السلام عليكم ورحمة الله وبركاته،
كلنا مر بمرحلة الطفوله، والتي أجدها من أجمل وأمتع المراحل في عمر الإنسان. يا ليت لو تشاركونا ذكرياتكم الطفوليه المضحكة.
موقف لا أنساه في طفولتي … أول يوم في المدرسه، وصلوني أهلي المدرسة الصبح .. وأنا مستانسه وعدى اليوم على خير….. بس! أول ما دق الجرس على البيت شليت شنطتي وركض أدور باب الخروج أضني كنت أنا أول وحدة تخرج من سور المدرسة .. وركض أوني برد البيت مشي!! واحسب أهلي يابوني ونسوني !! المهم عديت الشارع الأول والثاني وأنا مش متأكده من الدرب صح ولا غلط .. والبيت يبعد عن المدرسة نوعا ما .. وأنا في طريقي أعبر الشارع مرت سيارة من بعيد وكانت سيارة أهلي وقفت وركبت السيارة وأنا أصيح .. وأقول نسيتوني ما مريتوا علي!! 
شاركونا ذكرياتكم الحلوه.
بس الموقف الوحيــــد اللي أذكره جنه صاير أمـــــس ،، أول يوم لــــي في الروضـــه ..
وأعتبـــــره موقــــف بــــطولي جدا …
اللي صــــار هو إنــــه أمي الله يخليها لي يــــارب ،، وصلتني الروضــــه ،، ومن الطبيعي إنه أي أم تدخل واتوصـــــل ولدها او بنتها لـيـن الصف وتطمن وبعديــــن تتوكــــــل واتـــــروح .. !!
بس اللي صـــــارلي العكــــــس تمامــا ..
أمـــــي ودرتني عند باب الروضـــه وسارت عنـــي ،، وأذكر إنــي تميت واقفـــــه مصدومة بروحـــــــي داخل ،، وماكان في أي حــــد لأنه الحصص جد باديـــه .. وطبعـــــا بعد هالوقفه الطويلـــــه والتأمل ((من دون صياح من دون نصخ)) ،، مادري كيف يتني الشجاعه ورحت أتمشى في الروضـــــه روحي لـــــين ما وصلت الإدارة ،، وبعديــن الحمد لله استلمونــــي وودوني الصــــف عند أبلـــه مـــــوزة الله يذكرها بألف خير .. 
أشكــــــرج حبوبه على الموضوع الرائــــــع ،، والله إنج ونستيني ..
ممممممم
على سالفة الشلق
احيد ناس من هلنا…ولدهم كان دبدوب الله يحفظه عاد الحين ريال و عنده عيال ماشاء الله عليه
كان ياخذ الشلق و يلبقه و يفره داخل قوطي نيدو و ييلس عليه..و يوم ينقع بوووووووووم
يطير هو و القوطي << لو يقرا هنيه في المنتدى بيعرف عمره خهخهخهخ بس ما بيعرفني
والله مغامرات قبل على الحقيقه و الواقع مب شرات البلاي ستيشن
اما انااااا شووو مسويه؟؟؟
شو مسويه يا دبي بيبي
لا ما ابا افضح عمري
اوووكي خلاص بعترف
كان عمري من 6 لين 9 سنوات
يقوولكم شفت خالتي تلبق صلب كبريت و ترش عليه بف باف و يظهر ضووووووو < حريجه ..نار عوووووووووده على حسب طبعا على اي اتجاه ترشووون و هي كانت ترش فووووق
رديت البيت فرحانه قلت بجرب
و ازقر اخوي اللي اصغر عني بسنه و نيب الكبريت و الفليت و انا البق الصلب و هووو يرش…بس هو وين رش؟ على ويهي خخخخخخخخ
و احترقو رمووووشي و حواجبي و قصتي..استويت شرات توم يوم يفجر فيه جيري القنبله و دخاااااان فوووقي
و طبعا يتنا امي تربع من بعيد ” الله يحفظها و يطول بعمرها”: حسبي الله على العيال و اللي ايييبهم..مادري عاد عقب شو سووبنا..اغلب الظن لشطونا بواير لين ما قلنا بس خهخهخهخه
هلا الهنوف ………..طبعا ايام براءة و انا اتحسر عليها