السلام عليكم ..
خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .
الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا
الموتر :
الموديل :
العيوب والمشاكل:
خلونا نشوف تفاعلكم وفتكم بعافيه ياقدعان
السلام عليكم
انا ماخذ الكامري الشكل اليديد اول من نزل ودافع كاش بعد وحياتكم مكملت عند السيارة اربعة ايام ولا انا بيعانه وخاسر من قيمتها
السيارة خفيفة على الخط وما فيها اي من وسائل الراحة
موضوعـ طيب و عتيم تسلم لي ايدك اسميكـ غيرت الجو عدل احسـ اني فـ كوفي شوب سوالف حلوهـ والكل يستفيد
بس غريبهـ نص اليماعهـ ماخذين سيايير مستعملهـوبدون معاينهـ وفحص يقولوا ثقهـ زين ها حديد ماعندهـ ثقهـ ماثقهـ
و البعض انفلعوا بـ عين حسود والله يباركـ لليميع على مواترهم الأمور طيبهـ والخساير لي اتيي تكون بشاير الواحد يتعلم منها
و بالنهاية المواتر المستعملهـ او اليديدهـ يوم تخترب ولا شي لا تياس معه ولا افتكـ منهـ و معوضيـــن خيـــر ان شاء الله
مابتكلم وايد اصلن مايحق لي < تراه كل يوم بالصناعيهـ يتريق هناك خخخ
السلام عليكم ورحمة الله وبركاته
سيارتين اتندمت اشتريتهم
1- اس ال 95 .. كانت ايام 2005 تقريبا .. خذته من ريال اونها نظيفة .. وما فحصتها اونه ثقة .. الله لا يراويكم اشتريتها ب 35 وصلحت فيها ب 15 وبعتها ب 17 !!! كل ها في اسبوعين ..
2- لكزس 2008 ال اي 460 .. خذته وكالة اونه ما تمت 3500 كيلو بعته .. موتر اسمحولي كرولا ب شاشة ومواصفات .. لا ثبات ولا هم يحزنون .. وخسرت فيها حول ال 40 الف .. ( اونه ياباني ما ينزل )
والحمد الله على كل شىء
موفق بإذن الله … لك مني أجمل تحية .
شو منفد بالشباب غير عيون البعض الله يهديهم ياريال ان خطف الريال مسرع عدالهم قال والخيبه
ولا عنبوه طلقه وبعد 20 كيلو يلقى الموتر مجلوب
تعلمو من تركبون السياره تقولون ( اعوذ بكلمات الله التامه من كل شيطان وهامه ومن كل عين لامه)
والرب حافظ