كيف حالكم يا جماعه
اليوم حاب اطرح لكم موضوعي وهو ان كل واحد يدش ويخبرنا عن موقف صار له اليوم او امس او من قريب..
وفيه ان الواحد يغير شوي من نفسيته…
هالقسم احسه كله جد فجد
وياليت الكل يشارك
واذا امكن انه يتثبت…
وياليت حد يتكل عن موقف يضحك, موقف فيه العبره, او اي موقف ثاني
وبسم الله انا ببدأ
—
قبل فترة تقريبا
كان عندي كورس فالكلية,
وانا كنت ساير الكلية وقفت عن اشاره..والكل يعرف اشارات بوظبي كيف اطول..وتأخرت شوي
ربيعي دق لي واخضرت الاشارة
رديت عليه بس علق الفون,
وانا على اساس انها خضرة ودعست شوي
الا واشوف التكسي اللي جدامي واقف
وجان ادعمه شوي…
قلت يالله مب وقته
نزلت ونزل الخان
وانا من ارتباك الحادث وارتباك التأخير ماكنت اعي شو اقول
سألت الهندي : كم رقم الشرطه؟
حسيته يطالعني بنظره
قالي عطني 200درهم وبمشيك
مع انه يقدر يصلحه ب10 دراهم, الدعمه كانت وااايد خفيفه
عطيته ورحت عنه 
هاك اليوم رقدت على الساعه 1 .. وما أنتبه الا الساعه 4 وعليها .. يعني قبل صلاه الفجر … نشيت وانا احس الدنيا تحتي خرساااااااااااااااااانه .. اقول في خاطري يمكن حلم لاني كبرت على هالسوالف
انجلبت الصوب الثاني والا فعلا الدنيا خرسااانه تحتي .. يادي الكسوف يا جدعان
المهم قلت خلني اقوم واداري الفضيحه … وقفت بسير أشغل الليت .. ومن نزلت من على الدوشك وحطيت ريلي على الرخام الا واحس ان الماي مغطي ريولي من كثره .. اقول في خاطري الحمدلله براااءه هههههههههه
شغلت الليت واشوف المفاجاه … الشقه صايره حوض سباحه
والله اني وقتها انا ناش من الرقاد وويهي هالشكل
شو السالفه من وين هالماي .. وين مصدره؟ سرت صوب باب الشقه قلت يمكن ياي من برا فتحت الباب اشوف الماي واصل لنص الممر لكنه ياي من الشقه من عندي .. فتحت حمام الصاله الا هو غرقان .. سرت صوب الغرف .. افتح اول غرفه غرقاااااااانه
ثاني غرفه اسمع الصوت ياي من صوبها .. فتحت الغرفه وسرت للحمام اللي فيها واسمع صوت الماي يزيد .. وفتحت الباب وكانت الصاعقه … على قوله اخوانا المصريين ” ماسوره المايه ضربت ”
بندت الماي وانا بعدني مب مستوعب … طلعت صوب الصاله وانا اسبح .. قصدي امشي وصوت خرير الماء يرن في اذني فيعزف اجمل السيمفونيات .. وانا اغني وراها “” اني اغرق اعرق تحت الماااااااء ”
اول شي يا على بالي حلقه توم وجيري .. يوم جيري ترس البيت ماي وبعدين مد لها واير من الثلاجه عشان يجمد الماي .. قلت فكره اسوي شرات جيري واجمد الماي واتزلج
المهم قلت الحين وقت الجد … بديت اسحب الماي للحمام .. لكن هذا حوض متى بخلص؟؟ ومن الساعه اربع وعليها لحد ما اذن الفجر وانا ” مكانك سر ” من كثر الماي .. وبيفوت وقت الصلاه وين اصلي؟ الشقه كلها ماي
.. لحد ما قدرت افضي غرفه من الغرف وصليت في زاويه .. وكملت لحد الساعه تسع احس عيوني طلعت من مكانها وظهري انكسر 
لين الساعه تسع وانا احس توني واصل ” القوع ”
قلت ما بدهاش بئه .. اتصلت على البواب عشان يساعدني … ونشتغل انا وهو ساعتين غيرها يادوب يادوب قدرنا انخلص ..
ما انسى هاك اليوم … الدوشك من كثر ما هو خرسان ما قدرت احركه من مكانه
ومن يومها وانا في الشقه كل ما ارقد احلم بصوت الماي ..ومرات اشوف جني من ماي يركض وراي ههههههههههه … وكل ما انش من الرقاد اكون على اعصابي .. في ماي والا مافي هالمره؟
وبس هذي سالفتي ….
نستفيد من القصه انك ما ترقد الا بعد ما تشرب الحليب … لانه مثل ما قال الشاعر .. يا أولاد يا بنات أشربوا الحليب .. للصحه والقوه اشربوا الحليب
وسلامتكم …
الله يعين على بعض الخانات(الخونه)
يكدون من ورا هالدعمات
دعمه على دعمه ولا يصلح السياره ليين التجديد
ويستانسون اذا حد صدمهم من ورا
كنا سايرين نطلب عشا من مطعم الفروج يت سيارة فيها بنت ووقفت عند المطعم والا ايي شاب عنده بورش دعمها شوي من ورى طبعا ما شافها
وهي بكل جرأة ووقاحة فتحت باب سيارتها ويلست تصارخ واتفاتن عليه يالحيوان انت ما اتشوف كيف تدعمي ومن هالكلام والشاب تم ساكت وصااااااخ ما نطق بجلمة والله غمضني
وعلى طاري عياده الاسنان ماقصرت في كل الدكاتره كل مايحطون أيدهم وأتالم أعضهم من الخاطر
خخخخخخخخخخخخخخخخخخخخخخخخخخ
بعدين أقولهم تستاهلون
قبل فترة جلعت ضرسي فعيادة دار الشفاء
الحبيب ياب لي ابرة اكبر عن راسي
وضربني مرتين
وبعدين ياب لي البكر
قالي افتح راسك اقصد حلجك
ويت النيرس ومسكت راسي
قلت شو اللي صااااااير
الا ويمسك الضرس ويحركه
وراسي يتحرك وياه
حسيت عمري لعبه
وخسرت دم الين ما قلت بس هاك اليوم
بس وناسه
بس مستحيل ان شالله تتكرر