السلام عليكم ورحمه الله
اخواتي اخواني الاعضاء والزوار واصدقائهم بعد 
لان ياليت اللي يدخل هالموضوع ويشوف المناقشه اللي فيه يوصل الكلام الموجود لمعارفه عشان يستفيدون من خبرات وتجارب الاعضاء
انزين طبعا مابطول عليكم والموضوع مثل اللي كتبتته بالعنوان وبنكتب الموضوع على نقط..
اولا: موضوع التمويلات الكبيره :
اللي توصل فيها التمويلات للمليارات ونسمع عنها وايد هاليومين والكل متحمس لها ماشالله ويعتقد انها نهاية ديونه وبدايه مشاريعه وانطلاقه من اوسع الابواب لعالم المال والاعمال..!!
اخواني هالصفقات ماتتم الا في حاله ان طالب التمويل كان يحصل على نفس المبلغ من اي بنك وهذا يصير للي عنده ملاءه بنكيه قويه او عنده اراضي باكثر من قيمة التمويل المطلوب او عنده مصنع او مشروع قائم من 3 سنوات على الاقل ودخله بالملايين وهالاشخاص ياخذون قروض من هالشركات عشان ان فوايدها اقل وبعضها اسلاميه..
يعني اخواني لو هالصفقات تتم بهالسهوله كان الكل غني ماليا..!!
(( ياليت من الوسطاء او اصحاب طلبات التمويلات الضخمه يفيدنا اذا تمم صفقه ))
وياليت محد تييه الحميه ويقول يصير الكل ياخذ لان نبي الكل يستفيد فاذا وسيط تمت معاه صفقه ياليت يقول تمت معاي صفقه ويكون صادق معانا ومايقول ان سمع او يعرف صفقات تمت
ابيه ان هو نفسه الوسيط اللي يكلمنا هني يعرض مداخلته بالموضوع يقول ان تمم صفقه والكلام نفسه موجه لطالبي التمويل..
اخواني هذا مب تحدي او شي ثاني الموضوع ومافيه ان ابي سواء الوسطاء او طالبين التمويل ينظرون للموضوع بعين الواقع عشان لايجرون الوسطاء العديد من الاتصالات ويعطون الكثير من الوعود
وفي النهايه يكتشف ان دفع مصاريف مكالمات ولقاءات وطالبين التمويل يلومونه ويتهمونه كذب وهو الوسيط ماله خص غير ان كان يبي يكون وسيط لصفقه ويحصل عمولته .. بعض طالبي التمويل الله يهداهم من يسمعون ان الموضوع سهل تحصله راح وتدين او اتصل بلي يطالبونه ووعدهم ان خلاص بيعطيهم فلوسهم وان بيسوي وبيسوي وفي النهايه يطلع كذاب بعيونهم في حال ماتمت الصفقه..!!
وهذا غيض من فيض بموضوع التمويلات وياليت اللي صارت معاهم قصص بالتمويل من هالنوع سواء من وسطاء اوطالبي تمويل ان يثرون الموضوع ويفيدونا بتجاربهم..
وطبعا كعادة اغلب مواضيعي بيكون اكمال الحديث والنقاش في الرد
وبننتقل لمواضيع صفقات السكر وبقول لكم ليش الكل يبي يسويها مع انها بعد ماتصير عادة وننتقل للجزءالثاني من المحادثه في الاسفل ..
شكرا لمرورج اختي شموخ ومتابعتج الطيبه
وصحيح اختي ان التجاره بحر بس شي حلو ان ندخل بحر التجاره بس بكل شجاعه وحذر..
يعني الواحد مايخاف اذا بيتخذ القرار بس لازم ان يشاور ويسال اهل الخبره اللي سبقوه في هالمجال.. وفي مثل يقول (( من استبدا برايه هلك ))
ويعطيج العافيه اختي شموخ وبالتوفيق ان شالله لج وللجميع ان شالله
موضوووع مهم واااايد وبينقذ ناس وايدين الله يجزيك الف خير اخويه نايف …والله يوم اقرا مواضيعك احس انه التجاره بحر وما يدخلها الا الي فاهم اي خطوه بيخطيها قبل لا يقرر انه يبدا في هذا الشئ
هلااا فيك اخوي على المكشوف وتسلم ويجزيك الله الف خير على التصحيح
والسموحه على + لقد سقطت سهوا
واظن التاثير من وقت كتابه الموضوع لانه الفير .. تسلم مره ثانيه على التوضيح والعمليه الحسابيه تكون بالضرب مش بالزايد هذي اثار حصه الرياضيات ايام المدرسه
وماقصرت اخوي على المكشوف على متابعتك وتصحيحك
12500 +250= 3,125,000 ملايين دولار امريكي(اسمحلى نايف على التصحيح )
المفروض 12500 *250= 3,125,000
مرحبا مره ثانيه
ننتقل الله يسلمكم للجزء الثاني من موضوعنا وهو صفقات السكر اللي دوم دوم نشوف نهايتها بخلاف او عدم اتمام صفقه..انا الاحظ الفتره الاخيره اللي يصير بمواضيع السكر وماعلقت قلت بشوف لوين يوصل الوضع عشان بعدين اعرض مداخلتي بخصوصه..
شوفوا اخواني موضوع السكر اول ماطلع كان بطلب شحنات سكر كبيره للعراق وكانت الحكومات هي اللي تشتري وبعدها الاردن صارت تبي السكر بحكم ان صار نقص حاد في السكر لان العراق كانت تاخذه بكثره مما خلى يصير نقص عندهم بالاردن وارتفعت الاسعار الى ان تدخلت الحكومه وانزلت الاسعار
المهم الحين اللي حصل ان في طلبات على السكر من سنين فاتت وهالطلبات تنتقل بين الوسطاء وتحصل ان في وسيط عنده طلب لسكر من اكثر من سنتين وهومايدري وعلى باله الطلب جديد ويدور له لان ايضا وصل له من وسيط ومافي اي وسيط يقدر يقول لي ان يتعامل مباشره مع صاحب الطلب الكل يكون وسيط مع وسيط !!!!!!!!!!!
لان صاحب الطلب من سنين استلم شحنته وانتهى الموضوع ..
او حاله ثانيه يكون الوسيط يدخل بعمليه بيع وهميه يستخدمونها بعض تجارالاحتكار وتجار السوق السوداء لدخول بضائعهم للسوق بسعر عالي فيوهمون الجهات المختصه انهم صج قاعدين يبحثون عن البضاعه المطلوبه من السوق و ان هم كلموا اكثر من شخص وارسلوا وخطابات وفاكسات بس مالقوا اللي يبونه فماقدروا ان يوفرون البضاعه المطلوبه في السوق مما يرفع سعرها محليا على نطاق واسع ..
اخواني حسبه بسيطه جدا هي اللي تشجع الوسطاء ان هم يصيرون وسطاء للسكر والسبب ان العموله عاليه ولو حسبناها بتطلع كما يلي : ( كما يلي تذكرني بايام المدرسه الله يذكرك بالخير ياستاد مدحت)
المهم شوفوا: شحنة السكر تبدأ من 12500 طن وهذا شرط كل الوسطاء السعر المتوسط لطن السكر 250 دولار في هذا نوع من صفقات الجمله
12500 +250= 3,125,000 ملايين دولار امريكي
سعر متوسط الدولار خليجيا 3.5 يعني 3,125,000 ×3,5=10,937,500
وعمولة الوسيط فيه هالصفقه عاده تكون 5% يعني = 546,875
يعني باختصار العموله تكون بنص مليون وشوي عشان جذي نشوف الوسطاءا يحاولون بكل الطرق ان يتممون الصفقات بس مايصير لان مثل ماقلت لكم كلها طلبات من سنين قديمه وانتهت اوعمليات وهميه
يعني اخواني بالعقل طالب الكميه الحقيقي مايقدر يلقاها بسهوله دون اللجوء للمنتديات ودفع العمولات العاليه بكل سهوله يخلي طلب مع البورصه وياخذ السكر اويكلم المصنع مباشره ويتشري السكر منه
وكالعاه ياليت من اي احد هونفسه تمم صفقه يخبرنا ورجاء لايقول لي احد انه بيتمم صفقه بعد يومين او بعد عشر دقائق ياليت من اللي تمم الصفقه واستلم عمولته يخبرنا ..!!!!
عشان الباقي يستفيدون وانا ابي الوسطاء يستفيدون من هالموضوع قبل غيرهم عشان لايتعبون نفسهم ويخسرون وقت واموال على امور وهميه وغير صحيحه
اخواني الاعزاء مثل ماتعرفوني والحمدالله انا مش من النوع اللي يحبط العقول والهمم التجاريه وبالعكس انا اشجع اللي يشتغلون بس بشي صحيح مش بوهم وتضييع وقت..
سمحوا لي على مداخلاتي اواذا حطمت امال احد بس حبيت انبهكم لهالمواضيع
وبالتوفيق ان شالله اخواني
الجزء الثالث اللي هو الضمانات البنكيه بيتم عرضه مستقبلا ان شالله عشان لايكون ضغط على القاري وتقولون نايف مللنا وايد يتكلم