انا اكتب هالموضوع مب عسب استشيركم ولاعسب تخبروني رايكم ولا عسب اتساعدوني بخبرتكم بس عسب محد يغلط وياخذ نيسان 2010
انا خذت نيسان موديل 2011 قبل العيد بكم يوم ومن اليوم الثاني اكتشفت انه في السياره قطعه وسيده كلمت الوكاله وقالولي هاي المشكله عادي وبسيطه وهي مب مشكله بس يبالها برمجه كمبيوتر ووديتها تجييكه الالف كيلو وقالو بتوقف السياره كم يوم بس المهم شليت السياره تقريبا الساعه سبع وجربتها ومابين فيها شي والساعه سبع ونص ردت نفس المشكله والعن المهم الورشه سكرت ذيج الحزه والوكاله اجزت اجازة العيد المهم وفي فترة العيد قلت بجرب ادعس بالسياره بشوف عزمها وسرعت فيها 200 المهم اول ماشليت ريلي عن الريس لفت السياره مره وحده عليه زين الله ستر وماسويت حادث وعقبها بيوم قبل ماركب السياره شفت صوب الخزان وين يتعبا البترول في كمية بترول طالعه ومسحتها قلت يمكن مال الشيشه نسى يسكر الغطا وبعدها بيوم شفت نفس الشغله البترووووووووووووووووووووووووووووووول يطلع من الخزان المهم اول مافتحت الوكاله عقب العيد سرتلهم واحتشرت عليهم قالو عادي عادي بس تقدر توقفها كم يوم قلتلهم اوكي بس تحلولي هالمشاكل كلها سرت ورديت بعد اربع ايام وقتلهم عدلتو السياره تدرون شو قالو قالي السياره مافيهااااا شي قتله كيف والسياره فيها وفيها وفيها وكل مشكله العن عن الثاني وحتشرت عليهم ووقفو السياره اسبوعين تقريبا عقب ماخليت مدير ولا خليت حد اللا وسرتله ولا تغير اي شي في الموضوع قالولي نحن نتريا الاختصاصي ايي عسب يفحها وانته شل السياره وبنتصلبك المهم شليتها وتصلو عقب يومين قالو تعال بنفحصها بالكمبيوتر وفحصوها وقالي اليوم اللي عقبه تعال وسرت وفحصوها وتميت على هالشغله اسبوعين زياده المهم شو يقولون يقولون بناخذ الداتا وبنطرشها حق الياباني عقب بصراحه حسيت انهم يبوني اتعايز عن الموضوع وشل السياره عقب وقفتها عندهم وقالو سير حماية المستهلك سرت حماية المستهلك هههههه وياليتني ماسرت ولا انقهرت تدرون شو قالولي هذيل اللي اسمهم حماية المستهلك حمااااااااااااااااااااااااااية المستهلك قلتلهم انا ماخذ سياره يديده وكانت عطلانه من يوم اشتريتها تدرون شو قالو قالولي ليش اشتريتها قلتلهم كيف اعرف انها خربانه قبل ما اشتريتها قالي لا لازم كنت تفحصها قتله هاي السياره وكاله قالي لازم نخصم عليك خمسه بالميه من قيمة السياره و3000 درهم فحص للسياره هذا لو طلع فيها عيب من المصنع او تدفع الفرقيه او تعدل السياره تخيلوووو كيف يعني جنهم يقولون حق التجاااااااار جربو سياراتكم فيها وانتو مب خسرانين شي يعني لو طلع فيهن عيب بيدفون خمسه بالميه من اووووول يوم استخدام لين ثالث شهر حتى لو السياااره فيها عيب من المصنع وشارنها وهي خرباااااان والسياره كملت شهر ونص اعتقد واقفه في الوكاله وبدلو فيها الجير عسب يعرفون شو هالمشكله قلتلهم هاي مب مشكلتي انا شاري سياره خربانه وغيروها وجربو بسيارتي القبليه كيف ماتبون مشكلتكم هاااااااي واخر الحلقه شو يبون يسوون يبون يخصمون من قيمة السياره خمسه بالميه وادفع الفرقيه واخذ سياره يديده ويمكن تطلع فيها نفس العيوب وارجع على نفس الشغله وين الامانه وين القانون بس ولو حد بيقووووول حولها محاكم لازم ادفع حق المحكمه اعتقد 30 الف وفووق هذا السالفه بطول سنه سنتين الله العالم وانا كتبت هالموضوع لاني مارضا على عيال بلادي ينغشون نفس مانغشيت انا والحبايب لاعبين لعبتهم ولا حد يحاسبهم وحماية المستهلك واقفين وياهم والله يعين المواطنين بس
الله يعينك يا خووي ..
من كثر ما حشروونا وذلّونا فيه ذل لين نزّلووه ..
كل السيارات قبل ما تنزل بسنة اتشووف صوورتها وتعرف عن اخبارها قبل ما تنزل
الاّ هذا النيسان ..
قبل ما ينزل ما تم واحد الا وتفلسف .
واللي يقول محد شافه واللي واللي ويوم قلنالهم شي صوورة في النت من كم سنة موجوده راحوا وقالو لا مب هو هذا … شكله غير وكل شي فيه غير
وبالاخير طلع هو نفسه اللي كنّا شايفين صوورته من سنتين قبل ما ينزل ويعلنوا عنّه .. وبطل الدرووب وبطل الدرووب ..
و60% فيهم مشاكل برمجة وغيره .. واللي فلت منهم تراه هو وحظه ..
في الاخير المفرووض الواحد ما يستعيل يوم بياخذ سيارة ..
وخاصّة أول موديل المفرووض يتريا الموديل اللي عقبه عشان كل واحد يعرف عيوووبها ..
ولو تلاحظ تراها سياسة منهم
نزلووها على البمبر العادي … وعقب الناس ما اشترت منهم راحوا ونزلوا بمبر سيتي .
والحين 70% منهم راحو واشتروا البمبر مال السيتي وركبوه واتعرف قيمة البمبر بروحه حول 3 او 4 آلاف وصبغ وخرابيط ..
الله يسهل اموورك
كلامك حلو صح وانا وياك فيه هذا اذا فيه حقوق الله يسلمك انا كتبت فوق انه راجعتهم في الوزاره وقالو الموضوع عند حماية المستهلك وهاي الخمسه بالميه من قيمة السياره تخصم داااااااايرك مجرد انه السياره اتسجلت بأسمك مع اني شاري السياره وفيها عيوب وكلمتهم وخبرتهم اني انا مشتري سياره فيها عيووووب قالو ليش ماجربتها في عمركم سمعتو عن حد جرب السياره اللي بيشتريها من الوكاله قبل ماياخذها طبعا لا قتله هالكلام قالي هذا القانون وقالي بنوديك عند فني محايد وبيحفص السياره بــ 3000 درهم عاد مادري شو هالفحص اللي على 3000 درهم لو بينزلون المكينه مابيكلف 3000 قلتلهم انتو بهاي الطريقه اتشجعونهم انهم يغشونا ويجربون سياييرهم فينا ولو ماعيبنا مشكلتنا ياخذون السياره ويخصمون خمسه بالميه من فلوسنا وطبعا السياره تنرد المصنع ويعالجونها ويصفرونها ويردون يبيعونها علينا ولا حياه لمن تنادي
السياره مخلنها في الوكاله من شهر ونص وقبلها كنت مخلنه اسبوعين وقبلها كم يوم يعني استخدمت السياره بشكل منتظم في العيد بس وهو من وكالة المسعود للسيارات وعلى فكرة القانون واقف وياهم سواااء اني وقفتها من اول يوم اول ثاني شهر في كل الحالات وياهم بيخصمون خمسه بالميه من قيمة السياره هذا من وزارة الاقتصاد اذا اانه المصنع او الوكيل قال اتبدلوله السياره هذا كلام ثاني بس هم مايبون يبدلونها يبوني ادفع الفرقيه واخذ سياره يديده مع اني مشتري السياره خرباااانه يعني اللي يقهر في الموضوع اني مشتري سياره خربانه والقانون واقف وياهم والمفرووض يفرضون غرامات عليهم عسب مايتكرر هالشي ويا الوكالات الثانيه وين المصداقيه
عادي شو بتقول ياخوي بتكلم منو ولا منو وبيني وبينك انا من فكرت اخذها قلت سياره يديده وتوها نازله ويبالها وقت لين تتغير ونيسان بيعتها سهله وسامانها في كل مكان بس بصرااااااااااحه انا انصح اي واحد ياخذ سياره من امريكا ولا ياخذ سيارره من هني تدري انه النيسان بينزل في امريكا واوربا وهاي اول مره ينزل فيها النيسان عندهم وبعدهم مانزلون لانه فيه عيووب ويجربونه ويعرفون عيوووبه عدنا وطبعا معروووف السبب ليش وهو واضح عيني عينك
الله يعينك بس التعميم على كل النياسين يمكن يكون غير منصف ، ما شاء الله الموتر كمل عندي أكثر من ست شهور ، والحمدلله ما اشتكي منه ، فخامة وراحة ،وفي الرمل يعجبك ،
المهم يا اخوي الله يعينك ، بس الحل موجود ، وجمعية حماية المستهلك لا هي وزارة ولا عندها قدرة الالزام عشان الواحد يحملهم فوق طاقتهم ، سارت وردت إلا هي جمعية ، اذا كنت مطلعنها في دبي والوكالة ما سوتلك سالفة ، قدم شكوى في قسم حقوق المستهلكين في الدائرة الاقتصادية ، وقسم الشكاوى في وزارة الاقتصاد ، وبعد عندك المحكمة ارفع عليهم قضية ، إنت عندك ضمان سلامة المنتج من العيوب والوكالة ملزومة تصلح العيوب ، بس السالفة يبالها مراكض والله يعينك !