السلام عليكم ..
خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .
الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا
الموتر :
الموديل :
العيوب والمشاكل:
خلونا نشوف تفاعلكم وفتكم بعافيه ياقدعان
متـــــــــــــــااابـع ..
ومنكم نستفيــــــــــد
بصراحه من ناحيتي انا استخدمت تقريبا كل انواع السيارات والحينه عندي رنج سبورت 2006 سوبر شارج ماخليت دار مارحته بس ابدل فيه سفايف واشياء استهلاكية والسيارة من ثلاث سنين عندي وانا الحمدلله ماشتكيت منه في شي وعلى فكره راعي الوكالة قالي السوبر شارج لاترحمه عليك انك بس ادوسه يعني العن خامس خيره وانا مشيت على رمسته والحمدلله كلامه كله صدق وانا بصراحه احلى موتر في حياتي استخدمته رنج سبورت وان شاءالله راح اتريه اليديد عشان اكشبه من الوكالة بعد الرنح مافي بصراحه وعندي انا نيسان بترول 2006 رقم واحد وهم بعد الحمدلله بعد اللعان مافيه حيله بس يخترب اوقات عندي اشياء بسيطه وحق الرمله ملك العراقيب خخخخخخخخخ
الحمدلله انا استخدمت كذا سيارة ماشتكيت منها استيشن لكزس موديل 98 واستيشن فول ابشن موديل 99 ونيسان ترول موديل 97 و94 ولكزس صالون موديل 92 و91 2004 الترا واستيشن لكزس 2010 بس بريكه زباله واستهالك كبير في السفايف وهب ثابته على الخط تلعب بعد سرعة 180 واستيشن موديل 2009 وهم تلعب على اللفات والمنعطفات وسفايف واستخدمت سيارات والله بس ماذكرها
والسموحه لاني طولت عليكم
[quote=*بوظبي*;5650598]السلام عليكم موضوعك قمة في الروعة اخوي عتيم وعندي اقتراح ليش ما تكون اسوء سياره مرت بحياتي واحسن سياره
/quote]
الموضوع ياطويل العمره اعتبره موضوعك واكتب اللي تباه فيه في شباب ماقصروا كتبو تجربتهم
ويا السيارات كلها وفي اللي اكتفى باسوء موتر مره عليه
متابعه دائمة للموظوع حتى بعد المشاركه ^^
انا جربت مجموعة سيارات
بي ام 540 2001
خرابات كهرباء كثيرة
هوندا اكورد 2003
سيتات مو مريحه كلش
بعدها ميركوري ماركيز
سيارة عملية جدا ومناسبة لجوونا عيبها عزم تعبان وتفتقد المواصفات يعني كنك راكب 1995
كابرس اس اس 2006
لاتعليق يمسك السيارة ولا فرامل زينة وبسرعه تغير السفايف او الفحمات ودركسونه كبير
ماكسيما 2004
مشاكل كهرباء وسيارة تتفكك
تاهو 2007
عملية جداً ومن افضل السيارات بس الاهم تكون وكالة
انفنتي جي35 2008
قوية بس عيبها السفايف بسرعه تنتهي
مرسيدس اي كلاس 280 2006
ممتازة ولكن يعيب المرسيدس ارتفاع تكاليف الصيانة
موستنج 2005
من افضل السيارات وامتعها قيادة بس عيبها كراسيها شوي حارة وتانكي البنزين شوي صغير
حالياً تواجه صناعة السيارات منافسة شديدة ولكن حسب رأي النقاد تدنى مستوى الجودة مع ارتفاع ملحوظ للاسعار في الصيانة . واللي يقول امريكي وياباني والماني احب انبهه لنقطة مهمة وهي العيوب المصنعية يعني لما تقول سيارة مثلا يابانية يجب ان تعرف نسبة العيوب المصنعية فيها . والالماني والامريكي والياباني كلها ضمن درجات متعددة ممكن تشتري من نفس البلد سيارة 4 اضعاف الاخرى .
ومشكور ياعتيم على الموضوع الهادف .