موضوع خاااص………….(بدون زعل التجار)

السلام عليكم ورحمه الله

الموضوع: المبالغه في اسعارارقام الموبايل وارقام السيارات.

بالنسبه لارقام الموبايل وارقام السيارات اليوم اغلى من السيارات والعقارات

في ارقام سيارات تنباع بخمسه مليون وارقام موبايلات تنباع ب 500000 الف

(في نظري ما تستاهل الارقام هذي الاسعار المبالغ فيها)

وكل واحد له وجهت نظره وهذا منتدى لتبادل وجهات النظر وليس للزعل.

ورقم السياره احسن لانه ببين على سيارتك وانته تمشي اللي حابين التميز لاكن رقم الموبيل منو

بشوفه وانته تتمشى في المول وهذا رقم لايودي ولاييييييييييب واللي يباك بيتصلبك لو رقمك منقع

وتجاااار الارقام ييييبع الرقم xxxxady 25000 ويوم تقوله عندي نفسه كم تشتريه يقولك 8000

صح من قال بين الشاري والبايع يفتح الله بس اللي حاب يشتري رقم عند التجار كيف يحصله بسعر

معقول.

ربيعي طلع رقم من الاتصلات xxxxxxb واصل ب 170 درهم اعتقد, ويوم شفت الرقم قلتله

اذا يابلك 100,000 بيييع لانه الا رقم موبايل قاااال لالالالا يابلي 300,000 الف ما بعت .

والله لو رصيدي مئه مليون ما اشتريه ب 300,000 اروح اصرف الثلاثميه على عمري ولا اشتري

رقم بثلاثميه واتم اكد عليه كل شهر ادفع فاتورته.

اسعار الموبيلات في وجهت نظري كالتالي:

adybxxx ما ادفع درهم عليه اروح اطلعه من الكونتر.

adyxxxx او xxxxady من 10,000 لين 15,000

adxxxxx او xxxxxad من 25,000 لين 50,000 حسب الرقم والشبكه.

axxxxxx او xxxxxxa من 50,000 لين 100,000 حسب الرقم خط او واصل.

xxxxxxx الله يعلم لانه مستحيل تحصله للبيع 0,01 %.

(وهذي وجهت نظري واسمحولي اعضاء المنتدى وتجار المنتدى لانه الموضوع ما بغير اسعار الارقام)

واتمنى التوفيييييق للجميع