مواقف يوميه … تعالو وشاركونا

140 thoughts on “مواقف يوميه … تعالو وشاركونا”

1. متابعة …

2. مرة كنت سايرة المكتبة ويا أختي

   ونزلت أختي من السيارة وتميت اترياها …

   وفجأة أشوف واحد يبطل باب السيارة ويلس حذالي وهو يرمسني ( الله يخس هالمكتبة )

   وأنا من هول المفاجأة تميت أزاعج .. وهو يوم ادارك الموضوع .. نزل بسرعة وهو يتأسف

   سامحيني سامحيني .. وسار يدور على سيارته .

   من يومها وانا لو وقفت اي مكان على طول مسكره كل البيبان ..

   RaK_BoY شكرًا لك موضوع رائع

3. أغلب الناس تربط الكلمات الصعبه عليها بالأشياء، و أنا واحد منهم.

   كنت في بداية تعلمي للغة الإنجليزيه بشكل مكثّف، أتخربط في كلمة PULL و PUSH و اللي هي موجوده على أكثر الأبواب. فما أعرف أي وحده منهن ادفع و أي وحده إسحب.

   في هاييج الفتره، كان توه الرئيس “بيل كلنتون” مستلم رئاسة أمريكا. فأنا ربطت هذا الحدث بالكلمتين. فقلت، بما إن “جورج بوش” إنتهت رئاسته، فمعنى هذا إنه راح. و “بيل كلينتون” بدأت رئاسته، فمعنى هذا إنه أتى. و مثل ما تعرفون، يوم تدفع الباب يروح عنّك و يوم تسحب الباب يأتيك.

   يعني،
   بوش (راح) = PUSH = ادفع .
   بيل (أتى) = PULL = اسحب .

   إعتقدت إن هالقاعده ماشيه على طول، لأن هالحدث بيتم مهما تعاقب الرؤساء على أمريكا.

   اللي ما كان في الحسبان، إن الرئيس اللي مسك أمريكا عقب بيل كلينتون هو جورج بوش الإبن !!

   و من يومها، كل ما أيي عند أي باب مكتوب فيه هالكلمه أتلخبط لمدة ثانيتين تقريبا.

   راعي البورش هذا ما يخصه في الدنيا.

   صارلي موقف مشابه. بس ما عليكم، المتعني يعرف يتصرف

   بقولكم السالفه عقب. نعطي مجال لبقية الأخوان.

   

4. في موقف صارلي من شهور..وهو يبين لي أن الناس أجناس..ومب كل حد شراتك..

   كنت واقفة عند مطعم اتريا العشا..والمكان هادي والباركات مرتبة..
   يت حذالي تاهو تبا تبركن والباركن يناسب سيارة أصغر شوي..والتاهو عودة..

   المهم شفتها بصعوبة تدخل الباركن..قلت ايهااا حرمة..المهم..وأنا الحمدلله كنت مبركة سيده يعني
   لا ماخذه يمين زياده ولا يسار زياده..

   شفت حريم طلعوا من جهة اليسار للسيارة..والحين يا دور اللي يالسة عاليمين..

   احساسي كان يقول إنها بتفتح الباب على سيارتي..

   يالسة اطالع واترقب..تخيلوا..يوم فتحت الباب شو سوت..كان تقدر تيود الباب وتنزل..وكان يكفي بعير..

   لكن..شاتت الباب لأقصى الشرق..

   وضرب منظرة سيارتي بأقوى ما يمكن..ضربتني غصة لأن سيارتي بقراطيسها ما كملت شهر..

   قلت بصبر شوي الحين بتيود الباب..عيب الحرمة أكبر عني يمكن بـ 5 سنوات ولا أكثر شوي..

   يالسة تعدل ثيابها مادري شو تسوي..جان اتخيلوا من قوة شوتتها للباب الباب رد عليها جان تعطيه بشوته ثانية ويرد يضرب منظرتي مرة ثانية..

   نزلت الجامة ووالله بكل هداوة وبرودة أعصاب وأنا ابتسم قتلها لو سمحتي شوي شوي عالباب يالسة تضربين سيارتي..

   جان تبطل حلجها وتقول إلا هي سيارة..قلت حتى لو تراها سيارتي وانتي يالسة تضربينها..ورفعت الجامة..

   تمت تمشي وهي تصد علي وامبطلة حلجها وأنا اطالعها..

   يوم يابولي العشا وطلعت من الباركن عرفت ليش كل شي عندها ..لأن سيارتهم مشحوفة من الخاطر وتقول يا ناس خوزا عني تراني ادعم..
   

   في ناس بتقول إلا هي سيارة وحديد..لكن الواحد يحافظ ترا على سيارته وبعدين عن نفسي أنا يوم انزل من السيارة لو الباركن ضيق والله انزل وانا راصة على عمري بس عشان ما ادق السيارة اللي حذالي..
   لكن في ناس ما تستحي..ترا هذا ملك غيرك إذا ما ترضى على نفسك لا ترضاها على غيرك..صح!

   
   غصــّه

   تعرفين ،، تجنُبــاً لها الحركه ،، دايماً أبركــن Double

   كيفي !!
   

5. بصراحة البنت قليلة أدب..والريال حليم جداً..كل السب اللي سبته..بيزيده الله حسنات..
   لو أنا مكانج بتريا الدورية لين ما تي عسب يوم تكتب التقرير..بقوللهم الكلام اللي سمعته وإنه هي ردت عليه ودعمته عمداً

   ترى ها اللي كنت بسويه بس الوالده الله يهديها ما خلتني قالت لي شو تبينهم ما فينا على المشاكل

   
   __________________

Comments are closed.