السلام عليكم ..

خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .

الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا

الموتر :
الموديل :
العيوب والمشاكل:

خلونا نشوف تفاعلكم وفتكم بعافيه ياقدعان

99 thoughts on “موضوع للنقاش || سياره ندمت انك اشتريتها !!!”

  1. هذا أكيد من سوء استخدام اخوك كما ذكرت ..

    ريس كامل + تخمس فيه لازم بيخترب ..

    عندك مورشلاقو تبا تدخله البر ..؟
    ما يصير ..

    السيارة كانت عندنا ولله الحمد ما اشتكينا منها أبداً ..وصيانة الوكيل أحلى ما يكون

    هههههههــ.. تبا الصراحه اشتكينا منه وايد .. بس صيانته مثل ماقلت احلى مايكوون ..
    (( والمشكله العووود هذا ماترووم تقوله خف رييلك )) ههههههه

    بس مشكله سير المكينه يروح .. مرتين بدله .. والسياره يوم انباعة ماشيه 9000كم .. والهيدروليك راح من وقفتها .. كلمة سنه وشهرين وهيدروليكها مرتفع لين يناها وحصلناها طايحه من يدام خخخـ، ..

    و الـsv .. مااافيها عيوووب ابببد .. معدلين عيوبها .. ووصدق موتر .

  2. الموتر جمس سيرا
    الموديل :96
    العيوب والمشاكل: السيارة نظيفة وحلوة

    بس رقعها ولد يرانا بعين وماعينت خير هالسيارة

    حتى يوم بعتها احترقت عند راعيها اليديد

    اشوى ياخويه انها مااحترقت عندك

  3. السلام عليكم و رحمة الله و بركاته

    لومينا ss 2002
    1 – القير دومه يخترب .
    2- الكوالتي رديأ

    تويوتا تندرا 2008

    1- قطع غيار ماشي
    2- الفطيم و دينا تريد يوم يشوف الموتر يرفع يده و يقول مب لي

    اودي a8 2006

    1- قطع غيار ضوووو

  4. ديهاتسو سيريون موديل 2006 سعرها مناسب بس سعر قطع غيارها اتقول قطع غيار المرسيدس ههههههههههههه وسعرها يطيح وقت البيع ….

Comments are closed.