موضوع مهم يأثر على المستهلك يرجى من الكل الدخول ,,

الصراحه شي ضاهره منتشره هالايام وحبيت آخذ رايكم فيها ومابا حد يتحسس من الموضوع ,, واتمنى من الادراه اذا شافت اي شي يخرج عن النص انه تحذف الموضوع ,, لان مالنا خلق للكلام الفاضي ..

هالضاهره بالمره مش حظاريه ,, ان الواحد يحجز دور ويسير يبيعه مثل: السيارات كأخص وكل شي مثل شراء البيوت والفلل واي شي من ها النوع,,

شو ذنب اللي صدق يبا يشتري ,, والله محد رفع اسعار البضايع غير اللي هب جادين فالشراء من كثر الطلب من صوبهم وخلاف الغير يتوهقون ,, بس ذنبه انه يبا سياره مش متوفره وهو خاطره فيها وبعدين الواحد لانه محتاي او مستعيل يدور اسهل طريقه انه يحصل اي نوع من البظاعه اللي يريدها بانه يدفع اكثر على ولا شي اللي هو (الدور),,

ومن وجهة نظري مايصير هالشي وانا مابحرم هالشي لاني هب رب العالمين وماعرف شو الحكم فيه ,, بس اللي اقدر اقوله ان هاذا استغلال ..

في ذمتكم حد يرضى انه يستغل اخوه وياره ربيعه ابوه وولد بلاده ؟؟

ياخواني اذا الواحد بيتاجر يتاجر بطرق ثانيه ,, هب على حساب الناس والله مش حلوه ,, فحق شعب مطور وقاعد يتطور .. صارت الماده اكثر هم الناس هالايام .. وماتهمهم مصلحه الناس.. صح ان الواحد يبا يزيد رزقه ,, لكن مش بهالطريقه يا اخواني ولا شورايكم ..

والسموحه انا ماخص حد بهاذي الرمسه بس عسبت اتعم الفايده للكل ..

يلله ابا اراءكم واذا انا كلامي غلط ابا اعرف .. لان كل هاذا مجر رأي لا أكثر ولا اقل ..

والله يوفقكم انشالله واتمنى ما يكون كلامي فيه شي غلط او مضايقات ..

السلام عليكم ورحمه الله وبركاته ..