السلام عليكم ..
خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .
الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا
الموتر :
الموديل :
العيوب والمشاكل:
خلونا نشوف تفاعلكم وفتكم بعافيه ياقدعان
ياللي يقول الامريكي احسن بقوله يمكن الصيني بعده ابرك الامريكي بس شكل ومكينه سيفتي زيرو خاصه السيارات الخليجيه مايهتمون بالسيفتي ياللي فيها مستغلين اشيا وايده عدنا خذت كورفت اول ماطاح الشكل الاخير سويتبها حادث الشاصي الامامي راح الشاصي ياللي عند المكينه راح الشاصي ياللي ورا راح يعني من جدام مابقت غير المكينه هههه وباقي الاشيا اتوزعت في الشارع والخلف نفس الشي المهم الله يسلمني ذاك اليوم تدرون لو تشوفون شكل السياره مابتعرفون انها كورفت ولا كرولا كوبي وعقب هالشرح كله الايربااااق مانقع والمشاكل اللي عانيت فيها نفس اللي ذكروها الاخوان
وخذت رنج اسبورت وماقد اشتكيت منه بعطل او شي جي على اللي ياااه
واللي ندمت عليها نيسان بترول 2008 خذتها من الوكاله واليوم الثاني الصبح عايفنها سياره ثقيله مافيها عزم تعبانه مادري كيف الشباب مرتاحين بسواقتها غير ثابته مب مريحه بالمره بالخطوط
والسياره ياللي ندمت صدق صدق صدق عليها النيسان اليديد عقب مادفعت ذيج القيمه وشفت اعطالها قلت والله مايسوى عليه لو ماخذ الماني بالقيمه هاي والحمد الله غيرولي السياره عقب معاناااااااااااااه طويله وروحه ورده على فلان وعلان
اتمنى من الاخوان اللي عندهم مرشلاقو او قلاردو او فيراري يفيدونا بمشاركتهم لاني قريت المشاركات وماحصلت حد كاتب منهم واصحاب الالماني شكله مرتاحين ههههه ماشوف بعد حد كاتب فيهم الاغلبيه ياباني وامريكي او سيارات المانيه جديمه شكلهم امبسطين والله يدوم هالراحه
ياليت يالطيب ماتفتح علينا بيبان نحن في غنى عنها
لا ياخوي الخطــر إلي اقصده نيسان 93 هو إلي متعبني بالصناعيهـ وها شي طبيعي ومب متضايج منه
ولا الفتك نظيف استعمال حشيم مره ما اطلعه غير ويك اند
لارملهـ ولا استعمال ثقيل مدلعهـ واهتم به اكثر من ولدي لوول ماعندي ولد بس تشبيه بليغ افهمك
تحياتي
تلاحظون انه ماشتكيت من مواتري تعرفون ليش ؟؟ لاني انا احترم الموتر هههه يعني مالعن صيره … الحمد الله اسوق باحترام والموتر يوم تحترمه يحترمك ويحطك فوق راسه بعد ومكيفه يبرد زياده في الصيف عشانك ههههههههه
كلامك صحيح اخوي وانا مجرب هههه
ماعليك زود وانا اتفق وياك كلامك مع احترامي للجميع انا هوب محب كبير للسيارات الامريكيه
صح في سيارات زينه لكن مافي اهتمام الا في المحركات اما اهتمام داخلي
في السيارات ماشي عكس الالماني اهتماهم خارجي وداخلي يعني لو نقارن الالماني بالامريكي
والياباني – الالماني في الاعلى بدون منازع لانهم سيارات اقرب للكمال
والكامل الله ..