مواقف لا تنسى من أيام الدراسة في الغربة..تجربتي مع الطبخ الإجباري.

9 thoughts on “مواقف لا تنسى من أيام الدراسة في الغربة..تجربتي مع الطبخ الإجباري.”

1. فكرتني باللذي قد مضىىى

   بس بصراحه … طبخ الرياييل أفضل من طبخ الحريم … هذا اللي لاحظته … يمكن لان في الغربه ما نحصل هالاكل فنحس انه لذيذ؟؟؟

2. والله صدقك الغربه تعلم انا في حياتي ماتوقعت اني بتعلم الطبخ لين سافرت و عانيت ويا اكل الامريكان .. ماشي طعم ابدا كانك تاكل مطاط…لوعه جبد.. لازم تحط كاتشب او ماسترد او مايونيز..اي شي المهم طعم..
   واكلهم كله مال الميكرويف(ماك اند جيز)..والطبخ وايد ياخذ وقت..
   المهم.. يوم من الايام قلت بجرب اسوي برياني روبيان.. ومن سويته تخبلت علا اكلي ..احلا من اكل الوالده … و بعدها قمت اسوي سمج ودياي و مجبوس و صالونه و تتبيل وفرن وحركات… الخ…و الامريكيات بدت المصالح وحركات lets cook together.. و يحسسوني اني ملكه المطبخ وانا اخق بمكعبات ماجي يعني اوني فاهمه…واخترع اكلات واقولهم uae food ..سوري ادري خربت سمعه البلاد..

   احلا شي كيكه التمر ويا شاي الزعفران والهيل والمراميه..وهذا بعد ال uae tea

   والله وناسه…بس للاسف احس خبراتي تبخرت ما اعرف شو السبب.. احس عمري فاشله في الامارات…و اتوقع الاسباب:
   – اخاف من امي..خاصه اذا فشلت الطبخه بتعصب علي
   – في بيتنا نطبخ كميه كبيره و انا ما اعرف اطبخ حق قبيله
   – في امريكا كنت انا ادير المطبخ…بس هني امي المديره و انا ما اعرف اسوي شي لو ما كنت انا المديره و المسيطره…

   اشتقت حق افطار المسلمين …مكس عادات المسلمين من كل القارات… والله ايام رهيبه

   مره قلت خليني اسوي لقيمات و اوديه حق المسلمين … جان اسوي لقيمات بقوه و صلابه كره القولف…تفره عاليدار ويرد لك صاحي مثل مافريته… المهم وديته بس ترسته شيره.. وماكان ناجح ابدا.. وطبعا قمه القفطه يوم يرد لك صحنك و هو متروس..

   يقولون، إذا حضر الماء بطل التيمم

   مقهور إن ما عندي مطبخ في غرفتي، ولا أوريكم الشغل العدل

3. والله صدقك الغربه تعلم انا في حياتي ماتوقعت اني بتعلم الطبخ لين سافرت و عانيت ويا اكل الامريكان .. ماشي طعم ابدا كانك تاكل مطاط…لوعه جبد.. لازم تحط كاتشب او ماسترد او مايونيز..اي شي المهم طعم..
   واكلهم كله مال الميكرويف(ماك اند جيز)..والطبخ وايد ياخذ وقت..
   المهم.. يوم من الايام قلت بجرب اسوي برياني روبيان.. ومن سويته تخبلت علا اكلي ..احلا من اكل الوالده … و بعدها قمت اسوي سمج ودياي و مجبوس و صالونه و تتبيل وفرن وحركات… الخ…و الامريكيات بدت المصالح وحركات lets cook together.. و يحسسوني اني ملكه المطبخ وانا اخق بمكعبات ماجي يعني اوني فاهمه…واخترع اكلات واقولهم uae food ..سوري ادري خربت سمعه البلاد..

   احلا شي كيكه التمر ويا شاي الزعفران والهيل والمراميه..وهذا بعد ال uae tea

   والله وناسه…بس للاسف احس خبراتي تبخرت ما اعرف شو السبب.. احس عمري فاشله في الامارات…و اتوقع الاسباب:
   – اخاف من امي..خاصه اذا فشلت الطبخه بتعصب علي
   – في بيتنا نطبخ كميه كبيره و انا ما اعرف اطبخ حق قبيله
   – في امريكا كنت انا ادير المطبخ…بس هني امي المديره و انا ما اعرف اسوي شي لو ما كنت انا المديره و المسيطره…

   اشتقت حق افطار المسلمين …مكس عادات المسلمين من كل القارات… والله ايام رهيبه

   مره قلت خليني اسوي لقيمات و اوديه حق المسلمين … جان اسوي لقيمات بقوه و صلابه كره القولف…تفره عاليدار ويرد لك صاحي مثل مافريته… المهم وديته بس ترسته شيره.. وماكان ناجح ابدا.. وطبعا قمه القفطه يوم يرد لك صحنك و هو متروس..

4. لول اخوي صدق الغربه تعلمك تعتمد ع نفسك

   كنا مسوين مطعم شعبي ف لندن ايام الدراسه من كثر ما تعلمنا نطبخ بروحنا خخخ كل شي ف خاطرك نسويه بس الحمدلله في خبره سابقه قبل ما نروح ما تبهدلنا

5. ذكرتني باياااااااااااااااااااااااام … اول ما تعلمت الطبخ … لوووووووووووول

   سلبتو عليها تسوي الغدا كل يوم … اول يوم دلعتهم … سلطه وعيش مشخول … ودياي مودن في اللبنه قبل يومين …

   واصراحه كانت الاكله 100%

   لكن

   ينا باليوم الثاني ….

   سلبتو اشويلنا سمج …

   قلت اوك

   طلعت السمج من الفريزر … وواشوف السمج والله انه ضعيف … قلت شو اسالفه … اكيد السمج مب سمين حللت على كيفي …

   المهم

   قلت برايه …

   سويت العيش وقطعت السلطه … وقلت دامج فاضيه شو رايج اتسوين صالونة باميا ….

   وسويت الصالونه …

   وكل ما اي اشوف السمج ما ينضى ..؟!

   ولو بجلبه يتفتت …. قلت شو اسالفه …

   يتني حاله هستيريه … قلت احينه ابويه بييي وبيحصل السمج مب ناضي بيهزبني وما بيخليني اتغدى

   يوم وصل الشيبه ……. هزأني ما تعرفين السمج الخايس من الزين … خخخخخ

   وانا ساكته قلتله شعرفني …. يتو وقلتولي سووي جيه ….

   ومشكلة الريال يوم يرقد مب شبعان لوووووول

   ومن هذاك اليوم تعلمت

   اني يوم بطبخ شي اسوي شيئين …. اذا شي يطلع خربان … يكون فيه بديل

Comments are closed.