السلام عليكم
ابا اتكلم عن موضوع بصراحه في خاطري من قبل و موضوع عليه ريفرش في المحاكم بشكل يومي ..!!
و اصبح شي معتاد و الواحد الي يعاني من هالقضيه او ضحيه ما يحب يسمع الطاري او اسمه …
باختصار عقد عقول البشر …
موضوع الطلاق
كل يوم و في الامارات و انا اعرف ناس و يخبروني انه الطلاق يستمر بشكل يومي في الامارات و في المحكمه اغلب القضايا طلاق !
بصراحه انا كنت ضحيه في هالموضوع و ما كنت اتوقع انه السالفه مأثره فيني بشكل كبييير و تعقد الامور بشكل كبير
يعني بصراحه
اقول لو اول يوم اطلق حرمتي ؟
لو زلت و عصبت و طلقتها ؟
لو حصل سوء تفاهم و طلقتها و خلاص ماروم اردها !!
لو و لو و لو
اكيد الكل يقول هالشي او اغلب الي عايشين هالجو الكئيب الي حتى مأثره بأكثر من شخص
يعني مثلا
ريال و حرمته و يابو عيال و كل شي و سوء تفاهم دون تفكير عقلاني..
طالق ..طالق ..طالق
ما يفكر!!
طلق حرمته و يتحرى الدنيا بخير
باجر الحرمه تقول ابا عيالي و الابو يقول ابا عيالي ..
والعيال محتارين
الابو يقول في المحكمه اختارني …و الام تقول في المحكمه اختارني
و طبعا وقتها من صغرك تحس انه العالم كله ضدك
وما تعرف ترضي منو
الابو ولا الام ؟ خاصه انه بعده صغير و ما يفهم !!!
آخر شي العيال يروحون للأبو ..يعيشون حياتهم عاديه بس كل اسبوعين يسيرون للوالده يومين !! و يردون
عقب يوم يكبرون ما يشوفون امهم الا فالسنه مره يمكن او فالشهر مره او مرتين !!
طبعا هالشي ما بيأثر لا في الابو و الام بس !!
اول الضرر سمعة البيت !!
ثاني شي الاولاد !! و احساسهم بفقدااان شي كبيير في البيت سواء ً كان عايش وي الام او وي الابو ؟
الابو ما بيقدر يمسك عيال الا بحرمه ولو فكر يعرس معروف الحرمه تتلاوت و العيال ما باهم و لا يا انا و لا يا العيال !!
في كلا الحالتين اكبر ضرر بيطيح في حياة العيال !!
الي بيروح و محد سائل عنه !
و الي بيرد البيت سكران عزكم الله
والي يتاجر مخدرات
والي يتحرش في خلق الله
والي يظارب يمين ويسار و يدخل قضايا لا اول لها ولا تالي
والي ما يعرف ربه
طبعا ً مب الكل ..
بس ها الضرر المعروف الي بيكون على العيال لو تم فالنص و الابو في صوب و الام في صوب
شو اسباب الطلاق في رايكم !!!
وليش الواحد ما يحاول يفكر و يتأكد من كل شي قبل !!
في ناس تفهم غلط حار بحار طالق !!
ليش !!
ناس يحبون بعض و اتطلقو و ندمو بقوووه !!
لانه الي يرووح مره لا تتحرى بيرد بسهووووله و الكل يعرف الشرع و الاسلام
الي يطلق لازم حرمته تعرس مره ثانيه و عقب لو طلقت اتردله !!
طبعا مب كل مطلقه تقدر تعرس و مب كل مطلقه عقب العرس بتدور الطلاق
والي يرتب الامور تزوجي فلان و طلقيه نفس الوقت معروف حرام و اكبر حرام !!
وقتها الندم ما يفيد !!
اول شي تضر نفسك و نفسيتك
و تضر نفسيتك و نفس الحرمه
ثالث شي تضر سمعة بيتك و بيتها و خاصه لو كانت من هلك
ورابعا ً تضر عيالك
شو الاشياء الي بتقل من الطلاق !!
انا شدني موضوع من الاعضاء الي الحرمه تقول لريلها يالثور جب و مالك خص و البقره !!
اغلب الاسباب سوء تفاهم
يعني مثلا لو حرمتك سبتك بس بروحك مب يدام الناس بتطلقها على طول
الي يعرف انه الحرمه ناقص عقل و دين و نفسيتها تتعب شهريا ً لامورها الشخصيه و ارهاق و غيره و تتضايج و يمكن تسب و خاصه بعد الحمل امور كثيره تخلي البنت تعصب و تقول كلام ابدا ً هي ما تقصده !!
فليش الاستعجال ؟؟؟؟
يعني مثلا تبا غيرها لا تستحي عرس الثانيه ترا الريال كلمته وحده !
على العموم
شو اسباب الطلاق !؟
و الي فاهم فهالامور اغلب اسباب الطلاق شو ؟؟
سوء تفاهم , شك , احساس بالاستعجال , الزواج في سن صغير .او التوتر او العصبيه او سبب الحرمه او الريال !!
وكم نسبة المطلقين و المطلقات في الامارات ؟؟
شو حلول ايقاف هالظاهره ؟؟
انا اشوف لو يسوون محاضرات عن الطلاق و اسبابها او دوره عشان الرياييل الي مب فاهمين البنات يعرفون الظروف و فترة الحمل و ما بعد الحمل و قبل الحمل و فترة الزواج و الظغوطات
وانه الزواج ابغض الحلال
يعني الضحايا لازم يعلمونكم هالشي غلط ؟؟؟؟
انا انسان الحمدالله مافكر لو اتزوج اطلق او اعرس فوق حد لو كانت الحرمه زينه بس خوفي و يا كل خوفي هالموضوع يأثر علي سير حياتي سواء ً شك او طلقه اولى و لا نص طلقه
بس حاب اقول الطلاق يأثر بشكل كبير على الي من حواليك و الله يحاسبك عقبها على كل شي
على ترك عيالك ! و اهمااالهم …و و و و
الزواج نص دين و ما دام انك صابر في البيت مع حرمتك متفاهم او فيه سوء تفاهم ياخي ( و اهجروهن في المضاجع ) 
ردها بيت هلها سبوع سبوعين شهر بس لا تطلق !!
البنت تتعلم و البنت الي تحب ما تقدر بدون ريلها يوم واحد وترد ندمااانه و تصلح اخطااااء كثيره
والله يكون في عون الجميع يارب
السموحه ثقلت عليكم
لا حول ولا قوة الا بالله
الرجل في أغلب الأحيان
يكون حكيم ما يفكر بالطلاق بل يفكر في الإصلاح
لكن المرأة هي التي تطلب الطلاق للأسباب التالية:
أولا : عمل المرأة يسب عدم مبالاة بالزوج وإهماله
لأن الزوج طبيعيا يحتاج إلى مرأة تهتم فيه من نواحي عدة :
1- إذا طلبها للفراش لا تمانع
2- إذا جاء من العمل يريد
الأكل يكون جاهز
3- تغرف له الطعام وتأكل معه
4- تظهر له الحب وتشكره
وغير ذلك من الآداب المذكورة في السنة
السبب الثاني :
مساواة المرأة مع الرجل
ليست المرأة كالرجل خاصة الزوج فإنه أعظم منزلة من الأب والأم وجميع الخلق وهو مذكور في أحاديث كثيرة
من أراد الدليل من القرآن والسنة فاليراسلني
أبو عمر
مشكورين و مشكور ياهاوي كروزر
مرت علي هالحالة !!!! واحد من الربع بعد عشق وزواج دام أكثر من 6 سنين بكل بساطة دخل هالاثنين دوامة المحاكم الاخ يبي يطلق حرمته والسبب شو؟؟ مشاكل عائلية مقدور عليها + ترك ام العيال للبيت والاستقرار ببيت أهلها + نقص الوازع الديني + الزواج الثاني والمشكله بالموضوع انه الاثنين متعلقين بهالعيال.. والمصيبة انه الأخ يبي الحرمة اهية اللي تطلب الطلاق عسب شو؟؟؟؟ يفتك من الصداق ومصرف العيال بعد الطلاق .. والله انا ما أقدر على البيتين .. ما كان من البداية ؟؟؟ هذا اللي ما عنده وازع ديني والمشكلة الأكبر انهم دارسين هب شرات أهالينا قبل صحيح ما عندهم شهادات شراتنا بس عقولهم كانت توزن بلاد ؟؟
والسموحة طولت عليكم بس الحل الوحيد لحد هالظاهرة انه الواحد يخاف من رب العالمين ويفكر قبل ما يتخذ اي قرار يدمر فيه بيته وعياله وبعدها يقول ياليت ؟؟؟ ترا اذا فات الفوت ما ينفع الصوت
مشكوره على المرور
الدين بس مرات الشيطان اقوى
لانه الشيطان همه الوحيد يفرق بين المتزوجين لانه الضرر على مدى البعيد
والله يبعد عننا المشاكل