مواقف يوميه … تعالو وشاركونا

140 thoughts on “مواقف يوميه … تعالو وشاركونا”

1. اليوم موقف صراحة عجيب انا تميت مبطله حلجي

   سرنا انا واخواني الاثنين نتمشى .. اخوي الصغير قال اووه نسيت يبون مني صور شخصيه بنزل اتصور قلنا اوكي

   نزل اخوي و تميت انا واخوي الثاني نسولف الا يي واحد شاااب كندوورة و غتره و عقال و ريحه العطر اخر الدنيا و كشخه تقول ساير عرس

   قال لأخوي : اخوي انا محتاي فلوس .. والله ماعندي فلس واحد .. واللــــــــــــــــــــــــه البارحه راقد في كرفانه لا اشتتغل و لا أهل ولا ….. قبل لا يكمل كلامه اخوي سكر جامه السياره وانا طبعا اطالع مبطله حلجي

   لف علي اخوي وقال : شفتي شحاته أخر زمن !

2. راعي البورش هذا ما يخصه في الدنيا.

   صارلي موقف مشابه. بس ما عليكم، المتعني يعرف يتصرف

   بقولكم السالفه عقب. نعطي مجال لبقية الأخوان

   يلا عاااااااد يا متعني
   خبرنا كيف اتصرفت؟1

3. انا نفس هالموقف صار لي .. يالس اتريا عدال البنك .. شوي الا حرمه يايه وفتحت الباب اللي ورا ويلست .. انا ما عرفت شو اسوي .. شوي هي انتبهت يوم شافت اللي يالس مكان السايق واحد غريب وعلى طول نزلت… بصراحه ما اعرف شو كان شعورها .. لكن تبون الصراحه كانت فيني ضحكه

   ونفس هالموقف صار حق أخويه بس البنت كانت متعمدة هو نزل ياخذله أغراض من السوبرماركت ومخلي سيارته تشتغل ويوم رد شاف وحدة متغشية وميلسة في السيت الوراني قاللها : بسم الله منو انتي شكلج مغلطه والا شي هاي مب سيارتكم قالت له: لا بس اباك اتوصلني قاللها: خلاص بوصلج مركز الشرطة شو رايج !!!!!!!!
   زاغت ونزلت

4. مرة كنت سايرة المكتبة ويا أختي

   ونزلت أختي من السيارة وتميت اترياها …
   
   وفجأة أشوف واحد يبطل باب السيارة ويلس حذالي وهو يرمسني ( الله يخس هالمكتبة )
   
   وأنا من هول المفاجأة تميت أزاعج .. وهو يوم ادارك الموضوع .. نزل بسرعة وهو يتأسف
   
   سامحيني سامحيني .. وسار يدور على سيارته .
   
   من يومها وانا لو وقفت اي مكان على طول مسكره كل البيبان ..

   RaK_BoY شكرًا لك موضوع رائع

   انا نفس هالموقف صار لي .. يالس اتريا عدال البنك .. شوي الا حرمه يايه وفتحت الباب اللي ورا ويلست .. انا ما عرفت شو اسوي .. شوي هي انتبهت يوم شافت اللي يالس مكان السايق واحد غريب وعلى طول نزلت… بصراحه ما اعرف شو كان شعورها .. لكن تبون الصراحه كانت فيني ضحكه

   __________________

5. اليهال مواقفهم ما تخلص عليهم حركات تضحك وتصرفات عفوية وبريئة
   بخبركم عن بعض هالمواقف مع ولد اخوية “خالد”

   “خالد” الله يسملكم بو 3 سنوات طيوب وحبوب ودلووووع بس شوي بطران
   كنت مودتنه محل العاب قوم 5 و10 ما طاع ينزل من السيارة وبرطم قالي عموه وديني بيبي شوب والا المولات مابا اشتري من هالمحل ترى هالمحل مب من مستوااااااه معلمينه على المولات والمحلات الراقية

   مرة بعد كنا نشرى في المول وهو قابض بي اس بي ومركز ويلعب شافته الاجنبية استغربت كيف ياهل ولد 3 سنوات وعنده بي اس بي

   اتخيلوا ما يرضى يلبس على ذوقنا هو اللي يختار وينقي اللبس اللي يعيبه وثيابه كلها سبايدر مان وكارز وتوم جيري كأنه ام بي متحرك
   عشق قميص سبيادرمان لدرجة انه ما يرضى يفصخه
   يوم يظهر يلبس عليه جنز ويوم يدخل البيت يلبس عليه بانطلون بجامة
   اتخيلوا تمت عليه اسبوع لين عفن القميص قامت امه تاخذ له من كل قميص ثلاث واربع وقميص اخوه الصغير بس شاف عليه كار لبسه

   يدته كانت تلبس ثيابها جدامه وهي ماشالله عليها مليانه قاللها أميه انتي فيج عضلات واااااااااااااااااايد أكثر عن بابا قالت له كل وااايد عشان تستوي شراتي صررررررخ وقال لا لا مابا وسار الصالة وفضحها جدام خواله ما خلى حد ما خبره انه فيها عضلات وايد

   امه وهي سايره الدوام اتمر اتوديهم الحضانة
   يسيرون هو وأخوه نفس الحضانة ويوم ردوا البيت أمه زقرته قالت له: خلودي سير يييب التقرير اليومي مال اخوك من الشنطة قال لها: أوهووووو شو يعني بيسوي في الحضانة نوم وكاكا نوم وكاكا ههههههه يعني يا راقد والا ……

Comments are closed.