مواقف يوميه … تعالو وشاركونا

140 thoughts on “مواقف يوميه … تعالو وشاركونا”

1. هالموقف خذوه منه العبره و العظة خصوصاً البنوتات ..
   مرة كنّا فمول الإمارات مع الماما وخالتي وبنات عمي المهم ..

   كنا طالعين فـ آخر دري متحرك عشان نطلع من المول ع الباركات فوق
   يوم وصلنا آخر الدري خطينا خطوة ولا احس بشي يسحبني ع ورى
   اطالع وراي عباااااتي علقت ومب بس أنا .. أنا وبنت خالتي الصغيره و الي أكبر عنها ..
   عاد الي أكبر عنها عباة راس .. نص العباه دخلت فالدري المتحرك
   تخيلوا المووووووقف نسحب عبينا ماشي ماتطلع ..

   وكل من خطف علامات الإستفهام تغطي ويهه .. وشوي شوي بدت الناس تتيمع
   وانا خلاص بصيح ماعرف وين اودي ويهي مابه حد يشوف مابه حد يساعد مابه ولاشي
   ابى امشي ابى ارووووووووووح بس للأسف مانقدر نخطي خطوة ..

   ويا السكيورتي .. وَقّف الدري ومافي فايده العباه مب طايعة تطلع
   والله ويهي كان طماااااااااااططططططة من الفشله ..

   المهم آخر شي يابو مقص .. وقصو العباه من تحت والله قصو شبريين من عباتي
   وعباة الراس نصها راحت وطالعين من المول كل وحده لابسة نص عباه لوول

   من يوووووووووومها كل ما اطلع دري متحرك أشل عبااااتي
   صدق تعقـــــــــــــدت من هالموقف .. ساعات حتى يوم اشوف وحده طالعة الدري وماشلت عباتها
   أتيبس واشهق الهوا وتتم عيوني ع عباتها لييين ماتمر بسلام بعدين أزفر الي شهقته لول

   فـ تحملوا بنات ..

   ههههههههههه غمضتيني
   عيل انا مرة اتكربعت جدام الناس في السوق كنت متغشية وما شفت الحفرة اللي في الشارع اتعرفون عاد شوراع رأس الخيمة كلها حفر وصديت ادور حد شافني والا أشوف مجموعه من الشباب قلت في خاطري اخاف حد منهم من المنتدى راك بوي والا القلم الحر وبيفضحوني في المنتدى

2. مره أتذكر أول ما طلعت الليسن

   أنا وولد خالي خذنا عن خالي سيارته الجمس

   وكانت كبيره علي وطوووويله

   وتوني ماخذ الليسن وين أبا خخخخخخ

   المهم

   أول ما سقناها أتصلنا في خالي ونبا نسأله كمن سؤال عن السياره

   المهم

   أتصلنا فيه وخلينا التلفووون ع الكرسي عشان نعابل شي وبنشل التلفووون

   المهم نحن نسينا أنا أحنا أتصلنا فيه

   المهم بعد ما عرفنا الشغله كملنا سواقتنا

   وخالي كان ع الخط يعني شال التلفون ويسمعنا نسولف

   المهم

   بتيكم الفضيحه

   وأنا أسوووق في الشارع ونحن نغني

   طاش طاش طاش ما طااااش

   خخخخخخخخخخخخ بصوووت عالي ونقلد أصواتهم

   المهم عايبنا الجوا وماخذين راحتنا

   ويتصل فينا خالي

   قالنا شو أشوفكم مرتاحين ماخذين راحتكم في طاش ما طااااش

   وألا أستواااا ويهناااا مثل الطمااااط وماعرفنا شو نرد عليه

   خخخخخخخخخخخخخخ

   موقف كوووول صح ؟؟

3. هههه كل ما اتخيل الموقف اضحك ههههههه
   خلاص خلاص اتغمضين بحاول اسكت

   ههههههه فديتج عادي .. عسى دوم الضحكه =)
   ربي يسعدج ..

   __________________

4. وايد مستانسين اشوفكم ..

   يعني تضحكون ع حسابي وانا حليلي حاطة الموقف للعبرة و العظة

   UrSoul يالبمبو وحده .. لا تموتين علينا صراحة مانستغنى عنج ..

   المزروعي ويسهل دربك ويطول بعمرك اخوي كثرة الضحك تميت القلب لول

   هههه كل ما اتخيل الموقف اضحك ههههههه
   خلاص خلاص اتغمضين بحاول اسكت
   __________________

5. وايد مستانسين اشوفكم ..
   يعني تضحكون ع حسابي وانا حليلي حاطة الموقف للعبرة و العظة

   UrSoul يالبمبو وحده .. لا تموتين علينا صراحة مانستغنى عنج ..
   المزروعي ويسهل دربك ويطول بعمرك اخوي كثرة الضحك تميت القلب لول

Comments are closed.