السلام عليكم

يوم الخميس رحت اسجل سياره بأسمي قالولي عندك السياره الثانية مطلوبه للحجز بسبب (المخفي) !!!! لا ومطلوب للحجز 30 يوم !!!

ياليت حد يقدر يفيدنا كيف اقدر اشل الحجز . الموتر ارقام دبي والموتر مطلوب لشرطة دبي ..

واكون شاكر لكم ..

وهذا رقمي 4211117 050

ارجو الاتصال بي لاني نادر ما احدر النت واكون شاكر لكم جزيل الشكر ..

69 thoughts on “موتري مطلوب للحجز في دبي . ارجو منكم تساعدوني يا مخاوين شما”

  1. السلام عليكم

    مايقدر يتريا لين الشتا لان عنده 10 ايام عسب ايب الموتر
    وبعدين ااذا انتو واثق من ان موترك المخفي ماله هب غليظ انا بعطيك رقمي
    وتصل بي وانا بقول لهم هذا موتري وبزقر الظابط المناوب وبقوله مخالفيني ع هذا
    بس انا حاليا في بانكوك تقدر تتصل لي ع 0066878221061

  2. والله ياخوي كان خاطري اساعدك بس للأسف ما باليد حيلة

    الله يعينك والله على هالحر شو بيستويبه الموتر

  3. اتريا لين الشتاء وعقب ود السياره

    اذا فيك صبر لين هذاك الوقت

    الله يعينا من شرطة دبي الحينه

    وايد زينين كانوا قبل

  4. ياريال اتريا شوي بس لين يبرد الجو .. وسير فر الموتر على ويهم وخلهم يحجزونه ..

    ما تسوى عليك اتسير اتسوم ويهك حق لي يسوى ولي ما يسوى وعلى هذا كله بعد ما بيكنسلون الحجز .. وكل واحد بيتفلسف عليك ..

    شوف المصخره اللي صايره في الشوارع .. هالاشياء مايشوفونها .. مايشوفون غير المخفي والهدرز والدبات .. اما الشاحنات والدبل بارك والمصخره مايشوفونها ..

    خلها على الله ..

    بعدين بيني وبينك ماتلقاهم غير في جميرا والضيافه وعلى الممزر .. كانه دبي مافيها غير هالثلاث شوارع .. هذا كله عسب الشباب ايسيرون هالاماكن .. يعني الاجانب يلعبون في الشوارع الثانيه ومحد ايشوفهم ..

Comments are closed.