السلام عليكم ..

خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .

الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا

الموتر :
الموديل :
العيوب والمشاكل:

خلونا نشوف تفاعلكم وفتكم بعافيه ياقدعان

99 thoughts on “موضوع للنقاش || سياره ندمت انك اشتريتها !!!”

  2. الصــراحهـ موضوع جميل و ممتعـ
    و أشكر اللي قام بطرح هذا الموضوع
    عسب الكل يستفيد
    و كل واحـــد يعرضلنا تجربتهـ في السيارات

    و في انتظار المزيد

  3. شباب الي عنده جي تي ار 35 يفيدنا بتجربته لو سمحتوا

    من ناحية القوة قوية ..

    ومن ناحية الشكل حلوة

    ومن ناحية المقصورة الداخلية ..كل شي موجود عندك بالشاشة ..

    والسيارة تقبل التزويد ..

  4. الموتر :cl500
    الموديل :2005
    العيوب والمشاكل:

    اول بادي اول سياره في عمري اخذها صالوووون وكنت اداوم في الغربيه خطوط يعني صح سياره ما فيها حيله بس ندمت على الخطوووط وفي مشكله ثانيه ( قنبله ) بنسبه لي

    المشكله الاكبر ماخذ السياره عن دكتور فالجامعه السياره ماشيه 6000 تقريبا السياره وار المانيا يوم جيكت فالوكاله السياره هب مسرووووقه وسعر ولا اروع كان الكلام في 2006 والسياره موديل 2005 المهم بعد ماكملت عندي 6 شهور قلت بابيع وانا كنت هب خسران فالسياره يابتلي قيمه ياني ريال من دبي بيشتري السياره وسفرت السياره من العين لين دبي ويوم فحصووووو السياره قالولي يبون قياسات الشاصي من الوكاله هني انا تروعت والريال الي بياخذ السياره حتى قالي ما يباها وانا قلت افااااا والله رديت العين وثاني يوم فحصتها وادنوك ما قالوووولي شي تمت في حلجي السياره ..

    المهم رديت الوكاله قالولي مافيها شي قالي ريال اطلب مفتاح ثاني وشوووف اذا شغل السياره يعني مافيها شي قلت بعدني اتريااا شهر خبرت ريال فالموضووووع قالي عطني رقم الشاصي يوم عطيته شووووو طلع

    طبعا لون السياره كان كحلي غامج ومن الداخل هليوس شووو رد عليا الريال

    طلع لون السياره احمر ومن الداخل اسود كيف مضروب رقم الشاصي على سياره مكنسله

    طبعاً شربتها وبعت السياره بخساره هذا الي ياخذ الماني الواحد لازم يرد على المنصع الريال جيك السياره فالمصنع ولي خذ السياره خبرته فالموضوع الريال من قطر الي خذها حرام اغش الريال ..

    والسموحه اني طولت عليكم

    الموتر ماعليه كلام بس اللي استوى فيك والله ماينسكت هذا دكتور انسان متعلم ويغش ؟ اتحداه لو في
    بلاده يسوي هالشيء لكن الامارات بلاد الحريه وكل شيء مباح و يستوي الله المستعان

Comments are closed.