السلام عليكمـــ
شو أخبار رمضان وياكم على اخر كمن يوم؟
المهم بخبركم بمواقف استوت لي فشيشة البترول..من يومين مثلاً وصلت المحطة واترييت دوري لاحظت البك اب لي جدامي خلص لكنه ماتحرك فوقفت انا وراه وشوي ويينا واحد عنده اف جي .. المهم محد من عمال المحطة يا صوبي ولا صوب لي جدامي ولا صوب الحبيب راعي الافجوجو ،، المهم شوي ولا طييييييييييييط طييييييييييييييييييط مادري اذا حد رد عليه ولا لاء..بعد ثواني بعد طييييط طيييييط حشرنا حشرنا انا والبك والهنود لي ورا كلنا صاخين الا هو !
لا ويتأمر اونه خله الباص لي جدامي يتحرك انزين اش لك فالباص،، ويوم شاف الهندي مال المحطه قاله وهو يزاعق: يالله عاد من متى انا واقف هني فمادري شو قاله الهندي وتم يهرن للباص مع انه يروم يطوف ورووح
اسميه حشرنا كل ها ف خمس دقايق يمكن ونحن الباقين ما قلنا اق،، ياخي مب عايبنك روح ولا تزعج الناس والهندي مايشتغل عندك ولا انته تصرف عليه
عقب انا هرنت عالخفيف عسب يشوفني الهندي واشرت له بايدي اول ما يا اعتذرلي وقالي ها وقت تبديل الشفت
لاصحت ولا حشرت الدنيا اترييهم شوي وخلصت وررووحت مب بس انا حتى لي جدامي ووراي كلهم هاديين،،
موقف ثاني اسميه ينرفز،، كنت محطة سارين نتقشت ومحطات الخطوط دومها تكون مضغوطه،، الحبيب نازل يتشرى وموقفنا وع كيف كيفه ركب الموتر وروح!!! انزين ماشي اعتذار ماشي السموحه ماشي سوري!!! لو هو مكاني جان حرق الدنيا
ومره وحده بعد،، عندها هاك الموتر الغاوي ونازله الحبيبه وتشوفني انا اتريا نفس الحركه لا سوري ولا موري ولا بوري- خبز هندي ها متروس دهن
المهم كم صبت ؟؟ 10 دراهم!!! عشان عشر تنزلين وتسوين زحمه! اتريي ياختي كم يباله هالعشر يعني؟؟
وفي شيش ماحب اسيرلها ابد شباب يتيمعون ياكلون من المطاعم وعقب يسمعونا الموسيقه الحليانه عننننن وعنننن،، تبى تبين لنا قوة موترك اضرب اربع اشاير وترايسو وانجلبو برايكم بس مب تحشرنا في الشيشه وتشررررد
مادري هالناس ليش ماتحس ولا تتحمل المسؤؤلية،،ونحن الضحايــــــــــا لي نتريا شو نسوي؟ ان اضاربنا قالو قليلات ادب وما يستحون وان سكتنا قالو مصخــــــــــرة!!!
ويوم الشركات قالت بنسوي خدمة ذاتيه سبحان الله كلهم دافعو عن الحريم اول مره في التاريخ ولا حر عالحريم وتعب انزين الحرمه روحها بدافع عن عمرها
عاد هالخدمة يبالها 30 سنه لين ما الناس تحترم وتتحمل المسؤوليه لكن لو هالايام ههههه صدقوني بيضاربون وبيتصافعوووون
مادري ليش الناس تغيرت حتى العيايز والشواب وين قبل من نشوف عيوز تسلم وتسوولف احسن يا تتشكى يا ساكته
الله يعينا بس
قوم اتزين واتدين
صيني المثل اتحسبه ايطالي لول
يا أختي
في مثل صيني فصيح يقول:
اللي اختشوا ماتوا
افا جي عاده :/
لا تعليق ههههههههههههههه