السلام عليكم ..
خلونا نكسر الروتين في هالقسم اللي كله بيع وشرا ونتنقاش في موضوع تفيد فيه
وتستفيد منه . .
الاغلب اكيد كل مقالب من موتر خذاه وخلاف تندم عليه ماناسبه ولا مشاكله وايد
كل واحد يذكر لنا
الموتر :
الموديل :
العيوب والمشاكل:
خلونا نشوف تفاعلكم وفتكم بعافيه ياقدعان
تسلم يا عتيم على الطرح الطيب .. وماقصرت ياخوي .. ودومك مبدع ومميز
وترا حالتي انا مثل تاجر ظبياني ..
تلاقيت ويا ريال و وثقت فيه وكل شي .. وقلت ما بفحص الموتر وخذته عنه
كان لكزس جي اس 300 موديل 1998 بس والله هلكني وخذته بـ25 الف وما كان ماشي وايد
ومبين انه نظيف وكل شي
ودفعت عليه صيانه قريب ال4000 درهم ..
تواير ورنقات 2500 درهم ..
جناح وترتيب الصبغه 550 درهم ..
وعقب يومين دقت المكينه وبدلتها كامل بـ 2900 درهم ..
وعقبها قام القير يليك وياي .. وعدلته ودفعت عليه 600 وخرده ..
وميزانية رود ودفعوني 250 درهم ..
وليتاتها اختربت وبدلتها بـ 1000 درهم بس الي جدام ..
يعني خذتها ب25 الف ودافع فيها فوق ال12 الف درهم ( والي بدلته وذكرته كتبته لكم غير الي ناسنه )
وآخرتها ما كملت وياي شهرين وبعتها لواحد من الفجيره ..
وطلع الموتر مدعوم من ورا وجدام وجهة اليمين .. ورايح فيها ومعدل اي كلااااام ><“
وبعته بـ23 والحمدلله انه ياب هالقيمه لانه كان عله ع قلبي وفقرني من الخاااطر
الله يعوضك ان شاء الله بس صدق قهر !!!!
انا استوالي نفس الموقف من واحد شكله مطوع و بوعيال .. ^_^
حسيت اني غبي
موضوع جدا ممتاز و يستاهل النقاش
اه يا قلبي ع سالفتي
الكلام هذا كان سنه 2008
نوع السياره :- مرسيدس اس ال 55 ديزاينو موديل 2005 و كانت طالعه من الضمان
اشتريتها في شهر رمضان قبل العيد ب ثلالث ايام
اشتريتها من راعيها ومافحصتها لاني وثقت فيه لانه راعي لحيه و توه طالع من صلاه التراويح
ما طاع ينزلني درهم و احد كان طالب فيها 280 الف و دفته المبلغ كاش
المهم بعد استخدامي لها 3 ايام قامت تقطع و اطلع دخان و القير يليك ايل
مت من القهر قمت و اتصلت فيه , و رد علي كل برود :- أخوي انا سلمتك السياره م افيها شي و كانت غلطتك انته الي مافحصتها قبل لا تشتريها ,,,,,,, والحين انا في اجازه و مسافر لا ترجع كل اشوي تتصل (اوبس)
المهم وديتها الكراج و قالولي كالاتي :-
يبالها تبديل نص مكينه و قير كامل و بعض الاشياء الكهربائيه
يعني اجمالي المبلغ بعد الخصم 80 الف درهم لاااااااااا و ازيدكم بعد طلع الشتري خربان و دفعوني عليه 8000 بعد
المهم السياره كلها عله بعضها تمت عندي شهرين 3 ايام استخدام و 57 يوم فالكراج
و سيدا بعتها عالمعارض ب 200 الف يعني اجمالي الخساير 168 الف خلال شهرين
عن نفسي في مواتر تعبتني بس مب متندم ..
لنه الحياه تجارب ..
و الواحد لو ما تستويله الخايسه ما يحس بنعمه المواتر الصاحيه ههههه
فالنهايه الدنيا بخير والحياه مستمره ..
للكزس 400
1- البريك مالها خايس وتعبان
2- ما فيها سيفتي انفجر علي التاير على سرعة 160 وسياره استوت تقول قوطي بيبسي والحمدالله كنت لابس حزام وله زماني رحت فيها …
وحرمت من بعدها استعمل الياباني الالماني وبس …