كيف حالكم يا جماعه
اليوم حاب اطرح لكم موضوعي وهو ان كل واحد يدش ويخبرنا عن موقف صار له اليوم او امس او من قريب..
وفيه ان الواحد يغير شوي من نفسيته…
هالقسم احسه كله جد فجد
وياليت الكل يشارك
واذا امكن انه يتثبت…
وياليت حد يتكل عن موقف يضحك, موقف فيه العبره, او اي موقف ثاني
وبسم الله انا ببدأ
—
قبل فترة تقريبا
كان عندي كورس فالكلية,
وانا كنت ساير الكلية وقفت عن اشاره..والكل يعرف اشارات بوظبي كيف اطول..وتأخرت شوي
ربيعي دق لي واخضرت الاشارة
رديت عليه بس علق الفون,
وانا على اساس انها خضرة ودعست شوي
الا واشوف التكسي اللي جدامي واقف
وجان ادعمه شوي…
قلت يالله مب وقته
نزلت ونزل الخان
وانا من ارتباك الحادث وارتباك التأخير ماكنت اعي شو اقول
سألت الهندي : كم رقم الشرطه؟
حسيته يطالعني بنظره
قالي عطني 200درهم وبمشيك
مع انه يقدر يصلحه ب10 دراهم, الدعمه كانت وااايد خفيفه
عطيته ورحت عنه 
لا مب جيه .. أنا قمت أقرأ و أتخيل الشكل و السيناريو .. ( فيس مستحي ) لول
ليش تتحراني مألفه القصه واتخيل !
__________________
الله الله !!
يوم قريت ردج ها قمت أطلع أصوات غريبه من فمي كل شوي ضحكه بنبره مختلفه خخخخخخخخخخ
عاد مشكله اللي يتخيلون واااايد
بس أهم شي الهديه داوت الجرح ولا ؟!! لوووول
__________________
مره كنت طالعه بتعشى ويا بو العيال عاد كاشخه وحده قو مستويه ولابسه كعب طويل على اساس بس ننزل المطعم وانرد
ما ادري ليش حبني هاك اليوم ازياده ووداني سوق الذهب بيخليني اختار هدية
عاد سوق وكعب = مأساه
هلكت- جاملت- ريلي اتعورني مستويه ناقه من طولي ههههههه وهو اللا يختاري الاحسن وحليله لففني السوق لين ما عيزت
المهم متغشيه ما اشوف شيء خذنا الهديه وطلعنا
نزلنا من على الدري شوي كان عالي وايييكم من اول دريه لين اخير وحده دبغه محترمه وانا متغشيه ما اشوف كمن دريه جدامي
من رفعت راسي اول شيء شفته هندي فوق راسي على طول اتمسكت بغشوتي عن حد يشوفني ويعرفني وحليله بو العيال متجدم يبا يقربلي السياره ما صد وراه الا شاف الجماعه متحوطين عليه
في دقيقتين بس استوى الموقف طحت وتيمعو حوالي وشليت بعمري وركضت
ما ادري من الفشيله ما حسيت بألـــــــــــــــــم
هههههههههه حلو الموقف
__________________