مواقف يوميه … تعالو وشاركونا

140 thoughts on “مواقف يوميه … تعالو وشاركونا”

1. السلام عليكم ورحمه الله وبركاته

   مرة كنت قاعد في الجات اسولف ويه واحد دوم اقعد وياه ونسولف

   المهم الوقت كان الفجر الريال قال ياجماعة برب بروح بصلي .. انا كتبت برب وانا بعد بروح اصلي

   طلعت واتوضيت واحرك على المسيد ….

   ما اشوف سيارات قدام المسيد قلت يالله اتاخرت وخلصت الصلاة

   قلت بدخل يمكن احصل حد واصلي وياه جماعة

   دخلت داخل اشوفها الساعة 4 الفجر

   قلت شالسالفة .. اطالع الساعة الالكترونية الاذان الساعة خمسة وشي تقريبا

   رجعت البيت مستغرب ابا اروح للريال اقوله كيف صليت

   يوم رديت البيت اقوله ياخي كيف صليت بعده ما اذن

   يقولي ياخي انا في استراليا هههههههههههههههه

   شكله كان يصلي الظهر

   وانا رايح اصلي الفجر وحليلي خخخخخخخخخخخخخخخخخخخخخخخ

2. اليوم وانا رايح الدوام شفت دخان من بعييييد

   ويوم وصلت جدامها

   تخيلو بس خطفت جدامها على سرعه وحسيت بحرارتها

   اللهم قنا عذاب النار وعذاب القبر

3. 
   ياكثر المواقف المأساويه أو الكوميديه في الدوام
   

   
   (1)
   
   الله يسلمكم ،، مره يتني مريضه عندها فحص ،، المُهم ،، كنت مزحومة وايد مع المرضى ،، والله الشاهد إني بسرعه حاولت أخلصها ،، يعني كل الوقت اللي انتظرته بس 10 دقايق ..
   
   المهم ،، أول ما فضيت ،، قلت لها اتفضلي أختي ،، وطبعاً هيه ماده هالبوز مترين ،، ومن يت ،، فرت بطاقتها الصحيه في ويهي ،، وبكل وقاحه وصرااخ ،، قالت لي ،، سوي print نسيت ورقة الفحص في البيت ..

   
   وطبعاً أنا ما أنزاد هاك الوقت !! مسكت أعصابي ،، وسكتت ،، وخذت عنها البطاقه ،، وجيكت في ال system الفحص مالها ،، وطبعت لها الورقه ،، لكن عاد من الحره ما عطيتها البطاقه بيدها !! فريت البطاقه في ويهها مثل ما سوّت فيني ،، وهيه من الفشله ،، ماعرفت وين اتودي ويهها !!
   
   وشليت بعمري وطلعت من غرفة الفحص ،، وخليّت زميلتي اتسوي لها ..
   
   أول مره أتصرف مثل بهالسلوك ،، لكن هاك اليوم ،، كان فعلاً ضغط ،، والحرمة كانت اتشوف كيف كنت مختبصه مع المرضى !!

   فعلاً ،، من أصعب الوظائف اللي فيها تعامل مباشر مع النــّاس ..

   زين انج مسكتي اعصابج

   وحده غيرج كانت شرشحتها

4. ياكثر المواقف المأساويه أو الكوميديه في الدوام

   (1)

   الله يسلمكم ،، مره يتني مريضه عندها فحص ،، المُهم ،، كنت مزحومة وايد مع المرضى ،، والله الشاهد إني بسرعه حاولت أخلصها ،، يعني كل الوقت اللي انتظرته بس 10 دقايق ..

   المهم ،، أول ما فضيت ،، قلت لها اتفضلي أختي ،، وطبعاً هيه ماده هالبوز مترين ،، ومن يت ،، فرت بطاقتها الصحيه في ويهي ،، وبكل وقاحه وصرااخ ،، قالت لي ،، سوي print نسيت ورقة الفحص في البيت ..

   وطبعاً أنا ما أنزاد هاك الوقت !! مسكت أعصابي ،، وسكتت ،، وخذت عنها البطاقه ،، وجيكت في ال system الفحص مالها ،، وطبعت لها الورقه ،، لكن عاد من الحره ما عطيتها البطاقه بيدها !! فريت البطاقه في ويهها مثل ما سوّت فيني ،، وهيه من الفشله ،، ماعرفت وين اتودي ويهها !!

   وشليت بعمري وطلعت من غرفة الفحص ،، وخليّت زميلتي اتسوي لها ..

   أول مره أتصرف مثل بهالسلوك ،، لكن هاك اليوم ،، كان فعلاً ضغط ،، والحرمة كانت اتشوف كيف كنت مختبصه مع المرضى !!

   فعلاً ،، من أصعب الوظائف اللي فيها تعامل مباشر مع النــّاس ..

5. على طاري المواقف اللي تصير للواحد … مره كنت مسافر مصر .. وفيني طبع اذا مسافر بروحي اشل الدوشك ( وهو للتوضيح لغير الناطقين باللهجه الامارتيه .. هو فراش النوم ) واحطه في نص الصاله مجابل التلفزيون وارقد …

   هاك اليوم رقدت على الساعه 1 .. وما أنتبه الا الساعه 4 وعليها .. يعني قبل صلاه الفجر … نشيت وانا احس الدنيا تحتي خرساااااااااااااااااانه .. اقول في خاطري يمكن حلم لاني كبرت على هالسوالف

   انجلبت الصوب الثاني والا فعلا الدنيا خرسااانه تحتي .. يادي الكسوف يا جدعان

   المهم قلت خلني اقوم واداري الفضيحه … وقفت بسير أشغل الليت .. ومن نزلت من على الدوشك وحطيت ريلي على الرخام الا واحس ان الماي مغطي ريولي من كثره .. اقول في خاطري الحمدلله براااءه هههههههههه

   شغلت الليت واشوف المفاجاه … الشقه صايره حوض سباحه

   والله اني وقتها انا ناش من الرقاد وويهي هالشكل

   شو السالفه من وين هالماي .. وين مصدره؟ سرت صوب باب الشقه قلت يمكن ياي من برا فتحت الباب اشوف الماي واصل لنص الممر لكنه ياي من الشقه من عندي .. فتحت حمام الصاله الا هو غرقان .. سرت صوب الغرف .. افتح اول غرفه غرقاااااااانه

   ثاني غرفه اسمع الصوت ياي من صوبها .. فتحت الغرفه وسرت للحمام اللي فيها واسمع صوت الماي يزيد .. وفتحت الباب وكانت الصاعقه … على قوله اخوانا المصريين ” ماسوره المايه ضربت ”

   بندت الماي وانا بعدني مب مستوعب … طلعت صوب الصاله وانا اسبح .. قصدي امشي وصوت خرير الماء يرن في اذني فيعزف اجمل السيمفونيات .. وانا اغني وراها “” اني اغرق اعرق تحت الماااااااء ”

   اول شي يا على بالي حلقه توم وجيري .. يوم جيري ترس البيت ماي وبعدين مد لها واير من الثلاجه عشان يجمد الماي .. قلت فكره اسوي شرات جيري واجمد الماي واتزلج

   المهم قلت الحين وقت الجد … بديت اسحب الماي للحمام .. لكن هذا حوض متى بخلص؟؟ ومن الساعه اربع وعليها لحد ما اذن الفجر وانا ” مكانك سر ” من كثر الماي .. وبيفوت وقت الصلاه وين اصلي؟ الشقه كلها ماي .. لحد ما قدرت افضي غرفه من الغرف وصليت في زاويه .. وكملت لحد الساعه تسع احس عيوني طلعت من مكانها وظهري انكسر

   لين الساعه تسع وانا احس توني واصل ” القوع ”

   قلت ما بدهاش بئه .. اتصلت على البواب عشان يساعدني … ونشتغل انا وهو ساعتين غيرها يادوب يادوب قدرنا انخلص ..

   ما انسى هاك اليوم … الدوشك من كثر ما هو خرسان ما قدرت احركه من مكانه

   ومن يومها وانا في الشقه كل ما ارقد احلم بصوت الماي ..ومرات اشوف جني من ماي يركض وراي ههههههههههه … وكل ما انش من الرقاد اكون على اعصابي .. في ماي والا مافي هالمره؟

   وبس هذي سالفتي ….

   نستفيد من القصه انك ما ترقد الا بعد ما تشرب الحليب … لانه مثل ما قال الشاعر .. يا أولاد يا بنات أشربوا الحليب .. للصحه والقوه اشربوا الحليب

   وسلامتكم …

   الحمدلله على سلامتك يا خوي ..و الله يعوضك عن الدوشك

   وبعدين لا تقوّل الشاعر شي ما قاله !

   الشاعر قال : يا اطفال يا حلوين اشربوا الحليب .. للصحه والقوة اسالوا الطبيب

   لووول

Comments are closed.