موتري مطلوب للحجز في دبي . ارجو منكم تساعدوني يا مخاوين شما

69 thoughts on “موتري مطلوب للحجز في دبي . ارجو منكم تساعدوني يا مخاوين شما”

1. ولازم القانون يطبق عالكل دام هالقانون موجود فالدوله اذا عنفس كلامك عيل لا يخالوفن حد او واحد ولا اثنين .. اصلا فدولتنا لو تحط 500 % نسبه المخفي فالصيف .. بعدك بتحس بالحر ,, يعني شو بيستوي اذا حطينا مخفي او زادوا نسبه المخفي مثلا من 30 % الى 50 % كلله واحد .. واذا هم خايفين من الجرايم ولا شي .. سهله يحطون قوانين رادعه واتخلي اللي يخالف ويرتكب اي جرم وهو حاط المخفي ينسى اليوم اللي فكر انه يرتكب اي جريمه .. لكن مب كلام واحد عاقل ,, تعال خالف واحجز عسبة عقوله الشباب قرطاس ولا وانا ماسويت شي يا غير اللهم اني اسوق السياره وبشكل قانوني ..

   ومن قال ان القانون ما ينطبق عالكل ؟؟
   اقرا كتاب القانون وشوف هل في ماده تنص انه يجب التجاوز عن فلان او علان ؟
   اكيد ماراح تلاقي مثل هالنص وهالشي معناته ان القانون ينطبق عالكل كبيرهم قبل صغيرهم
   يعني لو بنمشي على كلامك اخوي ونقول دام في استثناءات للبعض فلازم الكل يكون له استثناء على هالحال صارت الدنيا فوضى وانلغى شي اسمه قانون
   التجاوز والتشفع شيئين مقرونين ببعض حتى على ايام الصحابة والتابعين على الرغم من علمهم ان التشفع بمثل هالمواقف مذموم كان الشخص فيهم اذا اخطى يتشفعون له ( رغم انه بوقتنا الحاضر التشفع تغير مبداه وصار اسمه واسطه ويختص به فئة قليلة من الناس يسمونها VIP )

   واذا انت حاس ان 500% ماتكفي في جونا .. فليش تتجاوز وتخالف وتركب 100% وانت تدري انها بالاساس ماتنفع سواكانت 30 او 100 او 500% ؟؟
   وبعدين ياخوي هذا هو الهندي وبعض اخوانا من بلاد الشام يمشي بسيارته والمخفي 0% والمكيف خربان وحرارة الاقزوز مولعه داخل السياره ولا اشتكى وقال آه
   ليكون هم من كوكب ثاني ؟
   انا ما اقول صير نفس الهندي وامشي بدون مخفي بس دام الدولة مامنعت عنك هالشي وحددتلك نسبة معينه فليش تتجوازها وانت تدري ان تجاوزها ما يفيدك بشي ؟؟
   وخلنا صريحين وانا خوك اغلب الشباب اذا ماقلنا 99% منهم مايركبون الشامل غير لامور خاصه ومنافع شخصية لانلعب على بعض ونقول الحر والشمس

   اخوي هالقرطاس اللي تقول عنه كان سبب في تدهور حياة كثير من الاسر بحوادث الله لا يوريك مثلها والقارئ ..
   سو بحث في قوقل عن حوادث المخفي الشامل وشف بنفسك
   ومن بعدها سو حسبة بسيطه وقارن بين ايجابيات المخفي وسلبياته
   ثمن راجع حسابك وشف انا قطيت خيط وخيط والا الصمت ابلغ لي من هالكلام ؟

   على فكره يا اخوي انت وكل من يقرى هالموضوع
   انا واعوذ بالله من النفس ضد اي شي اسمه تفضيل شخص عن شخص
   وظاهرة المقامات اللي بين الناس هذا شي مستحيل انا او انت او غيرنا يقدر يلغيه لانه غريزة بشرية فمن سابع المستحيلات ابطالها
   لكن بنفس الوقت المفروض اننا مانساعد في انتشار هالبلا بالقيام بالتجاوزات ومن ثم البحث عن الحل او الواو

   الرميثي اخ عزيز وغالي لو يبي الفزعه بـ غير التجاوزات القانونيه هو يفصل وحنا نلبس يامر أمر باللي نقدر عليه والشاهد الله
   لكن انك تقولي رد مثل باقي الشباب في هالامر لا بالله مانيب راد مثلهم

   واستر ماواجهت وانا خوك

2. الله يعينك

   انا موتري محجوز بعد يومين بيكمل شهر

   راجعتهم في مرور البرشا قالولي اتريا بعد شهر لازم السياره اتكمل شهرين بالضبط

   اونه عليك مخالفه ( سباق ) مايستوي انطلعها ولو يوم واحد قبل

   اللي يسمع سباق بيقول عندي بورش او فراري او سياره مزود ابا اجربها

   والله تويوتا XA زين منها اتييب 150 ( ومنو هالفاضي اللي بيسابق هالايام )
   والحين متوهق كل يوم اسير الدوام بسياره البيت وجدامي بعد شهر الله يعيني

3. لا تعوراسك يا اخوي الرميثي روح ود السياره حجز الشرطه وخلها تنحجز وبعد فترة الحجز بأسبوع راجع المسؤلين في شرطة دبي وانشاء الله بيساعدونك في تقليل عدد ايام الحجز وفك عمرك وانا اخوك لانه ما في فايده

4. ياحبيبي انت ماتسمع بالمثل اللي يقول الناس مقامات ولايهوون الاعضاء
   يعني طلع من راسك موضوع انهم يخالفوون الكل
   والاخ الشرطي اللي قال نحلل الراتب معاه حق بكل كلمه قالها هو شرطي وله الحق يقوم بواجبه وبنفس الوقت محد مسؤل عن تجاوزاته برا الدوام غير هو نفسه يعني يركب شامل يركب عاكس هذا شي راجع له
   والاخ اللي تكلم قبلي يقول وقفه الشرطي في محطة الكورنيش
   ياخوك انت اصلح نفسك وماعليك بالناس
   مستحيل تلقى دولة في العالم مافيها تجاوزات لناس واصله ولاتزعل من كلامي بس دام الدولة تقولك الشامل ممنوع ليش تسوي فيها واصل وتركب شامل وانت لا حول لك ولا قوة ؟؟

   الزبده حنا لو كل واحدن فينا اقتنع بتطبيق النظام والقانون ماكان وصلت المواصيل ان الواحد يكتب موضوع فزعه

   ولايهوون اخوي الرميثي

   يا حبيبي انت ما تعرف ان كل الناس عند رب العالمين سواسية ؟؟

   اي مقامات لي تتكلم عنها .؟؟ المقام يكون للانسان المحترم والعالم الحليم ؟؟ هب كل من هب ودب قال الناس مقامات ..
   وبالنسبه للشرطي والشرطه : كلامك ما يدش العقل ,, لو انك رزين ما بتقول ان الشرطي حر بتصرفاته ,, الشرطي قدوه ولازم الكل يقتدي فيه .. اذا هو اساسه غلط ,, يسير ويحاسب الناس عغلطهم ؟؟

   ولازم القانون يطبق عالكل دام هالقانون موجود فالدوله اذا عنفس كلامك عيل لا يخالوفن حد او واحد ولا اثنين .. اصلا فدولتنا لو تحط 500 % نسبه المخفي فالصيف .. بعدك بتحس بالحر ,, يعني شو بيستوي اذا حطينا مخفي او زادوا نسبه المخفي مثلا من 30 % الى 50 % كلله واحد .. واذا هم خايفين من الجرايم ولا شي .. سهله يحطون قوانين رادعه واتخلي اللي يخالف ويرتكب اي جرم وهو حاط المخفي ينسى اليوم اللي فكر انه يرتكب اي جريمه .. لكن مب كلام واحد عاقل ,, تعال خالف واحجز عسبة عقوله الشباب قرطاس ولا وانا ماسويت شي يا غير اللهم اني اسوق السياره وبشكل قانوني ..

   الله يهديك بس ياخوي واسمحليه عالرد .. بس الواحد مايرد ويعق خيط وخيط عالناس ,, والريال بغا الفزعه واذا ما تروم اتسوي شي ,, رد شرات العالم .. هب اطيح فالكل .. وهاذا شي يرجع لخوي روح الرميثات اذا هو يبا فزعت حد او لا والشباب فالمنتدى الفزيعه انشالله ما بيقصرون ,,

   “فل تقل خيرا او لتصمت”

   والسموحه منك مره ثانيه ..

   الله يعينك يا خوي روح الرميثات .. والصراحه الرميثات ناس عزيزين عالقلب ,, وما تستاهل يا خوي ..

   قدر الله وماشاء فعل ..

5. يا اخوي ماشي فايده

   لازم الموتر ينحجز

   انا يودوني عالمخفي وعطوني مخالفة حجز 30 يوم ((يوم ينطح يوم))

   رضيت بالحجز بس قلتلهم بنحط سياره ثانيه

   قالوا ما يستوي الا سيارتك

   وحطيت سيارتي

   واتصلخ يلدها من الشمس !!! مسكينه

   انا ما اقول غير الله يعينك

   فيه حل

   شمع السياره(( حط عالبدي شمع و لحف الطبلون

   بزوليه))

   ودخلها الحجز وامرك لله

   ولا ترد اتحط مخفي

   صدقني ما شي فايده

   راااسهم ايبس من البلللللللللللللللللللللللللللللللللللللد!!

   احجزه و ربك كريم

Comments are closed.