السلام عليكم.
اليوم يايب لكم التجربه مالي لحجز الفنادق .
مافي شي يخوف الصراحه ، وانا عن تجربه . مثلي مثلكم كنت خايف من البدايه .
جربت اول مرة موقعين وماعرف هل صبت او خبت .
بعد الحجز اتوكلت وسافرت وعطيتهم رقمالحجز والحمد لله نجحت .
والحمد لله حتى تذاكر السفر اخذها عن طريق دناتا وانا يالس في البيت ، اللهم اخذ رقم الطلب واروح الكونتر ويعطوني البوردنق وخلاص .
اصبح الموضوع اخف من شرب الماي ياجماعه .
………………………………………….
المطلوب لازم يكون عندكم قبل ماتدخلون مواقع الحجز شيئين :
1- فيزا أو ماستر كارد .
2- ايميل .
طبعا الفيزا علشان يبغون يخصمون المبلغ . والفيزا معترف فيه عالميا. وهذا الكل يعرف بس حبيت اوضح زياده .
الايميل: علشان يطرشون لكم الموافقه ورقم الحجز . وبعدين اذا عنكدم طابعه(برنتر) تطبع وتوديه الفندق.
ملاحظه: لازم تحجز قبل السفر اقل شي بيومين . وانا افضل 3 ايام علشان يتأكدون ان الفندف اللي بتسير له شاغر . لان بعض الاوقات يبين ان الفندق شاغر ومب مسوين له اب ديت . فيرجى الانتباهه.
طبعا الفيزا بتحتاجه وايد اذا تسافر مثلا ،
انا شهر 5 سافرت الى تايلند ، حجزت فنادق مال 3 ايام في بانكوك وحجزت تذاكر عن طريق دناتا وانا يالس في البيت .
اخذت الايميلات وطبعتها وروح ماتروح الى المطار ، تروح المطار قبل السفر ب 3 ساعات علشان يعطونك التذكره .
بعد هالشي لما وصلت بانكوك رحت الفندق اللي حجزت فيه خبرتهم وعطيتهم رقم الحجز والحمد لله الامور كانت ممتازه ولااستوا شي .
بعدين حبيت اروح شينغ ماي . رحت ودخت طيران اير ايسيا ها موقعهم :
Welcome to AirAsia.com…now everyone can fly…
شوفو الاسعار ، خبال الصراحه وارخص . ونصيحه سافرو وخلكم كول .
هالطيران يودي الى :
استراليا + بروناي+كمبوديا+الصين+اندونيسيا+هونغ كونغ+ماليزيا+مكاو+فيتنام+سينغافور+تايلند
وحتى داخل البلدان .
لما تسيرون تحجزون خبروهم انكم تبغون اير ايسيا. وانتباه لازم تعرفن الاسعار قبل . لان صارت وياي . رحت وشيكت طلع اكثر من المكتب ب 100 درهم تقريبا.
Welcome to AirAsia.com…now everyone can fly…
انا مرتاح ، وارتحت وياهم جدا جدا . سفري غير .
مع خصومات . بتدفع 20 درهم زياده ويخلونك تدخل اولواحد .
…………………………….
البعض يسأل ليش هالصدعه كلها اروح المكاتب احسن اخذ كل وادفع واروح وانا مطمن :
انا اقول جي بعد ، لكن الطريقه هاي تعلمك تستخدم النت وماتخاف ، وتتعلم انك تسوي اشياء طلبيات حتى في شغل شيء ثاني مثل تبيع وتشتري في العالم كله ، ويعلمك انك تطلب وانت يالس في البيت، ومايبالها صدعه راس ولفات المكاتب .
…
موقعيبن انا اثق فيهم الان .
تابعوني علشان اخبركم شو تسوون .
booking.com ممتاز ، واحلى شيء ما يخصمون منك شيء.
الله يوفقك
وعندك بعد موقع
ww.asiarooms.com
حلو ونفس طريقة المواقع السابقة
والله حلوو كلامك
بس انا عندي موقع افضل من اللي ذكرتهم انت
والسبب في الافظليه
1) المبلغ لايخصم من الفيزا ابدا بس مجرد تامين للحجز يوم تحطي رقم الفيزا .
2) المبلغ يتم دفعه بعد ما تسكن في الفندق اللي انت حاجزنه .
3 ) تقدر تحجز بنفس الوقت اللي تشوف فيه الفندق اول ما تختاره يعطيك اذا كان فيه شاغر اول لا واذا حجزت بنفس الثانيه يرسل لك ايميل ورقم الحجز عليه .
4) في حالة انك تبا تنكسل تقدر اتكنسل بنفس اليوم واذا مر اليوم وما كنسلت وما رحت لهم يتكنسل ااوووردي بس بياخذوون عنك ليله وحده وراح تخصم من الفيزا .
وهذا الموقع
Booking.com online hotel reservations
صارلي 3 سنين اسافر وكل حجزي عن طريق هذا الموقع
وتحياتي لك
طبعا هني الحين بخبركم عن الموقعين عالخفيف .
الموقع الاول :
Last Minute Hotels in Thailand by LateStays
اسم الموقع : ليت ستى.
هالموقع تقدر تشوف مواقع الفنادق في العالم كله . وتحجز قبل المده ب 2 او 3 ايام .
وعلى حسب الميزانيه ، وانا ماستحى اختار 3 نجوم .
تقدر تحجز الفنادق على حسب كم يوم ، والايام الباقيه تحجز غير فنادق .
او حتى اي ي تسير نفسك لين ماتوصل هناك .
اول موقع تعاملت وياه بحجز الفنادق .
يعني مجررب .
…………………….
الموقع الثاني :
Worldwide Hotel Discounts – Agoda.com
اسمه: اجودا.
انا اتعاملت وياهم وطلعو محترمين جدا جدا .
هالموقع لازم تحجز قبل ماتسافر ب 2 او 3 ايام .
عندهم خدمه جات او لاين مثل:
1- للاستفسار
2- تحجز فندق .
3- تكلمهم بتغيير الفندق.
وكل شي ..
طبعا تقدر تحجز عادي بدون ماتكلمهم. لكن كضمان تقدر تكلمهم زياده لحب المعرفه .
عند جمله :
Chat online with Live Agent 24/7
عاليسار مكتوب لك :
Please click here to immediately contact one of our Customer Service Agents via our Secure Online Chat Program
اضغط على :
click here . حط بياناتك كاسم وايميل وعلى طول خلك دقايق ويكلمونك برعه لاي استفسار …
وارجو انكم استفدتو ويااي في هذه الحلقه الخفيفه .
السموحه من الجميع.