– كثير منا يرى مواضيع التهنئه والتبريكات، والاعضاء يتسابقون لتهنئه المشرف الفلاني على الاشراف على قسم من اقسام المنتدى ؟
– لكن هل سئل المشرف نفسه ماهي الفائده التي يحصل عليها من الاشراف ؟؟؟
– شخصيا احس المشرف يقضي ساعات طويله امام شاشه الكمبيوتر يتابع ويراقب المنتدى … من غير فائده شخصيه له…. لانه بكل اختصار قاعد يحرق ساعات ثمينه يمكن يستغلها في شي له فايده له ولاهله ؟
– يعني لو يستثمر وقته في شي بدل مقابله الشاشه ، والامراض النفسيه الي تسببها مثل الانطوائيه ؟
– انا ادري في ناس بيحتجون على وجهه نظري وبيقولن ان الاشراف له فايده كبيره ومنها الاطلاع والمعلومات ومعرفه الاعضاء … الخ … الخ ؟؟؟
– بس ياريت اكون غلطان ويقولي احد من الاخوان المشرفين او المشرفين السابقين شو الفايده الي لقوها ؟؟؟
– بالعكس موضوع واقعي جدا بس يمكن غفلانين عنه …
– انتي تدرين كم ساعه يقضيها المشرف كل يوم في المنتدى… ؟؟؟
– انا احس ثلاث ارباع يومه يقضيه على النت … يحل مشاكل الاعضاء … يدمج الموضوع مع موضوع ثاني … ينقل الموضوع من قسم الي قسم … يعني شغله … وساعات تضيع وتنحرق على الفاضي .. حتى يمكن تصيبه اامراض نفسيه .. وظهره وعيونه تتاثر من كثر القعده على الكمبيوتر …….
– خاصه اذا كان المنتدى نشيط وفيه اعضاء كثيرين ……..
وفي المقابل ماشي فايده له شخصيه …….. غير انه يشبع رغبته في أ نه يكون مسؤول
فأنا اقترح يعطونهم رواتب او اسهم في المنتدى
__________________
نفس السؤااال اللي دووم يدوور فبالي .. شو الفايدة؟؟…
خلا ص ولا يهمك لا أنا ولا انت ولا الهايم79 راح نصييير مشرفين
__________________
موضوع غريب
بالنسبه لي ما عندي اي مشكله ..قبل فتره كان عندي منتديين ..بس الحين بندت واحد و خليت واحد
كنت انسانه فاضيه ماعرف شو اسوي اربع و عشرين ساعه مجابله النت
على الاقل طلعنا منها بفايده ..تثقفنا و تعرفنا على اوادم و يمعنا بيزات < < كنت اتاجر ..فيلستي على النت اصلا بفايده بس الحين اداوم و بدرس في الصيف يعني ما عندي وقت حق مجابل المنتديات ..بس البركه في المشرفات …و اطل عليهم من وقت لين وقت منتداي في الوقت الحالي ماله اي فايده ماديه…بس فايده معنويه ان ملتقى للبنات < < لان نسائي بس مع الوقت بنشوووووووف
أنا مب مشرف ولا أحب أكون
لأني ما أعرف شو الفايده ولا أريد أكون ذو مسؤوليه
يعني ما أحب المناصب لأنها من وجهت نظري تتعب
الواحد وترهقه
والسموحه وهذي وجهت نظري
والسموحه مره ثانيه