السلام عليكم,
اليوم كنت ساير اتشرى من كارفور, وبالتحديد في راس الخيمة. واشوف واحد مواطن يالس يتشرى هو وخلنا نقول زوجته ( ما اريد اقول صديقته او “زميلة العمل”) اجنبية ولابسه مثل ما يلبسون السياح في وقت الصيف.
الحين شو بتقول عن هذا “الريال”. ان كانت زوجته شو من الناس الي ما يغار على مرته ومخلنها (فالتوه). وان كانت صديقته, ما يستحي على ويهه ويظهر وياها جدام العرب!
وطبعا مشيت عنه, وجان اشوف واحد ثاني مسوي نفس الشي!
شو بلاهم هالناس! لا يستحون من ربهم ولا من الخلق.
الله يهدينا ويهديهم.
السلام عليكم
أخوي أي عادات و تقاليد؟ دخيلك تعال شوف المولات يوم الخميس .. و شوف بناتنا و شبابنا.. البعض في قمة الانحطاط.. و البعض النعم فيهم ريايل و بنات محتشمات,,محترمات,,
يعني هذي العادات و التقاليد تقريبا اختفت في ظل 15% مواطنين من السكان الاصليين و تقريبا 5 % مجنسين .. العادات و التقاليد نسويها في بيتنا بس.. ولا شو رايك !!
عل عموم انا اكتفي لين هني.. و حروء ال G و أكبر ال D
يالله..ما اروم أسكت…!!!
خافو ربكم…كبرو عقولكم..يا شباب البلاد..
أتقو الله..شو هاي الردود…
أنتو عماد الدولة…وهذا رأيكم وعقلياتكم..
حرام بالشهادات اللي ماخذينها….والتعليم اللي علمتكم أياه الدولة..
هذا جزاء الجميل….ناوين على التفكليك السكاني..ومنح البلاد للغريب..
هل جزاء الأحسان إلا الأحسان..
صح كلامك .. !!
يالله….
تعبت من الرد..بسكت أحسن لي…..!!!!!!!!!!!
اليونيسكو او الامم المتحده .. وعلى قوله سعيد صالح في مسرحيه العيال كبرت .. ياسيدي اهوو كولو برتقال
( لا تزعل امزح وياك )
اخوي …
انت تقول شرات اللي يقول ” خايسه خايسه ”
يعني اذا في مشاكل ثانيه يعني نطنش كل المشاكل وما نحل ولا وحده فيهم ؟
بتقول احنا في المنتدى نتكلم وما نحل
حتى النقاش اول مراحل الحل ما تبانا نتكلم فيه؟
اخوي … حتى لو متزوجها وفيها كل المواصفات .. ياخي في مجتمع له عادات وتقاليد .. في دين لازم يراعيه وما يخرج على المالوف …