السلام عليكم
الكل يعرف حاليا شركة مواقف التي ظهرت لنا باختراعتها المتبكره في مواقف السيارة
ولا أخفيكم علما بأن هذه الإختراعات لاقت إنجازات رائعة تقريبا.
ففي شارع حمدان بقرب من سوق أبوظبي للاوراق المالية، النتيجة واضحة من خلال الترتيب والتحديث.
لكن لكل تجربة حدان ، حد مبهر، وحد تتمنى ان هذه الشركة لم توجد.
فأنا مع هذه وتلك ولكنني مع تلك 
حيث انني توقفت لـ 5 دقائق لا تزيد في الخالدية بجانب بنك أبوظبي الوطني من أجل مكينة atm فأتفاجئ بمخالفة 500 درهم تستريح على مرايا سيارتي الكبيره.
فاتصلت على خدمة العملاء ونصحوني بتقديم شكوى في شارع خليفة لمكتب مواقف للشكاوي.
ذلك المكتب لمواقف والتي تسمى نفسها مواقف لا يوجد اي موقف وحتى ترتيب المواقف هناك يعتبر صورة حضارية متطوره لشركة.
المهم ملئنا إستمارة الشكوى واوضحوا لي بأنه سيتم الرد علي في خلال إسبوع تقريبا وان تم رفض لابد لي من دفع المخالفة وإلا سيكون زيادة 25 % على ما أتذكر لكل اسبوع تأخير.
ولكن بعد 3 اسابيع اتصل بي الموظف من شركة مواقف وتم إعلامي برفض الطلب والسبب لا يوجد سبب.
فاجبته والحل فاجانبي بطلب شكوى اخرى.
الحين نرجع للعاميه
نشكر شركة، لكن هنالك بعض القواعد لازم تضع
كيف 5 دقائق للمخالفة 500 درهم ليش ما يكون أقل
وليش ما تنعطى 10 دقائق ومن ثم يخالف.
وليش مكتب الشركة لا يوجد لديه مواقف او مكانه بعيد عن زحمة!!
اسئلة كثيرة في خاطري أسئلهم ولكن أتمنى أحد يجيب باجابه صريحة واضحة مفيدة. الكل لا يعلم ولا يعرف.
ما رايئكم بمواقف و مخالفات 5 إلى 15 دقيقه 500 درهم ؟
صحيح
الموقف على شارع العام 3 دراهم والداخلي درهمين
تجاره صارت
محلات للبيع هاهاهاها
دمتم بود
للحين الخدمة ماشية معاي اوكـــــــــــي
و اذا ماحصلت موقف فاضي ماوقف لأني اعرف اني بكون مُخالف
شُكراً مواقــــــــــــف
المشكلة الواحد لمتى بيظل يحوم ويحوم شرات الحمام !!!
بعدين سرنا نحس ” مواقف ” مثل الآفة المنتشره في بوظبي ..
الخالدية وصوب وزارة الاقتصاد .. ومدينة مركز زايد كلها .. وشارع خليفه .. حتى وصلت الحين عند باركنات الوحدة مووول .. يعني هااااي الأخيرة مب مصدقتها .. حتى باركنات المول صارت تابعة لشركة مواقف .. يعني لو ابي ادش المول لازم ع كل محل اطلع واحط درهمين .. أو إنك لازم توقف في باركنات المول نفسه .. ومرات مع الزحمه ماتلقى مجال خاااصة في في مبارة أو الويد آند .. غير إن الانسان مرات يبي يوقف في الخارج عشان يدخل ع شغله بسيطة وخلصنا ..
بس الحمدلله إن أهل البنايات موفرين لهم باركنات ببلاش، لكن بعد أوراق واثباتات وملكية سيارتين فقط وطلوووع الروح ..
بس من وجهة نظري أنا اشوف إن مكسبهم مادي قبل لا يكون تنظيمي ( شرات المرور أحيانا ).. عيل الموقف بدرهمين واذا تأخرت كم دقيقه تصير عليك مخالفة 100 درهم !!! >> هااااي عن 50 باركن للساعة ..
المشكلة إن هالشركة طبقت ووجدت على ارض الواقع والبعض غير متقبلها .. يعني ليش ما يسوون عندنا استفتاء عن الشركة قبل طرحها وتعميمها ؟؟
ليش دايما عندنا سياسة ” نفذ ولا تناقش .. واللي بجيب طلعه “ ..
انا معاك اخويه وانا اعرف البقعه عدل و الباركن صعب تحصله عند هذا الفرع
بس عـ قولة رجال المواقف نحن نخالفك عشان ما توقف عند الرصيف الاصفر والرمادي نباك تسير الباركن عشان النظام والترتيب والمظهر الحضاري … ألخ
انا لو كنت مكانك كنت بسير فرع بنك بوظبي الوطني الي حذال البطين مول هب بعيد عن هالفرع الي سرته انته >> تخالفت من قبل و تبت صرت احوم حول الباركنات لين ألقى باركن =)
والله انهم معاناه هالشركه .. انا اشوف ترتيبهم تعييييييييس ..
كذا مره صارلي موقف وياهم وكرهت الباركنات في بوظبي بسببهم ههههه
اول مره ياي احطي التذكره لموتر اخوي .. انا ياي للموتر خلاص اكلمه من بعيد يا ولد الحلال موترنا
والتذكره بيدي .. قالي لا ماشي وبتاخذ المخالفه غصب .. وجان يدق الزر ويطلع الورقه ..
تغصصت واذكر اني غلطت عليه وبهدلته ورحت عنه .. حشى يابوك حسسني انها فلووسه هو ومن جيبه ..
…..
وثاني موقف نفس حالة اخوي ون مور .. نزلت اوقع اوراق في ابراج الطاقه مليت وانا الف برا وما لقيت
والمدير و وياه المشرف علينا يترييون حضرة جنابي اوصل هههه .. دخلت وقعت ورديت ما طولت ابد ..
رقعني بمخالفه 500 درهم وانا مبطل عيوني @_@ اطالعه وارمسه وطاااف مب مسويلي سالفه ..
تميت واقف هناك غياض بس جي .. واي واحد ايي يوقف اقوله روح ترا الجلب هني ويخالف واراويهم ورقة المخالفه ههههه
والله يقهروووون وتحسهم مال اي كلام وكل واحد كاره عمره من يزخ الجهاز والكاميرا نازلين في خلق ربي مخالفات
من يصبح لين يمسي .. ><” ..