهم..وقفت و ياني رب الأسرة و قلتلة عسى ماشر يا مخاوي شما..قالي الموتر تعطل..قلت له فالك طيب أبشر و الله ماتردني.. هذا الموتر و سويجه(مفتاح السيارة ) فية و قض حايك و المسا بأذن الله بتصلبك.. شكرني و خذ الموتر بعد ما خذت رقمة,,اتصلت بسيارة الشحن و شحنت الموتر كراج واحد من الربع و قلت له يصلحة بأسرع وقت..
بعد التراويح يبت الموتر و كان منطر فية الراديتر.. (مبرد محرك السيارة)..
اتصلت بالريال و تواعدنا في الكوفي..
ييت و يا الريال.. شربنا كوفي و سولفنا و كلمة تير كلمة تواعدنا انة يفطر عندي الجمعة في البيت..
يا الريال و الحمدلله فطرنا و عينا خير.. و شاف شيبتية يعلني افداة و سألني عن دوامي و كيف مرتب وقتي من بين الأثنين..
المهم.. بعد ماروح بعد صلاة التراويح بساعة اتصلبي و قالي انة بعد العيد اباك اداوم في المكان الفلاني..و نهار الاحد خلص اوراقك..بيتصلبك فلان..
طلع الريال واحد من ال…..و انا مادريبة…و قالي بس انة اسمه بو فلان..و الحمدلله رب العالمين على النعمة..
صدق يا جماعة الدنيا فيها خير و الناس فيهم خير..
قلت ابشركم بالبشاره و تفرجون معاي…
و انا شاكر لجميع الأخوان الي ساهموا في موضوعي و فعلا في ناس بعثولي برسايل على الخاص بطرق مختلفة و بعدد يأتمنوني على حلالهم و هم ما يعرفوني…بيض الله و يوهكم يا خواني و خواتي والله يسعدكم و يفرج همكم يارب..
يرزق من يشاء بغير حساب
اخوكم الصغير
مستغرب