موضوع للنقاش في شخص مشتري سيارة استيشن 2010

9 thoughts on “موضوع للنقاش في شخص مشتري سيارة استيشن 2010”

1. الموضوع كالاتي
   شخص عند سياره ولا يعرف متى يبدل اويل السيارة
   ولا يعرف يبنشر السياره وكيف طريقه تبطيل التاير
   والله ان هذا استواء جدامي وحاط هالموضوع نقاش ليستفيد غيري

   السلام عليك ،، ماظن ان اللي تقصدة ذكر اتوقع انثى واعتبره شي طبيعي
   

2. انا اقول يستخدم المترو احسن …ويريح عمره من السيارة وبلاويها …هذا اذا بنشر ما يعرف

   كم وكم بيتعلم ..لو تعلق ف عرقوب شوه بيسوي …لو طاح ف وحل …يعني يتصل ف الدفاع المدني مثلا

   بالتوفيق ..

3. اسمع انت والله صدقه اخوي حكومة بوظبي .. وااابوي عليه هذا ماخذ سيكل ولا سياره

   مايعرف متى يبدل الايل؟؟ ولا يعرف ينزل التاير ويبدله .. ما اقوله الا ما شاء الله عليك ..

   تعلم اخير لك ترا محد بيفيدك عقب .. وعن الايل مثل ما قالو الاخوان معروف على كل 5 الاف كيلومتر
   او 10 الاف كيلومتر وعلى حسب نوعه .. اما لو مايعرف شو يعني ايل و وين مكانه هذا خله يبيع موتره احسن هههه

4. دفتر السياره الي موجود ف السده شو فايدته؟؟؟

   فيه كل التعليماات من أول برغي لين آخر برغي ف السياره

   والموقف الي صار لأخوي فوق صارلي نفسه
   ومن بعدها تعلمت اني اخلي دفتر السياره دوم موجود فيها
   لان البعض ينزله ويفره ف البيت

   موفق بإذن الله … لك مني أجمل تحية .

5. وااااااااااااااابوي انااا ,, هذا ماخذ سياره ولاا سيكل ,,

   انا بصراحه استوالي موقف بالتندرا وكرهت عمري ,, بنجر عليه التاير فالمزرعه فسويحان ,, يت ابا انزل السبير ماعرفت .!!

   يا كذا واحد وحاول يساعدني ,, دقيت حق كل الشباب ,, محد عرف كيف ينزل التاير .!!

   تخيل من الساعه 4 لين 7ونص وانا احاول انزل التاير ادور مكان هب عارف كيف ,, بطلت الرقم نزلت تحت دورت من تحت الكريل ماشي فايده

   اخر شي يا واحد يزاه الله الف خير وشليت التاير وياه وديته سويحان وبدلت الابره ورديت وركبت التاير ورديت العين ,,

   بخصوص الايل ,, معروووف بشكل عام الايل كل 5000 كيلوو او 10000 ع حسب الايل

   واذا الواحد مايعرف فهذه مصيبه واذا مايعرف شو الايل اصلا فالمصيبه اعظم ,, وبعدين الموتر يديد 2010 يعني كل 5000 كيلو يوديها الوكاله ويفك عمره

Comments are closed.