السلام عليكم,
اليوم كنت ساير اتشرى من كارفور, وبالتحديد في راس الخيمة. واشوف واحد مواطن يالس يتشرى هو وخلنا نقول زوجته ( ما اريد اقول صديقته او “زميلة العمل”) اجنبية ولابسه مثل ما يلبسون السياح في وقت الصيف.
الحين شو بتقول عن هذا “الريال”. ان كانت زوجته شو من الناس الي ما يغار على مرته ومخلنها (فالتوه). وان كانت صديقته, ما يستحي على ويهه ويظهر وياها جدام العرب!
وطبعا مشيت عنه, وجان اشوف واحد ثاني مسوي نفس الشي!
شو بلاهم هالناس! لا يستحون من ربهم ولا من الخلق.
الله يهدينا ويهديهم.
يالله اخوي .. لهالدرجه صار صعب علينا تقبل اللي ينكر المنكر؟
يعني ما ننكر المنكر بنفسنا ولا نتقبله من اللي ينكره؟؟؟
لاتحكمين على الشي
من اول نظرة او الف نظرة
حتى تعرف ماهي العلاقة …الموضوع…. السالفة
وهذا خذته عن تجربة واقعية
لا تـــــعـــــــــــــــــــليق
عدم الوعي بخطورة هالظواهر مصيبة في حد ذاتها
كلنا 900 ألف وما تبونا نحافظ على بعضنا
والا الامم المتحدة لها راي ثاني
أنا وحدة أشك إنها زوجته وأشك أكثر بسالفة غلاء المهور
والرخيص هو اللي يستغلي الغالي لأنه هو أصلا رخيص ومستواه رخيص ..
أما هالظواهر فأنا بحط موقف استوى لي من اسبوع تقريبا في عيادة الاسنان
كنت رايحة مع أختي واختي عندها جراحة ,,
طبعا أختي في غرفة الجراحة وأنا أنتظرها
وهالعيادة فيها غرفة انتظار خاصة بالحريم ,, سرت ابا اقعد شفت شاب معاه وحدة “صينية أو كورية ” يعني من العرق الاصفر ,, قاعد معاها في وضع أقل ما يقال عنه إنه “مخزي” ..
طبعا ما دخلت الغرفة بس عطيته النظرة اللي هيه ,, يعني لو هو “حر” وفي ويهه قطرة دم جان تحرك من قعدته,,
بس الاخ قعد أكثر من ساعة إلا ربع ويا الصينية مالته في الغرفة وطنش إنها غرفة انتظار حريم وأنا ما كان لي خلق اسوي اي شوشرة في العيادة فتميت ساكتة وقعدت في استراحة الرجال ,,
بعد ساعة الا ربع يا الاخ ودفع حساب الصينية اللي عنده واسمع السكرتيرة تقول له ( مستر خالد ! )
سألت السكرتيرة قلت لها هذا متزوج هالصينية .؟
قال لأا ,, هذي موب زوجته بس معاه في كل مكان ,, حتى انا شفته معاها بالسوق ,,
قلت لها مواطن ,, قالت أيوا ,, ومن عايلة كبيرة بعد ,,
الصراحة قلت يا حسافة والله !!
اخته اللي هيه اخته ما اظن بيوديها العيادة الا عقب حب ريول موب خشوم ,,
صينية عاد ,,, صدق هزلت !