السلام عليكم,
اليوم كنت ساير اتشرى من كارفور, وبالتحديد في راس الخيمة. واشوف واحد مواطن يالس يتشرى هو وخلنا نقول زوجته ( ما اريد اقول صديقته او “زميلة العمل”) اجنبية ولابسه مثل ما يلبسون السياح في وقت الصيف.
الحين شو بتقول عن هذا “الريال”. ان كانت زوجته شو من الناس الي ما يغار على مرته ومخلنها (فالتوه). وان كانت صديقته, ما يستحي على ويهه ويظهر وياها جدام العرب!
وطبعا مشيت عنه, وجان اشوف واحد ثاني مسوي نفس الشي!
شو بلاهم هالناس! لا يستحون من ربهم ولا من الخلق.
الله يهدينا ويهديهم.
تسلمين غناتيه..
المشكلة أننا ما نروم نترك الساحة للنقاش..لناس للأسف أفكارهم غلط ×غلط…!!
أفكار للأسف متفتحة ومتجه نحو الغرب..بلا قيم..ولا وازع ولا رادع أيماني..!!!
وللأسف ممكن هذي الأفكار تؤثر بالعقول وتجرها نحو الهاوية بهذه الأراء الهابطة..!!!
وناهيك عن اللي يحدرون المنتديات كلهم من فئة الشباب والشابات وبالآلاف طبعا…ممكن أن يتأثرون بهذه الأفكار..!!
لذلك نحاول نحارب..هي نحارب…هذه العقليات ونصقلها ..كي تتوجه نحو القيم والعادات الأسلامية..
تطبيقا للمنهاج الأسلامي بالطرق الحديثة للتماشي مع التطور الحضاري ..حتى لا يقال عننا أننا متخلفين…!!!
وسلامتكم…
صراحة قريت كل الردود
وبعضها طبعا ردود غير منطقية
والي حاب اقوله
للاخت ظبيانية
ان مب كل من رد بالموضوع وقال ان الاجنبية تحافظ ع الاستقرار معناتها انه يشجع شباب البلد ع الزواج من اجنبيات
انا ادري ان شي ناس بتزعل من ردي
بس ياجماعة الخير
ابا اعرف شو فيها لو الواحد خذ اجنبية؟ بغض النظر عن لبسها
ولله ان شي اجنبيات ينحطون فوق الراس
من خلال تربيتهم وتعاملهم ويا الريل وعياله
وطبعا هااي فئة
انا اتكلم عن الاجنبيات
بس بالنسبة للمواطنات شي فئة منهن الله يهديهن ولله بس طبعا الاكثرية محافظة ع الحشمة وعاداتها
ردي هذا يوضح ان مب لازم نفرق بين المواطنة والاجنبية
يكفي حديث الرسول صلى الله عليه وسلم
لا فرق بين عربي وعجمي الا بالتقوى
والسموحة طلعت شوي عن مسار الموضوع
والله محد غامضني غير ظبيانيه حليلها حارقه اعصابها على النقاش و الشباب و لا عالبال و لا عالخاطر
يالغاليه شباب من هالنوعيه قوم بيقلصون وياهم اشكال منحله و بيتمشون وياهم في المول و يخقون جدام الناس ما ينوصفون الا بكلمه وحده
” لــــــــــــــــــــــوث”
و هالنوعيه ما يحتاي نحرق اعصابنا عليهم و لا ننقهر على تصرفاتهم ..الا نفاد ينفدهم اخ شو نبابهم
لكن الريال اللي يستحق الاحترام هو ولد البلاد الحشيم اللي ما يظهر من البيت بليا كندوره و غتره و عقال ..هو الريال اللي ما يرفع عينه في البنات و يركض وراهم في الاسواق شرات الجلب المسعور ..ولد البلاد يطولي بعمرج هو اللي يشوف كل البنات خواته و هله و عرضه و شرفه و عمره ما يرضى عليهم بشي ما يرضاه على هله
ولد البلاد راعي المعاني اللي يرفع راسنا بتصرفاته و ردود فعله ..هذا اللي نغار عليه و ندافع عنه و نحرق اعصابنا عليه لو حد يفكر يقول عنه كلمه
و الا هالاشكال اللي ترمسون عنهم و الله حرام تضييع الوقت عليهم و فاتحين موضوع و متعبين عماركم
و هاي السالفه يطولي بعماركم
ترا هذه الآراء والردود تكون بمثابة أنتقاد ونصيحة بنفس الوقت..
للناس اللي ضميرها ميت..وماشية وراء أهواءها..
الله يخليكم هل من مزيد..عسب الكل يقرأ ويتعظ..
تبون تشوفون العجب الخميس سيرو صحارى وطالعو للاســـف اللبس والشعر والقصه بكبرها طالعه والعباه امبطله والقصير داخل العباة مايحتاي ارمس عنه وللاسف مواطنات باذنيييه والله سمعت الكلام بين مواطن ومواطنه واحد يسب الثاني وبكلام ماااصخ من الخاطر روحي انا ويهي استوا احمر من الرمسه مابعتب على حد من بعد ماسمعت وشفت الي شفته خلونا ساكتيين احسن