موضوع كيف تطلب الـ iphone 4 من بريطانيا مع الصور

السلام عليكم

بغيت احطيلكم موضوع كيف طريقة طلب الايفون من بريطانيا الى الامارات دايركت

1. اول شي لازم اكون عندك فيزا كارد او ماستر ,,,,, الخ

2. لازم اكون عندك حساب في ارامكس او اي شركة شحن طبعا حساب بريطانيا

طبعا المشطوب عليه هو الاسم ورمز الشخصي اي هو مثلا AUH 2145 هذا الكود خاص بابوظبي

3. طبعا تدخل موقع أبل في بريطانيا مرفق الرابط (iPhone 4 & iPhone 3GS – Apple Store (U.K.))

وتختار التيلفون الي تباه

4. بعدين تختار الملحقات الي تي مع الآيفون اذا تبغى وتضغط على add to basket

5. بعدين يطلعلك كم الملبغ واذا تبغى تيلفون زيادة تقدر اتحط رقم 2 في الخانة وحدك تيلفونين ويطلعلك المبلغ الاجمالي بالباوند

6. تطلعلك صفحة جديدة تسويلك حساب في شركة ابل اذا ماكان عندك واليوزر اكون ايميلك + الباسورد

7. وبعدين هذه الصفحة القبل الاخيرة اتحطي صندوق بريدك مال الارامكس مع اليوزر الخاص فيك الي مثال AUH 2456 الي في بريطانيا بهذه الطريقة

8. اخر شي تظهرلك الشاشة الي قبل الاخيرة تتاكد من صحت صندوق البريد.

9. بعدين تضغط على COUNTNINE وتدفع من ثم يوصل ايميل انك دفعت وتقدر تجيك وين وصل الاوردر وبعد تقدر تكنسل الاوردر ان بغيت

10. بعد اسبوع او اسبوعين يوصلك ايميل ثاني انه طلبية طلعت من شركة ابل الى ارامكس في بريطانيا وياخلهة تقريبا 3 ايام.

11. وفي ارامكس عندهم يومين في الاسبوع الشحنة تطلع من بريطانيا للامارات يوم الاحد والاربعاء انت وحظك متى توصل طلبيتك

12. وبعدين تجيك من موقع ارامكس شو صار في طلبيتك برقم البوليصة الي بيطروشلك ارامكس على الايميل لاكن من يوصل التيلفون دبي لازم تطرش صورة جوازك على فاكس او ايميل تكلم فيهم ارامكس هم يعطونك اياهة علشان الجمارك

13. كلفني التيلفون 16 G كامل 2900 قيمة التيلفون+160 فتح حساب ارامكس + 300 تقريبا الشحن مع الجمارك = حول 3300

ولسموحة طولت عليكم وايد