السلام عليكم ..
خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .
الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا
الموتر :
الموديل :
العيوب والمشاكل:
خلونا نشوف تفاعلكم وفتكم بعافيه ياقدعان
موضوع يستاهل التثبيت
السياره الي ندمت عليها كانت كادلك sts موديل 94 …..كانت من الوكاله ….سبب مشاكل كثيره وصيانه على طول وخساره مالها اول من تالي
السلام عليكم ورحمة الله وبركاته الصراحه موضوع جميل هههه
الموتر اللي ندمت علييه من الخاطر لومينا اس اس 2002 خذته وكاله وخسرني حول 3000 الف في 3 سنوات وقيره مضخره ما يستحمل قوة المكينة والداخلية اضني الكوري ولا الصيني ارحم بالف مره .
والبورش كايين 2006 خذته وكاله وكنت في قمة الوناسه لين عقب ال 100 ألف كيلو ههههه الشاشة الامامية بدلتها على 6000 الاف واخترب الشفت وبدلته على 4800 الف وامور كثيره والصرااحه ناسيها وفي النهاية البورش عقب 100 الف كيلو
اغسل ايدك بصابون لوكس مع الليمون الاصفر ههههههههه
كل مشاكل السيايير اللي تكون من المستعمله لنه لو نظيفه السياره مستحيل يبيعها على اي حد يابيستخدمها له او لهله او لحد من ربعه اما لو باعها للعاميه مستحيل نظيفه حتا 70%
فكوا عماركم وخذوهن من الوكاله
انا من قاطعت المعارض والسيايير المستعمله وانا والخير رباعه حمدالله
موضوع حلو وايد
الموتر : لكزس جي اس 300 سبورت ديزاين
الموديل :2004
العيوب والمشاكل:ما كان فيه شي اول شهر نظيف روحي يبته من امريكا من دون حادث وفيه شاشه بس في واحد الله يهديه عطاها عين طاحت المكينه والقير والكمبيوتر اخترب والاكزوز واندعمت عشر مرات
بصراحة الموضوع حلو وحبيت اشارك فيه
انا كنت اشتري سيارات وابيع اشتريت هوندا اكورد 5000 موديل 98 الكلام في 2002
الموتر المكينة خربانة وديتها السكراب يابتلي 9500 فرحة قلت هاي البيعه ولا بلاش
يوم ييت ببيعها ابوي ما خلاني قلي صلحها عشان اخوك وانا بشتريها منك
حاولت اغير رايه ما طاع المهم صلحة السيارة والسيارة مب راضية تصتلح
وبعدين يا اخوي واشترى سيارة ثانية وتطيح الهوندا في جبدي
بالاخير خسرت عليها قريب 11500 عشان ابيعها بفايدة 500 درهم من غير التعب ولعان الخير
مقلب ولا احلى من الشيبة الله يعطيه الصحة والعافية غير كذي الحمد الله ما اخذت سيارة الى وتوفقت فيها