السلام عليكم ..
خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .
الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا
الموتر :
الموديل :
العيوب والمشاكل:
خلونا نشوف تفاعلكم وفتكم بعافيه ياقدعان
++++++++++++++++++++++++++++++++++++++++++++++++++ +++
عفوا اخوي عندي تعليق بسيط على كلامك
انته صح قلت انه الياباني فالمرتبه الاولى من حي التأقل مع المناخ عندنا في الخليج انا معاك
بس انك تقول الالماني ما ينفع و تفضل الامريكي عليه (لا طبعا)
أخوي بعطيك مثال بسيط رنج اسبورت او العادي موديل 2005 لين الحين مافي اي مشاكل و ماشي 120 الف
و كاديلاك اسكاليد من كمل عندي سنه قام يدخل هوا و يحر المكيف و اصواط فالاسبرينقات والخ..
المهم الي ابا اقوله انه الالماني افضل من الامريكي من حيث الاستخدام و قله الخراب و العيوب عدنا فالخليج صح انه السعر بينهم كبير بس جودتهم عاليه
و السموحه
طارح الموضوع شكرا
وفعلا الواحد يستفيد من هالتجارب
تحياتي للجميع
انا اتفق وياك في كلامك يا طويل العمر الاجانب يسوقون سياراتهم بحترام ومسافات معقوله اما هنيه
الصالون يدخله في البر على باله ستاندر ولا ساير راد خطوط في عز الصيف
وريله ثجيل على الموتر يتقرقع عقب مده لان متعود على الياباني وايي يتشكى والله الالماني ماينفع
والالمان مشاكله وايد …الخ من كلام دوم نسمعه ويوم تشوفه في الشارع
كيف يسوق مابتلوم الموتر يوم يتشكى !! صدقني كل موتر يخترب سواء الماني ولا ياباني انا قلت قبل
هالرمسه وبعيدها الحين يشوف عمره كيف يسوق الوافدين خاصه السورين والفلسطينين
والاردنين شوف شو يسوقون وموديلات كم والموتر لين الحين مايشكي باس لانهم يسوقون بعقل
اما هنيه حدث ولا حرج
الصراحه الموضوع فنان يا خوي …. بس لازم تذكرني بالغصات .. لازم تذكرنا بالمواجع
… ههههههههههه
على قولة المغني ((خلني قد نسيت )) .. ههههههههه
السياره الي تندمت عليها
::
لومينا
موديل 2003 … شريتها سنة الـ 2007
العيب موب فالسياره … فالحرامي الي باعني السياره
.. الي هو ربيع ربيعي اسمعوا السالفه و اضحكو
انا شفت السياره نفسها عند الريال نفسه سنة الـ 2006 وكانت ماشيه 130,000 كيلو
وبعدها بسنه يعني في 2007 شفت السياره وكانت ماشيه 170,000 كيلو … و شريتها
يعني طبيعي في سنه تمشي 40,000 كيلو
المهم عقب ما شريت السياره و استخدمتها فتره … السياره قامت تخترب .. و من كراج لكراج … و تعرفون بعد الميكانيكيه الي هني اشطر من بعض … يعني حرام تأمنه على حاله موب على السياره
بالصدفه يوم يالس اتعبث فالسياره لقيت دفتر تشييك الوكاله …و اكتشفت المأساه
…
اخر سيرفس معمول للسياره في 2004 على 140,000 كيلو يعني في سنه ماشيه 140,000 كيلو (مئه و اربعون ألف كيلو)
و أنا شفت السياره في 2006 ماشيه 130,000 كيلو ؟؟؟؟!!!!!! كيف العداد ماشي يالعكس يعني !!!!!!
و الغريبه و انا اتبع السيرفس فدفتر التشييك انه تقريبا كل اسبوع أو 10 ايام السياره فالوكاله اما سيرفس 5000 أو 10,000
يعني السياره كانت تنكرف كراف … و تمشي مشي موب طبيعي …
الي بقوله ممكن تتخيلون كم منزل العداد
اذا في سنه ماشيه 140,000 … في ثلاث سنين كم مشت السياره ؟؟!!
يعني يوم شفتها انا في 2006 ماشيه 130,000
يعني الريال غشني هالحرامي ..
بس الواحد يتعلم .. و على قولتهم ما بتتعلم الا من مخباك …
ولي رجعه أكمل باقي الاحزان …. خخخخخخخخخخخخ
مع العلم اني لين الحين اشتري لومينا …. غرام
السلام عليكم ورحمة الله وبركاتة
موضوع جميل وتجارب تضحك و تبكي و تخليك تحمد ربك
أسوء سيارة أستخدمته في حياتي وكرتها وكرهة الساعة الا فكرة أشتريها هي
BMW 745 IL
موديل
2003
الأعطال
الصلي على سيدنا محمد ( علية الصلاة والسلام )
كل يوم خربانة كل يوم فطور غداء عشاء خربانة
آخر عطال المكينة وهي ما شية 23 الف بس وتصليحة كان 68 الف درهم
لان الوكالة ما تضمان السيارة في حالة سقوط الأمطار !!!! ليش
لان ألمانيا ما تسقط عندهم أمطار كل غبار وحار و رطوبة بس
وأحسن سيارة مرتاح منها جدا
وخدمة 6 سنوات ما شاء الله و العداد 170 الف وبدون صيانة ولا وكالة ولا بطيخ
هيونداي ألنترا
البطله أسمها ما شاء الله علية
عيوب الثبات على السرعات العالية تعبان و البريك لك علية شوي لكن أنا مغير السفايف على 90 الف قبل 3 سنوات
والسموحة