السلام عليكم ..
خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .
الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا
الموتر :
الموديل :
العيوب والمشاكل:
خلونا نشوف تفاعلكم وفتكم بعافيه ياقدعان
والله اللي يقرا ردودكم بيحرم يشتري موتر هههههههههه
بس انتو تتكلمون عن المستعملات وانا افضل نتكلم عن الوكالة،، موتر يديد بقراطيسه ليش فيه عيوب!
مانعرف وين ندق براسنا موتر رخيص ماينفع وموتر غالي تتغصص فيه ان اخترب
خلوها على الله وانا ماصدق حد يمدح موتره لان ماشي موتر صاحي 100%
بس شي ناس مايرضون ع مواترهم لا والغصه يوم يركبون وياك يطلعون عيوب موترك ويوم تركب وياهم صمن بكمن هههههه
هاييل حريم وجي عاد انتو اظني هالحركات اقوى عندكم والله موتره مصبوغ من الطرف بس مايقول كاك
نيسان بترول اليديدة 400 حصان
لقناه فالبر …اول يومين فالبر مشى حاله وما اشتكى
فاليوم الثالث اللي هو بعد اسبوع …
قام يقرقع ..
ويوم سرنا والوكالة على اساس عليها ضمان ..قالوا الضمان لا يشمل هالشي ..لأنه سوء استخدام
بنصلحه لك لكن بفلوسك ..
موووول تعاملهم مب شي ..
النيسان + التويوتا ..تعاملهم …………………….(( لا تعليق عليه ))
وبعنا الموتر بعد ما صلحناه ..وافتكينا منه ..
على فكرة شباب ..العيب مب من الوكالة ..العيب من المصنع نفسه ..
وشي واحد لا تنسونه ..
الدفعات الجديدة من السيارات ..فيها أعطال وعيوب ..ويصلحون هالأعطال والعيوب فالدفعات اللي بعدها ..
الدفعات الجديدة أقصد فيها : سيارة قديمة غيروها بالكامل او طرح اي سيارة جديدة…النيسان بترول على سبيل المثال ..
كرايسلر ستراتوس
اول 3 سنوات ممتازه وما فيه احسن منها وما تصرف بترول ابد ومكينتها ما تنسمع وهي شغاله
ولكن لما دخلت السنه الرابعه قامت الحراره تلعب دورها ولعوزتني وايد
كامري 2003
والله انها سياره مال مكده وتمت عندي سبع سنوات واحسن موقف صار لي بالكامري قبل كم سنه لما غرقت صناعية الشارجه بالامطار قمت اخطف على اللوادم وهم وحليلهم يالسين بمواترهم بتريون حد ينقذهم شيء اسمه مرسدس لازم تحصله واقف بالماي وما يطيع يشتغل حتى البيكبات لكبار ما سلمت بس غريبه والله ما بندت علي بالرغم انه الماي كان وايد مرتفع
تندرا 2007
ما عليها كلام ابصراحه ممتازه جدا مكينتها قويه ومستحيل ابيعها
نيسان اكستيرا
خذيتها من الوكاله 2010 بس لاحضت فيها عيوب مصنعيه مثل القزوز مب مرصوص البراغي متبطله والباور ستيريج يثجل لما تلف السكان بالرغم انه فيه آيل المكيف وايد يقطر ماي من تحت عكس التندرا لو تيلس ساعه كامله واقف بنفس والمكان وانت مشغل المكيف ما تحصل قطره وحده تحت السياره
وشكرا لكم
انا خذت لاند روفر دفندر مديل 86 اباه حق البر اوني ,, من مشكلة لين مشكلة ,, كل يوم يطلع لي بمصيبة ,, مرة السيور و مرة واير الريس و مرة كراسي المكينة و الجير بعد ودع ,, خته ب 8 و عقيت عليه يمكن 12 تصليح و قطع غيار ,,
اخر شي ركبت مكينة لكزس و كديته كد ما قمت اشتكي الا من الكهربا الي كانت كها شغل تفصيل ههههه
اتوقع انك مركب تجاري ولا السفايف تطلب الرحمه ونت مب مبدلها هههههه
انا ازخ بريك على سرعة 200 وطالع ومايخون فيني شرط انه الدرامات اصليه عساس تتحمل الحراره
اخس موتر بحياتي اللكزس 94 من عيوبه كمبيوتره دومه يضرب وكان وايد يكلف على ايامه طبعا قبل 5 سنين تقريبا من 90 لين 94 معروفين مافيهم خير
وبعدها خذت فولكس واجن.. .. عيوبها… الكمبريسر وايد يخترب… السلندرات وايد تخترب…. يعني لازم احطلي مكاين فالبيت اسبير
عقبها جمس سوبر 2006 كان دومه يرفع حراره فالبر ويشرب بترول بلا رحمه والقير يشكل مرات يرد غيار على كيفه بس من ناحية الراحه ولا اروووع اييب النوم