– كثير منا يرى مواضيع التهنئه والتبريكات، والاعضاء يتسابقون لتهنئه المشرف الفلاني على الاشراف على قسم من اقسام المنتدى ؟
– لكن هل سئل المشرف نفسه ماهي الفائده التي يحصل عليها من الاشراف ؟؟؟
– شخصيا احس المشرف يقضي ساعات طويله امام شاشه الكمبيوتر يتابع ويراقب المنتدى … من غير فائده شخصيه له…. لانه بكل اختصار قاعد يحرق ساعات ثمينه يمكن يستغلها في شي له فايده له ولاهله ؟
– يعني لو يستثمر وقته في شي بدل مقابله الشاشه ، والامراض النفسيه الي تسببها مثل الانطوائيه ؟
– انا ادري في ناس بيحتجون على وجهه نظري وبيقولن ان الاشراف له فايده كبيره ومنها الاطلاع والمعلومات ومعرفه الاعضاء … الخ … الخ ؟؟؟
– بس ياريت اكون غلطان ويقولي احد من الاخوان المشرفين او المشرفين السابقين شو الفايده الي لقوها ؟؟؟
وعليكم السلام ورحمة الله
ارجو ان يجد ردي سعة صدرك
المنتدى من غير مشرفين من الافضل ان يتم اغلاقه فوراً
فالمشرف هو المنتدى والمنتدى هو المشرف .. وقبولك للاشراف هو موافقتك على استمرارية المكان الذي تقضي فيه وقت فراغك مع اخوانك الاعضاء
منتدى الامارات للاوارق الماليه يختلف عن باقي المنتديات بـ نوعية الاعضاء المشاركين فيه
90% منهم فوق 26 سنه فالمشرف هنا مسؤول عن ما يكتبه رجال وليس اطفال
والمنتدى هذا بشكل خاص يحبه الكثير من الاعضاء والزوار ولا يستطيعون الاستغناء عنه وانا منهم
والكثير من الاعضاء والمشرفين عملهم وحياتهم وتجارتهم واستثماراتهم مرتبطه بالمنتدى
حبي لهذا المكان والفتره الي قضيتها بهذا الصرح والفائده الي جنيتها من هذا المنتدى كثيره جداً
لانتظر الاجر المادي فاشرافنا ومراقبتنا للاقسام هذا حب لمنتدانا .
كل مايخطر في بالك بتحصله بالمنتدى .
والمنتدى ليس مضيعه للوقت .
بالعكس انا اتعلمت اشياء وايده وتعتبر من الايجابيات الي ذكرتها الاخت حور
وهي اهم الايجابيات وهي روح الاخوه .
والمواضيع الي تطرح .
الي بغيت اقوله :
انا وجودي على الانترنت هو المنتدى .
مادخل المواقع الثانيه الا نادر واذا بغيت شي
يعني مادخل مكان . لما ادخل الانترنت ادخل المنتدى
اشوف الاقسام الي انا مشرف عليها في بداية دخولي للمنتدى
اقوم بالتعديل اذا كان يوجد شي يجب التعديل عليه
واذا مافي شي اتصفح المنتدى .
وانا من النوع الي مرتب اولوياتي ومرتب حياتي ومرتب وقتي
واخيراً اتشرف باني احد منتسبي منتدى الامارات للاوراق الماليه