السلام عليكم ..
خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .
الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا
الموتر :
الموديل :
العيوب والمشاكل:
خلونا نشوف تفاعلكم وفتكم بعافيه ياقدعان
بصراحة ترددت في المشاركة لأن السيارة المستعملة حظ بالدرجة الأولى
لكن السيارة اللي لا يمكن ذكراها تنمسح من ذاكرتي هي bmw 540 موديل 2000
ما بقولك شو سوت فيني هالسيارة
لكنها باختصار كرهتني في أي سيارة مصنوعة في ألمانيا
يكفي اقولك اني اشتريتها بـ 55 ألف
وبعتها بعد سنة ونص تقريباً بـ 28 ألف
وخلال هالسنة ونص صرفت عليها ما يقارب 27 ألف درهم تصليحات
يعني تقدر تقول إني بعتها ببلاش
في البداية موضوع جميل ومشيق ويحتاج الى تثبيت !!!
انا جربت الهوندا اكورد مستعمل ومشاكل في الحرارة … !!!
ومرسيدس e320 مستورد من اليابان … كانت حالتها جيدة وبعدين اشتغلت المشاكل من كل النواحي … ما انصح بالمرسيدس مستورد !!!
اكثر سيارة اكرهها وما احبها مع انني ما استعملتها هي نيسان ألتيما … سيارة كرتون بمعنى الكلمة … انقلب فيها زوج اختي مع اختي وعيالها … ومات الزوج الله يرحمة … وباقي العائلة صح الله نجاهم بس كسور في الارجل والرقبة وفتح في الرأس ونزيف داخلي الله يسلمكم !!! كل اللي حصل خروج بسيط عن طرف الشارع والسيارة انقلبتما ادري 3 او 4 قلبات … يعني الخلاصة سيارة كرتون … لا حماية للسائق ولا للركاب … صح الاتكال على الله مطلوب بس اعقل وتوكل !!!
صراحه اول موتر استعملته لكزس 400 موديل 1991 طبعا اخوكم دريول يديد ما بدل الايل حتى يوم تقيسه يطلع لك فاضي بس السياره تمشي والامور طيبه.
يوم يخترب الدينامو الجرج او الجمبينات مصيبه
غير هذا سياره زينه عالخط وهاديه
اكس ٦ ثمانيه سلندر
خذتها وبعد ١٠ شهور بدت المشاكل اول شي اذا دخلت الرطوبه داخل يعني امبطل الجامه مدته عشر دقايق اتحدا اذا ما بندت الموتر او بتشتغل كل الليتات الي فالسياره ولا بتمشي
ثاني شي الخدمه في وكاله البي ام اخس شي .. ثالق شي ما انصح احد ياخذها ضيجه وميزتها الوحيده الي عيبتني انها تون تيربو وغيره والله ولا شي
ما يحتاي تخبرنا . .. يكفي انك حاط صوره النيسان فالصورة الرمزيه .. و باقي القصه معروفه ههه