السلام عليكم ورحمة الله وبركاته
شحالكم يالربع
صار لي فترة ما ناقشتكم بموضوع ^^
المهم يا جماعه عندي نقطتين
الاولى:
قبل لما كنت اسير المارينا مول فبوظبي انا وام العيال بروحنى
وبالذات اذا كنت موقف سيارتي فوق … بخبركم بالضبط
بعد ما تطلع من البوابة الرئيسية وتعبر الشارع…. اييك واحد زلمة لابس لبس كشخة بكرفته وجل وحركاته
ياني يقولي نحن شركة فلان الفلانية … سجلت معانا عشان تربح معانا رحلة لك ولزوجتك الى “يألف من عنده اي مكان” ؟
واذا كنت انا ويا هلي والعيال يقولي سجلت عيالك ربح قسيمة بقيمة “مبلغ خيالي”
المهم انا ما اسوي له سالفه اقوله مب مشغول تشوفني شال اغراض واسير عنه…
حد صار له نفس الموقف؟
ومنو هذيل ووين عنهم الشرطة؟
—
والموقف الثاني عند دخلة ارامكس … لما ادش اللفة في باكستاني تلاحظه يطلع لك مفتاح.. كل ما امر بنفس المكان اشوفه يسوي لي نفس الشي… كأنه يبين لي ربحت سيارة ولا ان مفتاح حصلوه..
ما فهمت شو يقصد بس ما تفيجت له… بس احسها شي نصب فيها… لان في واحد وقف له والف واحد التم عالسيارة
وما دري شو يصير…..!!
اتحذروا يا جماعه من النصب الي قاعد يصير
موضوعهم بسيط
حبل و قلص
اربطوه فقالوصه الاستيشن ولا الفتك ولا الجمس
وعطوه شوط من المارينا للكاسر
وان شاء الله الاموور طيبه ومابتشوفون شرات هالاشكال
صار لي نفس الموقف ويا راعي الكرفتة في موقف المارينا
ثلاث مرات ..
أول مرة قال لي نحن شركة نختار عائلة مواطنة حتى نوديهم رحلة سياحية شاملة التكاليف
أم العيال قالت ساير هالحرامي خلينا نعرف شو عنده
طلع ورقة وسجل الإسم والتلفون وقال بنتصل بك وبنحدد لك يوم نجتمع وياك في ملينيوم الشارجة
وماشفته من يومها الظاهر ماعيبه شكلي حس إني شرَاني
المرة الثانية عند مدخل هوم سنتر في المارينا واحد ثاني تم يبربر لين خلص قلت له مشكور وسكرت الجامة
والمرة الثالثة في نفس المكان الأولي فاجأني وأنا واقف ويا العامل مال إيكيا ينزل الأكياس في السيارة
جان أنقز في حلجة وشرد ..
هالعالم نصابين 100% والحذر منهم مطلوب لأنه يمكن متفق ويا ناس غير يشغلك هو و يغافلك الثاني ممكن يسرق أي شي بدون لا تحس ..
لأنه لا يوجد رقابة فعلية إلا حق الشباب المغازلجية بس
سبحان الله
هل عندهم الصلاحية انهم يسوون دعايات برع مكانهم ويزعجون الناس؟
—-
انزين محد يعرف عن موضوع الباكستانيين صوب ارامكس؟
صارلي نفس الموضوع في دراقون مارت
و قالي سجل بتربح رحله سياحيه
المهم تشاورت ويا ربيعي
قلت خلنا نسجل و نشوف لوين توصل السالفه
اليوم الثاني اتصلوا اونك ربحت رحله ،،، الخ
بس ما سويت لهم سالفه
بعد فتره رحت الدراقون
جان يزقوني مره ثانه بس انا عطيته كاش
قلت له ربحت من قبل خخخخ
و رحت
(( بس هذي اشياء ترويجيه لشركات سياحيه لا غير ))
صارلي نفس الموقف
عند باركنات كارفور فالعين وفدراقون مارت اللي هو سوق التنين
يوم يقولولي عندنا اجتماع اقولهم شسويلكم يعني
يقولولي لحظه بس اسمع
اقوله انته نفسك يايني كذا مره جان يضحك ويقول معلش
قلتله اجلب ويهك خخخخ