السلام عليكم
يوم الخميس رحت اسجل سياره بأسمي قالولي عندك السياره الثانية مطلوبه للحجز بسبب (المخفي) !!!! لا ومطلوب للحجز 30 يوم !!!
ياليت حد يقدر يفيدنا كيف اقدر اشل الحجز . الموتر ارقام دبي والموتر مطلوب لشرطة دبي ..
واكون شاكر لكم ..
وهذا رقمي 4211117 050
ارجو الاتصال بي لاني نادر ما احدر النت واكون شاكر لكم جزيل الشكر ..
صح لسانك أخوي وأنا اشهد مره دشيت الشارع عام وانا مب منتبه وذخوني الشرطه
أول ما نزلت قالي الشرطي ليسن والملكيه مباشره عطيته ورد علي وقالي إن نريد سلامتك أخوي وتهمنا سلامتك أكثر من غيرك فنتبه ………**** بصراحه إحترمته وندمت
أما الحين إلي إنشوفه إن الشرطه تتعاون على المواطن والله لو بريطاني ولا أمريكي مستحيل يقولوله شي لأنه عنده سفاره تحميه ولو هندي ذات مال وتجاره منو يقول بيطلع سياره ثانيه بالباجر ولا يهمه بس لو يحسون بالمواطن شوي وإنه عايش في موطنه وهو غريب ، عايش في مجتمع كله هنود وأجانب، في مجتمع ترابطوا العالم علشان يضايقون المواطن في بيته ، ما كانوا يتعاملون معاه بهذا الشكل
والله شباب يوم قال ضاحي خلفان في مؤتمر في دبي إن دولة الإمارات ستتحول خلال 20 سنه إلى دوله غير عربيه وغير مسلمه —- هذا الكلام من واحد متعايش مع مجتمع يشوف الإمارات بعدشه مختلفه ونظرته إستراتيجيه — فما بالك بالغرب إلى جالسين يخططون كيف يستولون على الإمارات
أخوي إلي جالس يدافع عن الشرطه __ والله الشرطه على عيني وراسي وإحترامهم بإحترام أي شخص يدافع عن بلاده
أريد أقولك إوقف مع أخوك في الخير والشر بتلقاه في يوم بيوقف معاك
اليوم بيساعد واحد يشتغل في الجيش باجر هذا الشخص بيوقف يحميك
اليوم بساعد موظف في البلديه باجر هذا الموظف جالس يخدمك في حياتك وطبيعة رفاهيتك في دولتك
أي موظف حكومي في دولة الإمارات جالس يساعدك فإعطه ألف زله وسامحه في ألف خطيئه
أنا موظف في مكان حكومي بس والله العظيم إني أساعد الكبير والصغير وبذات لو شي يخص مواطن دولة الإمارات أو مجلس التعاون أحاول أبعد عنه الأذي لدرجه إني أتحمل الغلط في العمل
يعني شي دفع الحين ؟؟؟؟؟؟؟؟
طريقه مجرب
موتر اخويه الصغير كان عليه حجز 37 يوم
اول مره اسبوع
وثاني مره شهر
دخلته الحجز وبعد 3 اسابيع راجعت عشان اطلع الموتر
واحد من الشباب ماقصر قالي احنا مانقدر نطلع لك الموتر ونصحني ادخل ع المدير وقالي بيمشيها لي
رحت اقابل المدير مالقيته لقيت ملازم1
وقلت له الموتر باقي له من الحجز اسبوعين وانا بسافر عليه دراسه ومابرجع لأ بعد شعرين والموتر بيخيس عندكم
والله ماقصر الريال اتصل بالمدير ورمسه
ووافقوا اني اطلع الموتر ودفعوني بدل حجز عن الايام الباقيه
الله يعينك اخوي الرميثي … انته ف دبي وانا ف أبوظبي عندي حجز 30 يوم الله يعين والله نفس حالتك مخفي 5% الله يعين
ماضني تقدر تشل الحجز ..ف بوظبي طبعا .. ولا يستوي حد يفدينا او اقلل مدة الحجز
والسموحه منكم