السلام عليكم,
اليوم كنت ساير اتشرى من كارفور, وبالتحديد في راس الخيمة. واشوف واحد مواطن يالس يتشرى هو وخلنا نقول زوجته ( ما اريد اقول صديقته او “زميلة العمل”) اجنبية ولابسه مثل ما يلبسون السياح في وقت الصيف.
الحين شو بتقول عن هذا “الريال”. ان كانت زوجته شو من الناس الي ما يغار على مرته ومخلنها (فالتوه). وان كانت صديقته, ما يستحي على ويهه ويظهر وياها جدام العرب!
وطبعا مشيت عنه, وجان اشوف واحد ثاني مسوي نفس الشي!
شو بلاهم هالناس! لا يستحون من ربهم ولا من الخلق.
الله يهدينا ويهديهم.
[
quote=ابو مكتوم;2486091]
وابا اقول شي الي سمعته ولا شفته من ربعي الي متزوجين من اجانب وعرب سألتهم وشفت منهم ان حريمهم يحافطون على بيتهم وعلى اسقرار الزواج بينهم بعكس الي حاصل عندنا
عفوا أخويه…
بالبركة عليك بالتشجيع للأخوان بالزواج من أجنبيات..شهادة تستحق الشكر والتقدير منك طويل العمر..
لكن يكون بمعلومك…هذي الجنسيات بتسكت وبتصخ عن المنكر اللي ممكن يقدم عليه الزوج مش أحتراما للحياة الزوجية وتقديرا لللزوج..
لا طويل العمر..
.حوفا على حياتها ومستقبلها المعيشي..ورجوعها إلى الحياة التعيسة اللي كانت عايشتنها…فكيف تخلي العز…وتذهب للفقر….
وبكون جريئة بالرد…
وليش لأ..تخليه يلعب مرتاح…وهي بنفس الوقت..تلعب من وراه..ومن جيبه بعد…في بيته بعد..شو رايك…!!!
وإذا تبغي قصص واقعية بطرشها لك على الخاص..في أي أمارة…وشاهد عليها…!!!
ويكون الطرفين متعادلين بالخيانة…في سبيل الستر والراحة والأستقرار كما نوهت…
بنت البلاد ما بتسكت عن كرامتها….ولازم بتوجه وبترمس حتى ينصلح حال الريال..سواء عيبه الكلام أم لم يعيبه…
وشهادة الكل..بنت البلاد في المقام الأول والأخير..هي الخير والبركة على مدى العمر..
وما أعمم….
. وانا اعرف ان اكثر الشباب مايستغنون عن السيارات ولاتنسين ان بعض الي تشوفينهم هذيلا عيال عز وعندهم فلوس الدنيا ويشترون سيارات نقدا مب اقساط فلاتحكمين على الكل .
نظرتك خطأ للأسف…اخويه الرواتب موحدة سواء لولد العز أو لغيره..
ومثل ما نوهت أنك سرت لمحلات العبايات والفواتير بالهبل…تراها لكل الطبقات بالدولة…سواء غني أو متوسط الحال..
فأنا أطلب منك…أنك تسير وكالات السيارات..أو قروض البنوك..
وبتشوف أكثر فئة أمتلاكا للسيارات الفارهة..هم الناس العاديين…هب شرط يكونون من ذوي أبناء المليونيرات..
بلادنا الحينه ما تعرف تفرق بين الغني والفقير….كل مظاهر العز والحمد لله ظاهرة عليهم……
سيماهم بوجوههم..من كثر الغنى.وهذا بفضل الرواتب العالية…والتسهيلات البنكية بالقروض…
وللعلم….ما أعمم
كيف يستقيم الظل والعود اعوج !!!
هذا فيض من غيض
ذهبت مره للغداء مع العائله في فندق حياة جراند
وكانت كل الطاولات محجوزه لغداء موظفي مؤسسه حكوميه
ولاني حاجزه فكانت هناك طاوله مرتبه لنا على جنب
فأتوا الموظفين
رجال ونساء
مواطنين ووافدين من مختلف الجنسيات
وتفاجئت
على ان المواطنات يتغدون مع الرجال الوافدين على نفس الطاوله
وتصوروا ان احدهم كان يشيش وينفخ الدخان في بنت البلاد وهي تضحك
واخرى تلحس الايس كريم وتتكلم
والمواطنين عاااادي مع الوافدات
واللي متعري ,واللي حالته حاله
هذه ومؤسسه حكوميه ,وشو خلوا للشركات الخاصه ؟!؟
واله كلامك صج أخوي مضارب الواحد صار يستحي ياخذ اولاده الصغااريه من كثر ما يشوووف هالاشياء …… مره كنت يالس بمقهى في مركز المارينا في بوظبي و معاي اولادي الصغااريه و كانت جبنا وحده اجنبيه يعني شو بقوول عنها لابسه ملابس تفضح اكثر مما تستر والله ولدي الصغير يقوولي ابووي ليش هذي محد يقوول لها عييب ولا هالشي عندهم في البيت عيب و في المركز عادي الصرااحه انا توهقت و يلست خمس دقايق و انا اشرح له ليش هذي لابسه هالملبس و كيف اختلاف عاداتهم عن عاداتنا ….. ومن ناحيتي اشووف دوله المفروض يكون لها دور في هالظواهر السلبيه لان كل راعا مسئول عن رعيتعه .. و دمتم بود اخواني الاعزاء
مرحبا دكتور سهرناك معنا
دكتور هذة صور من ايران
فية شرطة نسائية اتزخ الحريم المخالفات
ايران فيها حفلات خاصة وبلاوي داخل البيوت وكل بلاد في الدنيا فية هذا الشي
يس مابتحصل حد مجاهر بمعصية
حتى في امريكا عندهم قوانين حشمة ولبس الا على الشواطئ
السعودية نفس الشي
عندهم الهيئه السعودية ماتخلى من المشاكل الاخلاقية
بس يوم تدخل سنتر الكل محترم عمرة ومحتشم
تمشي في السناتر وانت مرتاح اقل شي ماتاخذ ذنوب من شوفة هذة ولا هذة
سير االمولات عدنا
والله العظيم انا ريال استحي من مناظر اشوفها قدامي
الواقع غير والمثل غير
لازم تضرب بيد من حديد عشان تستقيم الامور
المثل يقول
اضرب الجلب يتعض الاسد
الموضوع اخذ مسار اخر….
وكذلك الانتقاد اخذ حقه ولكن
ان نتشابك ونرد على الجنس الاخر انت الرجال وانتم النساء هذا بحد ذاته مصيبه
اذا كنا بنقول ان الشباب يصرفون على السيارات وسلفيات وها الكلام الي يتذرعن به النساء انا كذلك لي نظره على النساء .
عند تجولك في المدينه او ذهابك الي اي مكان في السيارة وعند التوقف عند الاشارة الضوئيه وخصوصا في ابوظبي ودبي وشوف الي حواليك بتلاقي كل انواع السيارات من البورش الي المرسيدس الي الجاكور والي افخم السيارات حتى الرنج المعظم بنات
ولو نظرنا الى بعض السلبيات والمصروفات واروح ايبلكم قائمه بفواتير محلات العبايات والملابس النسائيه بتلاقونهم اضعاف اضعاف المعقول حتى العباه دمروها وانا ماريد اجمع ولكن اقول عن فئه كثيره والمحلات تشهد بذلك
ليش نظرتنا دوم سلبيه الي المواطن ؟؟
يعني تنادينه بالسلبيه وتريدينه زوج ؟
ليش تبين الملايين لنفسج وماتبين له الراحه؟
ليش نظرتكم ان الزواج مصاريف مالها حدود ولازم بذخ؟
ولما يتقدم كزوج يا تطلعون فيه مليون عيب وشتيمه يا تطلعون مب ريال لانه ماعنده قد طلبات ام العروس واهلها؟
مثال: احد معارفي تزوج بنت لبلاد وكلنا الحمدلله ماطلعنا من برع لبلاد وبنات عرب اصل وفصل وحسب ونسب
لكن عشان رفض ان ايب فرقه غنائيه سبوه وخلوه منحط ومب ريال وحتى بالطعن في رجولته طعنوه وهو رجل عن عشره . وهذا مب بروحه الي حصل ها الموقف كثير من الشباب مروا بهذى الحركه ولكن؟؟!!
وين تبين المواطنين يتزوجون من بنت لبلاد وانتي واهلج جذي؟
المعذرة على الاسلوب ولكن انا اكلم واقع اجده في الكثير من الاسر .
وبعد تعالي شوفي عندنا القبايل حدث ولا حرج يا حبهم للتشمت
رجل يمكن يكون مب زين في حياته القديمه اليوم اعتدل يو وسبوه وماخلوا فيه شي حتى الجرم جرموه ولا حد يرحمه.
رجل مايسوي شي بس عليه اشاعات مايخلون شي ومايقولونه فيه طبعا بدون شهادة عين فقط كلام وقول واخر شي طلع عن طوره وراح وخذ من برع لبلاد وهذا مالانتمناه.
وابا اقول شي الي سمعته ولا شفته من ربعي الي متزوجين من اجانب وعرب سألتهم وشفت منهم ان حريمهم يحافطون على بيتهم وعلى اسقرار الزواج بينهم بعكس الي حاصل عندنا
البنت تتزوج من هنيه وبعد شوي تقول والله مب مرتاحه او ودني كل شوي بيت اهلي مب متعوده على هنيه او تختلق المشاكل
وماريد ازيد واتكلم عن الخيانات الزوجيه والي شفتها من البعض ان وحده متزوجه وتصرف على الصديق وهو مبسوط من راتب الزوج
ماندري متا راح نوقف عن هذى الردود السلبيه والنظره السلبيه
اليوم حسيت نفسي اني كرهت نفسي من كثر ما اسمع ردودكم السلبيه على الرياييل وانهم يصرفون على سياييرهم ويستخسرون في زواجهم اذا بتقبلين بزوج بدون سياره وبتركبين وياه التكسي او المواصلات فمافي مانع تعالي اهلا وسهلا زوجه وبنترك السيارات. وانا اعرف ان اكثر الشباب مايستغنون عن السيارات ولاتنسين ان بعض الي تشوفينهم هذيلا عيال عز وعندهم فلوس الدنيا ويشترون سيارات نقدا مب اقساط فلاتحكمين على الكل .
وانا ابا اقول اني شفت ها النوع من الشباب وهم قوم بو 20 وتحت ..
لكن ياريت لو تتكلمون عن مصانع الرجال
وياريت ماتكون نظرتكم سلبيه لانكم بهذى النظره والتطاول اسئتوا لبني جنسكم الانثوى وخليتوهم مايحبون الزواج وصار بعض البنات ينادون بالحريه وعدم الزواج والعيش الرغيد في بيت اهلها طيب خليها في بيت اهلها وكره الرجال بصوره فضيعه لم نعهدها في اي نساء في العالم كما نراها فينا وطبعا هي الان الي تقطع نسلها مب نحنا نحنا كرجال بنتزوج من وين مايكون والله المستعان دام هذى نظرتكم الي المواطن وهذى افكاركم وما ألوم البنات الي اسمعهم يقولون مانبا نتزوج مواطن لان اثرتوا عليهم بعقلياتكم وكلامكم هذا واصبحت النظره دومها في السلبيه
وابا اقول شي نحنا كشعب اماراتي دائما الاغلبيه متناقضين من نسمع الشي نحاوره بالسلبيه في اغلب الاحيان وماناخذه كموضوعيه ونقاش بناء ونركب عليه النقاط الناقصه او الجمل المناسبه بل نختار اين ماتكون السلبيات والرد الجارح او المهين والاستفزازي ونحط عليه بالجلد المبروح حتى يهلك والمهم كلمتنا تكون هي الاولي والاخيره والمسموعه والصحيحه.
والسموحه من الجميع ولا اقصد اهانه او تجريح اي احد من الجنسين والله يبارك فيكم وان شاء الله تجدون معني رسالتي وهي من قهر قلبي مش تعنيف او رد جارح والله يعلم بنيتي
وفقكم الله والسموحه منكم
وهذى اخر كلمه اقولها
التوبه ادخل في اي موضوع في نقاش بهذى الطريقه او حتى الكلام عن الزواج او المواطنين او خلافه لان هذا هو الحال على ردودنا .
والسلام عليكم ورحمة الله