السلام عليكم ..
خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .
الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا
الموتر :
الموديل :
العيوب والمشاكل:
خلونا نشوف تفاعلكم وفتكم بعافيه ياقدعان
اروع موضوع من عرفت المنتدى
لله درك ضربة معلم تشكر عليها
اول سيارة بي ام 730 موديل 92 بصراحة اول موتر لازم تحبه ولو انه عذبني خرابات وما انكر سواقته ممتعه
ثاني موتر بي ام 740 موديل 99 بصراحة ثبات لابعد الحدود سواقة من احلى ما يكون لكن عذبني خرابات بدلت قير ومكينة لكن اذا عرف السبب بطل العجب انا ريلي ثقيييلة وايد خصوصا توني يديد ع السواقة واحاول اثبت للناس اني محترف سواقة … المهم الموتر حساس
ثالث موتر مرسيدس اس 500 موديل 2002 استخدمته فترة 4 شهور تصدقون سواقته ابدا ما عجبتني ومالحقت اصلح فيه شي
رابع موتر بي ام الحوت موديل 2002 السنة الاولى احلى سنة بصراحة اكثر موتر تتمتع بسواقته وثباته وفخامته عجيبة بس السنة الثانية من خراب لخراب
خامس موتر لكزس 430 موديل 2004 خليجي استخدمته سنة ونص سواقته عادية وثباته عادي واحلى شي فيه قلة الاعطال ما بدلت غير القطع الاسهلاكية موتر عملي جدا
وفيه كذا سيارة استخدمتها من اسبوعين الى شهر ولا سيارة تمت في بالي غير انفنتي جي35 موديل 2007 بصراحة سواقة ممتعه وثبات ممتاز
واسمحولي طولت
كل شوي ادخل اجيك شالجديد بصراحه حماااس
السلام عليكم ورحمة الله وبركاته
مشكور اخويه عالموضوع الي الكل استفاد منه
اول سياره خذتها نيسان فتك 2005 مونر حلو وقوي فالبر ومافيه خرابات اذا ما لعبت فيه يعني اذا ما زودته هذا من غير التقرقيع والبدي الي لازم اتشده كل سنه
ثاني سياره كورفت z06 2008 موتر ولا اروع فالسواقه والقوه ولين اليوم اتمنى اخذ واحد ثاني اما الكوالتي والتجهيزات داخل الموتر اقولكم بصراحه صفر على الشمال اذا بتقارنه بالبورش او الجي تي اليديد او اي موتر سبورت ومشاكل ابد ما فيه كنت عاطنه حقه وزياده وراح فحادث والله سلمني الحمد الله البدي طبعا ما يحتاي اوصف لان مافي بدي ما تم غير المكينه والايرباق طلع لاني رابط الحزام والله يسلمكم من الحوادث ان شاء الله
ثالث موتر استيشن 2010 vxr موتر حلو ومريح وحق استخدام وكراف ما يعول تراه بس مشكلته الثبات شوي والبريك ابد ما ينفع بريكه
رابع موتر جمس سييرا 2007 عليه مكينه 6 ليتر وقير هفي ديوتي موتر مريح وروعه فالسواقه موتر خرشه ولعب وفالبر ما يردك ولين اليوم الحمد الله مافيه مشاكل
والسموحه على الاطاله
تسلم ياعتيييم ع الموضووع الطيب .. مبرووووكـ ع التثبيييت .^^.
السلام عليكم .
اخواني واخواتي بعطيكم بعض من التجاربي من 95 لين 2011 تقريباا خت حوالي 25 سياره
اسوا السيارات الي ختهم 1- بي ام 740 موديل 2000 تخترب بدون سبب ؟ ؟؟؟؟
2- بيجو موديل 2001 بس تمت 3 شهور وبعتها
3- رنج فوج موديل 2003 في البدايه ماعليها كلام بس بعد ماكملت سنه قامت تكح مره هيدروليك مره مكيف بدقولون سواقتك شديدة بالعكس ادلعها اخر دلع ولاكن الحظ بس هي سياره بشكل عام زينه
4- العيب هاي المره مني مو من السياره كان عندي كومارو موديل 92 مشترنه ب 11 الف و مرتاح منها ومبصوط سنتين بس كانت عندي سياره غيرها ليييييين مايوني الشياطين وقالولي ( تزويييد ) وقمت ويبت مكينه من امريكا وقير ودفريشن وتواير المهم كلفني حوالي 130 الف ولا قدرت اسوقها في الشارع وحراره وكل يوم الكراج لييين مانصبت خيمه في الصناعيه واخر شي قالي واحد من الشياطين بس 1200 خليها hp1600 (غاز) وبعدها دقت المكينه وبعت السامان 35 الف وشليت الخيمه من الصناعية بعد مرور سنتين معسكر في الصناعية ويا المهنده.
5- اودي كيو7 موديل 2008 ماتصدقون دقت المكينه وهي ماشيه 20 الف بس وتمت شهرين في الوكاله وبعتها علي طول
6- والاخيره ( جي 55) 2006 سامحوني اصحاب الجي بنحط عليها شوي. موتر شخصيه علي الاخر وعزم وهيبه بس المكيف ماشي دفع في الهوي وجامبيلات حصه شوي ويبلي دسك والقير حاكر وبعد ماشتريتها اكتشفت انها 4 غيار ومن بعيد تشوفها لندروفر دان دان بس بصراحه بعدني مشتاقلها
وافضل سيارات الي ما شفت شكل المكينه الا مغيرت البطاريه بعد اربع سنين (لكزس) من ختها من الوكاله سنه 2005 لين الحين ماعرف شكل الصناعيه والمكسيما 99 من ختها من الوكاله لين مابعتها سنه 2004 وندمت اني بعتها
و الافجي ماعرف شكل الصيف في الامارات من برودة المكيف ماشالله عليها وماعرف شكل الصناعيه
وسموحة من كم
مافي سياره مثل الاس ال آر
..
ههههـ تحمس رااعي الفراري .. بس يالله فالألمنيوم ولاا فيه
..
لااا يااابويه غير هذاك الاسود .. الابيض الي تطريه 2008اعتقد .. هذا يديد فالساحه ..
أمس شفته عند فلل المارينا .هههه. ييت بقاااشره بس ماطاع … هههـ..
الله يستر عليهم الربع .. مايتفاهموون جي55 وبورشات يزودوونهم ع قوتهن