موضوعي اتمنى من الكل ويشارك للفائده في موضوع السيارات من امريكا

9 thoughts on “موضوعي اتمنى من الكل ويشارك للفائده في موضوع السيارات من امريكا”

1. موضوع شيق تسلم الغالي
   ونتمنى من اصحاب الخبره انهم مايقصرون وياك

2. هلا حميد
   حبيبي تقريباً كل السيارات إلي في امريكا ارخص ب 1000 مره عن الوكالات الغششششششش إلي عندنا
   الاسعار مش ثابته
   تقدر تكاسرهم قد ما تقدر
   و ازيدك من الشعر بيت
   تقدر تطلبها ب المواصفات إلي تباها.

   يامرحبا وسهلا ياخويه تسلم على الرد
   ياغير بتخبرك شوالمواصفات اللي اقدر اطلبها مثلا مثل شو يعني
   وتسلم الغالي

3. بخصوص السيارات الوارد أمريكا، طبعا أغلب السيارات أرخص بوايد من الي عندنا والفرق دايما بيكون لصالح السيارات الأمريكيه، يعني من ناحية المواصفات اقصد. بس المشكله الي لازم نفكر فيها هي مشكلة الضمان والتشييكات. المرسدس وال بي ام ضمانهم عالمي وهن الوحيدات الي ماسمعت عن مشاكل يوم يابوهن بس شرط انه يكون أول تشييك للموتر عندهم هني في الوكاله وخصوصا المرسدس. وفي سيارات مول ما أنصح بتوريدهن مثل البنتلي لأنه وكالته وايد صعبه وصارت معاهم مشاكل وايد بخصوص الوارد أمريكي. أتمنى ما نكون طولنا عليكم بس قلنا نشارك بلي نعرفه وتعم الفايده.
   والسموحه..

4. السلام عليك حميد…
   بصراحه في ناس وايدين ما يعرفون عن السيارات الامريكيه وانا واحد منهم ويزاك الله خير على هالموظوع الشيق..
   السيارات الامريكيه مافيها عيوب بس متى عيبها يوم بتبيعها سعرها يطيح down ..ويوم بتشتري دورلك وسيط تثق فيه او اسأل حد يفهم بالأمور هاي..وعلى فكره انا سمعت انه امريكا ما تصدر السيارات اليديده..قصدي…الزيرو مايل..يعني لازم تكون ماشيه شوي..

   وشكرا..

Comments are closed.