موتري مطلوب للحجز في دبي . ارجو منكم تساعدوني يا مخاوين شما

69 thoughts on “موتري مطلوب للحجز في دبي . ارجو منكم تساعدوني يا مخاوين شما”

1. الله يعينك يالرميثي

   انا موتري انحجز في مرور الشارجه 26 يوم والمفروض شهر

   بس الحمدلله كان شهر 12 الجو معقول شوي بس موتري كان يديد شهر وشوي بس والله تغصصت اسبوع كامل كنت اراكض بس ماشي فيده عقب سكت قلت نفاد ما بذل عمري اكثر عن جي وسرتلهم عقب العيد الوطني عطوني السويج بس يوم سرت ظهرت موتري الله لايراويك موقفينه تحت الزرع واوراق الشير على البونيت ومه الرطوبه تحللت الصبغه والبونيت كااااااااااااااااااااااااااامل طاير لونه بس ما رمت اقول شي ظهرت الموتر وسيده المحطه الكبرى بس لين الحين الاثر على الصبغه واضح

   يالله ان شاء الله تلقالك ولد حلال يقدر يساعدك ويلغيلك الحجز بس انت اول شي تسويه الحين اجلع الورقه اللي جدام رلين ما تنحل السالفه

   اخوك فهد

2. ياحبيبي انت ماتسمع بالمثل اللي يقول الناس مقامات ولايهوون الاعضاء
   يعني طلع من راسك موضوع انهم يخالفوون الكل
   والاخ الشرطي اللي قال نحلل الراتب معاه حق بكل كلمه قالها هو شرطي وله الحق يقوم بواجبه وبنفس الوقت محد مسؤل عن تجاوزاته برا الدوام غير هو نفسه يعني يركب شامل يركب عاكس هذا شي راجع له
   والاخ اللي تكلم قبلي يقول وقفه الشرطي في محطة الكورنيش
   ياخوك انت اصلح نفسك وماعليك بالناس
   مستحيل تلقى دولة في العالم مافيها تجاوزات لناس واصله ولاتزعل من كلامي بس دام الدولة تقولك الشامل ممنوع ليش تسوي فيها واصل وتركب شامل وانت لا حول لك ولا قوة ؟؟

   الزبده حنا لو كل واحدن فينا اقتنع بتطبيق النظام والقانون ماكان وصلت المواصيل ان الواحد يكتب موضوع فزعه

   ولايهوون اخوي الرميثي

3. ممكن أعرف شو إلي بيتأثر بالظبط بالموتر لو تم واقف شهر كامل في الشمس ؟ ربيعي موتره إنحجز و ما صار فيه شيء ( على كلامه) هل ها الكلام صحيح ؟ و شو إلي يستوي بالظبط ؟
   

4. والله و مستعد أحلف مليون مرة ,,, إلي عنده واسطة ,, لو خالفوه مليون مرة على المخفي بيطلع منها ولا حد يروم يرمسه و إستوت جدامي كمن مرة في أبوظبي بعد إلي هم متشددين أكثر عن دبي بسالفة المخفي … وايد من ربعي زخوهم على المخفي و ما انحجزت مواترهم من سبة الواسطة و وايد ناس مركبين مخفي فوق ال 30%و ما حد زخهم من سنة و سنتين ,, وين العدل و القانون عليهم ؟ ثاني شيء ليش ما تزخون محلات المخفي اول شيء !!!!

   المفروض صراحة : المرور يتعاقد من 6 شركات مخفي أو 10 على سبيل المثال تكون مصرحة لتركيب المخفي و معتمدة من المرور و السيارة ما تترخص أو تمشي بالشارع إلا إذا مركب من عند المحلات المعتمدة و المحلات المعتمدة بس مسموحلها تركب 30% و لو كان عندك تصريح تركبلك أكثر و إنتهت المشاكل !

   أنا مب قصدي أحقد على إلي مركبين مخفي قوي بس يا انه الشرطة تزخ الكل ولا ما تزخ حد .. يعني هذاك اليوم كنا في محطة ادنوك الكورنيش و شرطي وقفني عسبت المخفي ,, قلتله أوكي خالفني بس ممكن توقف وياي 5 دقايق و تشوف السيارات الي تمر جدامنا ,,, فوق 4 سيارات مروا كلهم مخفي قوو جنهم صابغين الجامة ,, يا حيي انا على الاقل يبين شوي ,, هم عامينها و قلتله أتحداك لو هايله عندهم تصريح … يعني ليش ما يتطبق القانون على الكل ؟ و مثل ما قالوا الإخوان بعض إلي يشتغلون بالشرطة هم بروحهم مخالفين القانون و مركبين مخفي بنسبة فوق المسموح.

5. هي والله ..
   الشرطة ما يزخون الا في ثلاث شوارع

   جميرا والممزر والضيافة..بس

   ياخي زود موترك باللي تباه ورشه شامل..ولا تسير هاي الأماكن والله ولا حد بيدري عنك..

Comments are closed.